Aizaya 33:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Ẹkẹvuọvo Ọrovwohwo na ro vwo ọrho ọ vẹ avwanre obọ asan rọ vọnre ve irhie eliehere vẹ itọ ride, asan re ọkọ re inaweri je se te, eye ekpo re erhanre ride je sa wan.

Aizaya 33:21 ပူးပေါင်းရင်းမြစ်များ

Une rẹ Ejiro 29:3

Urhuru rẹ Ọrovwohwo ọ hẹ enu rẹ ame; Ọghẹnẹ rẹ urinrin na ra va, Ọrovwohwo vwe enu rẹ ame buebu.

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 33:17

Ẹro wẹn kọ mrẹ ovie na vwẹ erhuvwu rọye; ke ayen che ni otọ ro riẹn yanran phei,

Aizaya 41:18

Ki mi rhie urhie rẹ ame vwẹ ugbenu oyaya na, ogbugbu ke varhe vwẹ iyara na, ki mi hirhe aghwa na phihọ oku rẹ ame, otọ ọyaya na ko hirhe phihọ ogbugbu rẹ ame.

Aizaya 43:19

Nighere, Mi ro ruẹ emu ọkpokpọ; Asakiephana ọ va phiare, wo rhe roro-o? Me cha fan idjerhe phiyọ evun rẹ aghwa irhie ke cha va nẹ aton rhe

Aizaya 43:20

Eranvwe re djoma na se mu na ọghọ kẹ vwẹ, te erha te ogomugorọ, kidie Mi phi ame phiyọ evun rẹ aghwa, irhie phiyọ evun rẹ aton, re ihwo Me jẹreyọ vwọ mrẹ da,

Aizaya 48:18

E ọ dianẹ ke wọ kerhọn rẹ irhi Mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie,

Aizaya 66:12

Kidie enẹ Ọrovwohwo tare Nighere, Mi che bi erhuvwu vwo rhe kerẹ urhie, efe re ẹgborho na kerẹ ọkẹre rẹ oghwe, ku wo viẹ, ko mu we kpahe awọ rọye, kọ fẹrẹ vwẹ awọ rọye.

Zekaraya 2:9

Nighere, mi che kpogho obọ Mẹ phihọ ayen, ihwo re ga ayen jovwo ke cha rhoma gborho ayen. Ko wọ cha riẹn nẹ Ọrovwohwo rẹ otuofovwi na ri ju uvwe.

Ukeri 23:21

Ọ mrẹ umiovwo ọvuọvo vwẹ oma ri Jekọpu-u; eyẹ ọ mrẹ ukpokpogho ọvuọvo vwẹ Izrẹl na-a Ọrovwohwo rẹ Ọghẹnẹ rayen vẹ ayen herọ, edo rẹ ovie ọvo ọ hẹ uherevie rayen.

Iruo rẹ Iyinkọn na 7:2

Stivin da ta; Imoni kugbe esẹ we nyo vwẹ. Ọghẹnẹ rẹ urinrin na vwẹ oma phia kẹ Ọsẹ rẹ avwanre Ebraham, ọke rọ vwọ ka dia Mẹsopotamia, kẹsiẹye ọ ke rhe dia Haran,

Urhi Rivẹ 23:15

Ọviẹn rọ djẹ nẹ obọ rẹ ọrovworo bru we rhe wo vwo rhivwi rhe ọrovworo-o;