Aizaya 33:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ kọye cha nẹrhẹ akpọ wẹn mu vi, esivwo buebu, ẹghwanre kugbe erianriẹn, oshọ rẹ Ọrovwohwo kọye cha dia efe rọye

Aizaya 33:6 ပူးပေါင်းရင်းမြစ်များ

Ivie rẹ Ivẹ 18:7

Ọrovwohwo vẹ ọye da herọ; asan kasan rẹ rare ejobi ko yovwi kẹ. Ọ de mukpahe ovie rẹ Asiria, o gbe rhọvwe ga-a.

ỌBE RẸ JOB 4:6

O dia oshọ ẹdjẹ rẹ Ọghẹnẹ wọ vwẹ ẹro so, ọ dia ọvwata rẹ idjerhe wẹn ọye iphiẹrohọ wẹn?

Une rẹ Ejiro 140:7

E Ọrovwohwo, Ọrovwovwe, osivwi ọgangan mẹ, wọwẹ ri rhurhu uyovwi mẹ vwẹ ọke rẹ ofovwi.

Une rẹ Ejiro 28:8

Ọrovwohwo ọye ogangan rẹ ihwo rọye, ọye odjahọ re esivwo kẹ ọ rọ vwẹ evwri te.

Une rẹ Ejiro 45:4

Vwẹ evun re ọrho wẹn gua rhe vẹ obọẹkparọ vwi fiki rẹ uyota rere wọ rhe chochọ rẹ ọvwata, jẹn obọrhe wẹn yono uwe uruemu ro mu oshọ!

Isẹ 14:24

Aghwanre ọye erhu rẹ uvie rẹ ọvweghwanre, ẹkẹvuọvo ughẹnghẹn kọye rha hẹ erhu rẹ uvie rẹ ẹkpa.

Isẹ 14:26

Oshọẹdjẹ rẹ Ọrovwohwo ọye e de vwo iphiẹrohọ ọgangan; emọ rọye ke sa mrẹ asan adjẹrhọn.

Isẹ 14:27

Oshọẹdjẹ rẹ Ọrovwohwo na ọye ogbugbu rẹ arhọ, ohwo kọ sa vabọ rẹ ufi rẹ ughwu.

Isẹ 15:16

Emerha rẹ ohwo vwori vẹ oshọẹdjẹ rẹ Ọrovwohwo na, yovwi nọ efe buebu rọ vọnre vẹ ukpokpogho.

Isẹ 19:23

Oshọẹdjẹ rẹ Ọrovwohwo ri suẹn ohwo kpo arhọ; ohwo ro vworo evun kọ vọn; kidie ukpokpogho gbi che te ẹdia rọye-e.

Isẹ 2:5

kẹsiẹye wọ ke riẹn otọ rẹ oshọẹdjẹ rẹ Ọrovwohwo na ku wọ mrẹ erianriẹn rẹ Ọghẹnẹ.

Isẹ 28:2

Otọ de fi ẹdjọ ihwo ri suo ki buebu, ẹkẹvuọvo ihwo ri vwo iroro vẹ erianriẹn da herọ kọ se muẹdia krekri.

Isẹ 29:4

Uruemu esiri ọye otọ rẹ ovie suẹn sa vwọ kpọviẹ, ẹkẹvuọvo ọ rọ vwẹ ẹgba miẹ arhọghọ che miovwo otọ na.

Aghwoghwo 7:12

Kidie ekpọfia rẹ aghwunre họhọ ekpọfia rẹ Igho, erere rẹ erianriẹn ọ na nẹ aghwanre sa sẹro rẹ akpọ rẹ ohwo ro vworo.

Aghwoghwo 7:19

Aghwanre vwẹ ẹgba kẹ ọvwaghwanre nọ isun ihwe re hẹ evun rẹ orere.

Aizaya 11:9

Ayen cha wan ohwohwo oma-a vwe ugbenu ọfuanfon mẹ-ẹ; kidie akpọ na cha vọn vẹ erianriẹn rẹ Ọrovwohwo kirobo rẹ ame vọn urhie na.

Aizaya 26:1

Vwẹ ẹdẹ yena ka so une nana vwẹ otọ ri Juda. Avwanre vwo orere ọvo rọ ganre ọ vwẹ esivwo vwo vi kerẹ igbẹhẹ ra vwẹ ogben vi.

Aizaya 32:17

Erere rẹ ọvwata kọ dia ufuoma, otọ rẹ ọvwata, ke ofuvweghe kugbe ẹro evwosuọ bẹdẹ.

Aizaya 32:18

Ihwo mẹ ke cha dia asan re ufuoma, asan rẹ eghemọphe, edia rẹ ọmaerovwo fuefu.

Aizaya 33:20

Gbe ni Zayọn, orere re avwanre da re erẹ. Ẹro wẹn kọ mrẹ Jerusalẹm, ẹdia ọfuefu, uwevwi re ibokpo ro je ghwie, re ighere rọye se ghwie-e, eyẹ ufi rọye ọvuọvo che vwrẹ-ẹ.

Aizaya 45:17

Ẹkẹvuọvo Izrẹl Ọrovwohwo ri sivwiro vẹ esivwo ri bẹdẹ, wọ cha mrẹ omaẹvuọ-ọ eyẹ ozighi-i rhiri bẹdẹ.

Aizaya 51:14

Ohwo ro turuko jovwo cha kpoma vi nanana, o che ghwu rọ da yanran kpo obo Ukpotọ-ọ, eyẹ emuọre rọye se re-e.

Aizaya 51:6

Kpare ẹro kpo obo odjuvwu, re wo ni akpọ rọ he obo otọ, kidie idjuvwu na cha ravwiẹn kerẹ ivwirhi akpọ na cha phoriẹn kerẹ ewun, ihwo re dia evun rọye na ki che ghwu kerẹ oro; ẹkẹvuọvo esivwo Mẹ kọ dia bẹdẹ, esivwo Mẹ gbi se vwo oba bẹdẹ-ẹ.

Jerimaya 31:34

Ohwo rhe se yọnọ ọrivẹ eyẹ omoni rọye ọfa-a, nẹ, Riẹn Ọrovwohwo na, kidie ayen ejobi cha riẹn vwẹ, nẹ otete rayen re te ọrode rayen, eriyin Ọrovwohwo tare, kidie me cha vwẹ orukuruku rayen vrẹn ayen, me gbe cha karohọ umwemwu rayen ọfa-a.

Habakọk 2:14

Kidie otọ na cha vọn vẹ erianriẹn rẹ urinrin rẹ Ọrovwohwo na, kirobo rẹ ame phoro abadi na.

Matiu 6:33

Ẹkẹvuọvo gba ka guọnọ uvie rẹ Ọghẹnẹ tavwe, kugbe ọvwata rọye, kọ vwẹ emu na ejobo ba kẹ wẹ.

2 Kọrẹnt 6:10

kerẹ ihwo re reoja, yẹ ayen ghọghọ kọke kọke; kerẹ ivwiogbere, yẹ ayen nẹrhẹ ihwo buebu fe; kerẹ ihwo ri vwo emuọvo-o, yẹ ayen vwo emu kemu.

1 Timoti 4:8

kidie rẹ cha ẹha vwo vwo eme erere na, uyoyovwi kọye me vwo erere vwẹ idjerhe kidjerhe, o vwo osa vwẹ akpọ nana nu o ki ji vwo osa vwẹ akpọ rọ cha.

1 Timoti 6:6

Uruemu esiri gbine vwo erere ọ je nẹrhẹ udu dia ki;