Aizaya 34:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Ọrovwohwo na vwo ọlọko ọvo, ọbara ghwoiri yanka, ivwri ranmuo koi, ve ọbara rẹ imigodẹ kugbe ẹvwe, vẹ ivwri re ibiehun re egbo. Kidie Ọrovwohwo vwo izobo vwi Bozra, ihwehwe rode vwe otọ re Idọm

Aizaya 34:6 ပူးပေါင်းရင်းမြစ်များ

2 Samuẹl 1:22

Nẹ ọbara rẹ ihwo re hweri, nẹ ivwri rẹ ọgba, umurhabọ ri Jonatan gbaprẹ-ẹ, ọlọkọ ri Sọl fiabọ-ọ.

1 Ikun rẹ Ivie 1:44

Bela vwo ghwu nu, Jobab ọmọ ri Zerah ri Bozrah da re uvie vwẹ ẹdia rọye.

Une rẹ Ejiro 137:7

Karohọ, E Ọrovwohwo, ẹ vwọ suọ rẹ ihwo rẹ Idọm vwẹ ẹdẹ ri Jerusalẹm, obo rẹ ayen tare, Ghwọrọ muotọ, ghwọrọ muotọ! Kpotọ re te esiri rẹ uchivwo rọye!

Aizaya 29:2

Dede na oma cha rhọ Ariẹl, e che beroma a cha viẹ vwọ, kọ cha họhọ Ariẹl kẹ vwẹ.

Aizaya 34:5

Kidie ọlọkọ Me da evun vọn vwẹ obo Idjuvwu, nighere, o wotọ rhe ri gu ẹdjọ kpahe Idọm, vwọ kpahe ihwo ri mi brorhiẹ re ughwu hwe nure

Aizaya 63:1

Ona ono ro ne Idọm cha na, rọ vẹ iwun rẹ ododo gbe nẹ Bozrah cha, ro muẹ urinrin vwe evun rẹ irhuo rọye, ro chiyẹ cha vwe evun rẹ ogangan rọye rode? Mẹvwẹ, ri ghwoghwo ase ẹriọ, kugbe ẹgba rẹ esivwo.

Aizaya 63:3

Mẹvwẹ ọvo kpoi ri chiyi okọ ri wain na, vwẹ usun rẹ ihwo na ohwo ọvuọvo vwọ ba vwẹ-ẹ, Mi chiyi ayen vwe evun rẹ ophu Mẹ mi de mi ayen vwẹ evun rẹ ivuemiovwo mẹ, ọbara re arhọ rọye na da sare ku iwun Mẹ, Me vwẹ ayen mu iwun Mẹ ejobi.

Aizaya 65:12

Ke Me vwẹ owẹ kẹ ọlọkọ, ovwan ejobi ki che gbe uyovwi phihọ otọ kẹ ọ ro hwe ihwo na; fikiridie, ọke Mi vwo se, wo nyori-i, ọke Me vwọ ta ota, wọ kerhọ-ọn, ẹkẹvuọvo wo de ru umwemwu vwẹ obaro Mẹ, wọ da jẹ obo ri tu vwe oma .

Jerimaya 12:12

Vwẹ enu rẹ igbenu phrephrephre na ejobi etiyin ọghwọrọ na nẹ cha; kidie ọlọkọ rẹ Ọrovwohwo guọghọ nẹ oba rẹ akpọ ọvo re te oba rivẹ, ohwo ọvuọvo ro vwo ufuoma hẹrọ-ọ.

Jerimaya 25:34

Viẹ, ovwan isuigegede, re we kperi, gbunie vwẹ iwurhie, ovwan ilori rẹ igegede na, Kidie ẹdẹ rẹ ehwe vẹ ọ rẹ ohra rẹ ovwan rhire wo che she kerẹ egbo yoyovwi

Jerimaya 46:10

Ẹdẹ yena ẹdẹ rẹ Ọrovwohwo Ọghẹnẹ rẹ otuofovwi, ẹdẹ rẹ ihriẹriọ rọ vwọ reihri rẹ ivwighrẹ rọye. Ọlọkọ cha ghwọrọ rọ da bẹn tunu, rọ da da ọbara rayen vọn evun. Kidie Ọrovwohwo Ọghẹnẹ rẹ otuofovwi ze izobo vwẹ orere rẹ obọrhe ọnre rọ kẹrẹ urhie ri Yufretis.

