Aizaya 34:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Usun re otu re obo odjuvwu ejobi che gbo kufia, obenu na ko che kpirhi kere eni. Otu rayen ejobi ki che she, kere obo re che kpara ne vain, kere che ri fig rọ kpara she ne urhe rọye

Aizaya 34:4 ပူးပေါင်းရင်းမြစ်များ

Aizaya 13:10

Kidie isio rẹ obo odjuvwu veẹ ọghwẹgbe rayen gbe cha vwẹ orẹmrẹ rayẹn phia-a; ọnre rọ vacha na ko che bi, emeranvwe na gbi che lo-o.

Aizaya 13:13

Eriyin na ki mi che mu odjuvwu kpogho, akpọ na ko che kpogho nẹ ẹdia rọye, vwe ophu rẹ Ọrovwohwo rẹ ofovwi na vwẹ ẹdẹ rẹ ophu rode rọye na.

Aizaya 14:12

Mavọ wo vwo she nẹ odjuvwu rhe, Isio rẹ Uvo, ọmọ rẹ Irhiọke! Mavọ a nyavwe owẹ ghwiẹ otọ, wẹ rọ vwẹ irere na ejobi hwa otọ!

Aizaya 51:6

Kpare ẹro kpo obo odjuvwu, re wo ni akpọ rọ he obo otọ, kidie idjuvwu na cha ravwiẹn kerẹ ivwirhi akpọ na cha phoriẹn kerẹ ewun, ihwo re dia evun rọye na ki che ghwu kerẹ oro; ẹkẹvuọvo esivwo Mẹ kọ dia bẹdẹ, esivwo Mẹ gbi se vwo oba bẹdẹ-ẹ.

Joẹl 2:10

Otọ na re kpogho vwẹ obaro rẹ ayen, obenu na ra phariẹ. Ọnre na vẹ emeranvwe mu ebri, elo rẹ isio na de si reyọ.

Joẹl 3:15

Te ọnre vẹ emeranvwe muegho, isio ri lo she divwi

Matiu 24:29

Siẹvuọvo na, rẹ ukpokpogho nana ejobi de nẹ otọ nu, ọnre ko che muegho, emeranvwe gbi che lo-o, isio ki che she nẹ enu rhe, ogangan rẹ obo odjuvwu ejobi ki che kpogho;

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Hibru 12:27

Ephẹrẹ nana, Kẹ ẹsiẹvo ri chekọ na, dje phia nẹ e che si obo ri kpogho no, kọye hẹ obo ra mare, rere obo ri je kpogho vwọ daji.

Ẹvwọphia 20:11

Etiyin me da mrẹ ekete ọfuanfon rode ọvo kugbe ohwo ro tidia enu rọye; opharo rẹ ohwo ro tidia na da nẹrhẹ akpọ vẹ odjuvwu va djẹ, a gbe mrẹ asan vwọ kẹ aye-en.

Ẹvwọphia 6:12

Ọke re vwo novie usiaphrẹ resan, mi vwo ni, nighe, otọ rode de rhi kpogho; ọnre de rhi bi kerẹ ubi, emeranvwe rọ vẹgbẹ da họhọ ọbara,

Ẹvwọphia 8:12

Amakashe rẹne de hworo oware rọye, a da ghwiẹ akarha rẹ ọnre, kugbe akarha rẹ emeranvwe, kugbe akarha rẹ isio, ọtiọye na akarha rẹ orẹmrẹ rayen de mu ebri; akarha rẹ ọnre gbi vwo orẹmrẹ-ẹ, ọtiọye ji te akarha rẹ emeranvwe.