Aizaya 34:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Irivwi rayen re hweri ka kpare ayen kufia, ọnrhe re irivwi rayen na che gbo rhe, igbenu na ke cha dje ọkẹre ve oham rayen

Aizaya 34:3 ပူးပေါင်းရင်းမြစ်များ

Aizaya 10:4

Emuọvo rhe chekọ-ọ jokpa rẹ ighuvwu ra cha ghwọrọ eyẹ eye she vwẹ ohri rẹ ihwo re hweri. Kidie vwẹ enana ejoi na ophu rọye fueri-i yen obọ rọye je riẹn phia.

Aizaya 34:7

Irhuẹn re aghwa re ayen che She, emọ re irhuẹn ra ghwanre kugbe irhuẹn re eshare ride. Otọ rayen cha kpọrhọ ve ọbara, ivwri rayen kọ nẹrhẹ otọ na yovwi,

Aizaya 66:24

Ke ayen cha yan phia rhi ni irivwi rẹ ihwo ri gbe ozighi kpahe ovwẹ, kidie ihori rayen che ghwu-u, erhanre rayen che fu-u, ke ayen cha dia ometuo keẹ ihwo ejobi.

Jerimaya 22:19

Obo re shi ekẹtẹkẹtẹ ọye esho, e kpono e mi do phihọ abọ oboyi rẹ inurhoro ri Jerusalẹm.

Jerimaya 25:33

Otu rẹ Ọrovwohwo hweri vwẹ ẹdẹ yena cha riẹn nẹ oba rẹ akpọ ọvo re te ọrivẹ. A cha viẹ aye-en, e ji koko aye-en, e ji shi aye-en, ayen cha dia isọn vwẹ enu rẹ otọ na.

Izikiẹl 14:19

Eyẹ mi de ji emiavwe kpo evun rẹ otọ na, ri mi de ku ophu Me kuo vẹ ọbara, rere e vwo bru ohwo vẹ eranvwe nọ,

Izikiẹl 32:4

Ke me vwẹ owẹ phiotọ, vwẹ uphephẹ ghwrọrọ, me kpare owẹ phihọ, ke me ta kẹ emephran rẹ obenu na nẹ e bọn ẹho phihọ owẹ, ke me vuẹ eranvwe rẹ akpọ na ejobi nẹ e re o wẹ.

Izikiẹl 35:6

vwẹ ọtiọye na, kirobo re me herọ na, eriyin Ọrovwohwo Ọghẹnẹ tare, me cha rhuẹrẹ owẹ kpahe vwọ kẹ ọbara, ọbara kọ vwọ tua wẹ; fikiridie wọ re abe rẹ ọbara, fiki rẹ ọtiọye na ọbara kọ vwọ tua wẹ.

Izikiẹl 38:22

Te emiavwe te ọbara mi che vwo nene guẹdjọ, ki mi che si osio hwe re usun rọye kugbe ihwo buebu re vẹ ọye gba herọ, osiọ rode vẹ osio rẹ erhanre, erhanre kugbe ibieragha rẹ rhorha.

Izikiẹl 39:11

Vwẹ ẹdẹ yena ke me vwẹ asan kẹ Gọg re sho phihọ vwẹ Izrẹl, Iyara rẹ Eyoyan vwẹ obaro ọnre rẹ abadi na; kọ kanre eyoyan na dje, kidie etiyin Gọg vẹ ihwo rọye gbidi na e che shi ayen phihọ, ke che se Iyara ri Hamọngọg.

Izikiẹl 39:4

Ku wọ che she vwẹ enu rẹ igbenu rẹ Izrẹl, wẹ vẹ usun wẹn ejobi kugbe ihwo re vẹ owẹ gba herọ; ke me vwẹ owẹ kẹ emephran kemephran re ria eranvwe kpokpọ, kugbe eranvwe re djoma rere ayen re.

Joẹl 2:20

Ki mi che bi ohwo rọ he obọhwẹre ọnre nẹ uwe oma, ke Me cha djẹ ra ro otọ ọyaya vẹ otọ ofefe, obaro rọye ra ro abadi rọ hẹ obaro ọnre, obuko rọye kpo abadi rọ he obuko ọnre; ọnrhe rọye ro gbo phi na ko che bru rhe kidie o ru okpemu rode.

Emọs 4:10

Mi ji ọtiekọ rhe ohri rẹ ovwan kerẹ obo ri mi ru Ijipt Me da vwẹ ọlọkọ hwe imighene rẹ ovwan; Mi de mu iyesi rẹ ovwan reyọ, mi de ru ọnrhe rẹ erhọn rẹ ovwan gbo hwe ovwan; yẹ ovwan ji hirhe bru vwẹ rhe-e, Ọrovwohwo na tarọ.

Nahum 3:3

Otu re dia enu rẹ iyesi da nyavwẹ oda, oda re djuẹ vẹ ibiri ri lo wrowro, otu re hweri vẹ otọ gbidi, irivwi rẹ ihwo re do koko, irivwi rẹ ihwo ri vwo oba-a, ayen mia yẹghrẹ she teyọ irivwi na!

Ẹvwọphia 14:20

E de re chiyi vain na vwẹ okọ rẹ imiemi vwẹ ughere rẹ orere na, ọbara da mwavwe nẹ evun rẹ okọ rẹ imiemi na rhe, ọbara na tobọ re erhuẹn phihọ dede, ọ da djẹ ọkẹre ichiyi uriori kugbe ujori esan.