Jerimaya 49:13

Kidiẹ me vwẹ oma mẹ duvwuiyori nure, ẹriyin Ọrovwohwo tare, nẹ Bozra che hirhe phihọ emuọshọ, ohare ofefe kugbe ekan; irere rọye ejobi ke cha dia ifefe rhiri bẹdẹ.

Jerimaya 49:7

Vwọ kpahe Idọm: Enẹ Ọrovwohwo rẹ otuofovwi na tare: Aghwanre gbe hẹ Tẹman? Iroroejẹ ghwru nẹ obọ rẹ obuiroro re? Aghwanre rayen ravwiẹnre?

Jerimaya 50:27

Hwe irhuẹn rọye ejobi, jẹn ayen yanran bru ọrohwe. Ekan kẹ ayen, kidie ẹdẹ rayen rhire, ọke rẹ ehwe rayen.

Jerimaya 51:40

Me cha ghwẹ ayen rhe kerẹ emigodẹ re che hwe, kerẹ egbo vẹ ẹkpro.

Izikiẹl 21:10

a nọro da phẹrẹphẹrẹ re ọghwọrọ, e riere fia re ọ nyavwẹ aro kerẹ enu! Eyẹ kẹ avwanre ghọghọ? Wọ jẹ ọkpọ na fia, ọmọ mẹ, kugbe emu kemu ra vwẹ urhe kare.

Izikiẹl 35:15

Kirobo wọ ghọghọ kpahe uku rẹ uwevwi rẹ Izrẹl na, fikiridie a kuarọ fiotọ, ke otiọye mi che nene uwe ru, ka kua wẹ fiotọ, Ugbenu ri Siar, vẹ Idọm ejobi, ayen ejobi kpae. Etiyin ayen ke riẹn nẹ mẹvwẹ ọye Ọrovwohwo na.

Izikiẹl 35:8

Ke me vwẹ ihwo re hweri na vọn igbenu wẹn ejobi, vwẹ enu re igbenu itete wẹn kugbe iyara wẹn kugbe egọdọ ride wẹn ejobi otu ra vwẹ ọlọkọ hwe na ke cha vọn ayen.

Emọs 1:11

E nẹ Ọrovwohwo na tare: Fiki rẹ ogbeku erha rẹ Idọm, ji kugbe ẹne, mẹ gbe sa rhan unu rẹ ehwe na-a, fikiridie ọ vwẹ oda tua omoni rọye, ọ rha re ehrọre-e, ophu rọye rhe vwo ure-e, o de mu ophu rọye na rhiri bẹdẹ.

Zẹfanaya 1:7

Rhurhu unu vwẹ obaro rẹ Ọrovwohwo Ọghẹnẹ! Kidie ẹdẹ rẹ Ọrovwohwo na te otọ re; Ọrovwohwo rhuẹrẹ izobo kpahe Ọ nabọ ru erhorha rọye fuanfon.

Urhi Rivẹ 32:14

Ameivie orhierhi rẹ ẹvwe, kugbe ameivie ro nẹ igegede rhe kugbe ivwri rẹ emọ rẹ igegede vẹ egbo, uchuru ri Bashan kugbe ẹvwe kugbe eka ri Me yovwi ejobi vwẹ evun rẹ ọbara ri otie wọ da da wain

Urhi Rivẹ 32:41

ọ da dianẹ Me nọ ọlọkọ mẹ ro lo na, rẹ obọ mẹ da yọnrọn orhiebro, ki mi che ru ivwighrẹ mẹ keri, ke Me cha hwa osa kẹ iri mu kpahe ovwẹ.