Aizaya 34:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ito re Idọm na ejobi cha kpọ hirhe phihọ ọrhorhe, ibiekpen rọye ki hirhe phihọ ibiekpen re erhanre, otọ rọye kọ hirhe phihọ orhọrhe rọ tuan.

Aizaya 34:9 ပူးပေါင်းရင်းမြစ်များ

Jẹnẹsis 19:28

ọ da kpare opharo ni Sodọm vi Gomora kugbe ishekpotọ na, nighe, o vwo ni, ivwirhi rẹ orho na de bru kpenu kerẹ erhanre re etu.

ỌBE RẸ JOB 18:15

Obo re hẹ utughẹ rọye na ọvuọvo dia ọrọye-e; osio rẹ erhanre da rhe rhọ phihọ ẹdia rọye.

Une rẹ Ejiro 11:6

Osio rẹ ibieragha vẹ erhanre cha rhọ phihọ enu rẹ oruimwemwu; odju vẹ uvo rọ torhẹ re cha dia ẹkẹn ukọ rayen.

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Jerimaya 49:13

Kidiẹ me vwẹ oma mẹ duvwuiyori nure, ẹriyin Ọrovwohwo tare, nẹ Bozra che hirhe phihọ emuọshọ, ohare ofefe kugbe ekan; irere rọye ejobi ke cha dia ifefe rhiri bẹdẹ.

Iyẹnrẹ Esiri ri Luk 17:29

ẹkẹvuọvo ẹdẹ ri Lọt ghwe vrẹn nẹ Sodọm, erhanre vẹ ibioso rẹ erhanre da rhọ nẹ odjuvwu rhe rhe ghwọrọ ayen ejobi–

Urhi Rivẹ 29:23

osio rẹ ibieragha rẹ erhanre ve isọn ọnre ke rhọ phihọ otọ na ejobi, kugbe otuanto re torhẹ kufia ejobi, asan ro shaton, re voro-o, ro di ẹbe-e ra torhẹ muotọ kiri Sodọm vi Gomora, Adma vi Ziboim, rẹ Ọrovwohwo vwẹ ophu rọye vwọ ghwọrọ kufia na,

Ọbe ri Jud 1:7

kirobo ri Sodọm vi Gomora kugbe irere re riariẹ ayen phihọ na, re vwẹ oma rayen kẹ ọfanrhiẹ egbe rẹ urhuru sivwe rẹ ugboma si ghwru na, ra da vwẹ ayen ru oka vwọ reoja rẹ ehwe rẹ erhanre ri bẹdẹ na.

Ẹvwọphia 19:20

E de mu eranvwe na, kugbe emraro rẹ efian na ri ruẹ emu rẹ igbunu kẹ mrẹ na re vwọ phiẹn ihwo ra ka oka rẹ eranvwe na phihọ na kugbe ihwo re gọ oma rọye. E de mu ayen ivẹ na ọkpokpọ teye ẹtẹrhe rẹ erhanre rọ torhẹ vẹ ibiosio rẹ erhanre.

Ẹvwọphia 21:8

Ẹkẹvuọvo vwọ kẹ ọvwoshọ, ọ ro jẹ esegbuyota evwo, ọ ro gbe ẹgua, vwọ kẹ ozighẹ, ovwofanrhiẹ, ọmraro, ọgọedjọ, kugbe ọvwọrọn ofian, ughwẹ rayen kẹ ẹtẹrhe rẹ erhanre da tua vẹ ibiosio rẹ erhanre na, kọye hẹ ughwu rivẹ.