Aizaya 33:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² E Ọrovwohwo re ehrọre rẹ avwanre, we avwanre hẹrhẹ. Dia ọchuko rẹ avwanre kirhiọke kirhiọke, esivwo rẹ avwanre vwẹ ọke re ukpokpo-ghu

Aizaya 33:2 ပူးပေါင်းရင်းမြစ်များ

Une rẹ Ejiro 123:2

Nighe, kirobo rẹ ẹro rẹ idibo nẹ obọ rẹ onini rayen, kirobo rẹ ẹro rẹ ọmọtukoli nẹ obọ rẹ inene rọye, Ọtiọye ẹro rẹ avwanre nẹ Ọrovwohwo Ọghẹnẹ rẹ avwanre, bẹsiẹ ro vwo ni aruẹdọ rẹ avwanre.

Une rẹ Ejiro 143:8

Jẹn uvwe nyo ẹguọnọ wẹn ro jẹ rhẹriẹ na vwẹ irhiọke, kidie wẹ me vwẹ ẹro so. Yono uvwe idjerhe re me ra, kidie wẹ me kpare ẹnwẹ mẹ ni.

Une rẹ Ejiro 25:3

E, wo jẹn ohwo rọ hẹrhẹ owe mrẹ omavovwẹ-ẹ, jẹn oma vo ayen otu re họrhọ ro umwemwu eruo ghevweghe.

Une rẹ Ejiro 27:1

Ọrovwohwo ọye urhukpẹ mẹ kugbe esivwo mẹ, kono me djẹ oshọ rọye? Ọrovwohwo ọye ogba ogangan rẹ arhọ mẹ; kẹ oshọ rẹ ono ri rhe mu vwe?

Une rẹ Ejiro 33:22

Jẹn ẹguọnọ wẹn ro je rhẹriẹ na, E Ọrovwohwo, dia enu rẹ avwanre, kirobo rẹ avwanre vwẹ ẹro so wẹ te.

Une rẹ Ejiro 37:39

Esivwo rẹ ọvwata obọ rẹ Ọrovwohwo o nẹ cha; ọye odjahọ rayen vwẹ ọke rẹ ukpokpogho.

Une rẹ Ejiro 46:1

Ọghẹnẹ odjahọ kugbe egba rẹ avwanre, omamọ rẹ ọchuko ra mrẹ, vwẹ ọke rẹ ukpokpogho.

Une rẹ Ejiro 46:5

Ọghẹnẹ o hẹ uherevie rọye, e gbi se ghwie-e; Ọghẹnẹ cha uko phẹrẹkpẹ;

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Une rẹ Ejiro 60:11

E si avwanre nẹ obọ re ọvweghrẹ re avwanre, kidie ọchuko rẹ ohwo rẹ akpọ emu diodi!

Une rẹ Ejiro 62:1

Kidie Ọghẹnẹ ọvo ọye ẹnwẹ mẹ fọre gbiẹi hẹrhẹ; ọye esivwo mẹ nẹ obọ rọye cha.

Une rẹ Ejiro 62:5

Kidie Ọghẹnẹ ọvo ọye ẹnwẹ mẹ fọre gbiẹi hẹrhẹ, kidie iphiẹrohọ mẹ obọ rọye o nẹ cha.

Une rẹ Ejiro 62:8

Vwẹ ẹro suọ vwẹ ọke ejobi, E ihwo; ku udu wẹn ejobi phihọ otọ vwẹ obaro rọye; Ọghẹnẹ ọye odjahọ rẹ avwanre.

Une rẹ Ejiro 90:15

Gbe jẹn avwanre ghọghọ kerẹ uche ẹdẹ ru wọ lagha avwanre krite, kerẹ uche ikpe re avwanre mrẹ umiovwo krite.

Une rẹ Ejiro 91:15

Ọke ro de se vwe, ke me kpahe kẹ, Mi nene dia vwẹ ọke rẹ ukpokpogho, ki mi yoro no ri mi de mu ọghọ kẹ.

Ẹyano 14:27

Etiyin Mosis da riẹn obọ rọye phihọ abadi na, abadi na da djẹ kugbe vwẹ irhiọke, ihwo rẹ Ijipt na da djẹ ruọ, Ọrovwohwo da hra ihwo rẹ Ijipt na vwẹ evun rẹ abadi na.

Aizaya 17:10

Kidie Ọghẹnẹ rẹ esivwo wẹn chọrọ owẹ ẹro, wo gbe karohọ Oragha rẹ odjahọ wẹ-ẹn; ọtiọye na owene wọ kọn ekankọn esiri, wo de mu ẹdjọ ọrhorha phihọ,

Aizaya 25:4

Kidie wẹ hẹ odjahọ ọgangan kẹ ivwiogbere, odjahọ ọgangan kẹ otu rọ bẹn re hẹ ukpokpogho, odjahọ nẹ ogiribo ophie nẹ oheri, kidie ovan rẹ ohwo ogbarogba họhọ ogiribo rọ teyọ igbẹhẹ,

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 26:16

E Ọrovwohwo, vwẹ evun rẹ ọdjarhe kẹ ayen guọnọ owẹ kẹ ayen shẹ ẹrhovwo ẹnẹ vwe ọke wọ vwọ ghwe obo re efafa wẹn kpahe ayen.

Aizaya 26:8

Vwẹ obẹnẹ rọ orhiebro wẹ E Ọrovwohwo, avwanre da hẹrhẹ owẹ; ekarọphihọ rẹ odẹ wẹn ọye ẹguọnọ rẹ erhi rẹ avwanre.

Aizaya 37:3

Ayen da ta kẹ, Enẹ Hẹzikaya tare, Nonẹ na ẹdẹ rẹ ivuemiovwo rode, ọ rẹ ekan, kugbe ophọphọvwe; unwe rẹ ọmọ o phire, ẹkẹvuọvo ogangan ra vwọ chuẹ uvwiẹ herọ-ọ.

Aizaya 40:10

Nighere, Ọrovwohwo Ọghẹnẹ ra cha vẹ ẹgba, igbabọ rọye ri suẹn kẹ, nighere, osa rọye rhere, osa ẹhwa na e hẹ obaro rọye.

Aizaya 51:5

Esivwo Mẹ re siẹ kẹrẹ okpokpakpa, esivwo Mẹ yan phiare, igbabọ Mẹ ro sun ihwo na, erhuru na ra hẹrhẹ ovwẹ, igbabọ Mẹ kọye ayen phi ẹro phihọ.

Aizaya 59:16

Ọ mrere nẹ o vwo ohwo ọvuọvo-o o de gbe unu nẹ a mrẹ ohwo ro vwrẹ ohọnre-e; etiyin ugbobọ rọye da kẹ ephiokparobọ, ọvwata rọye kọye re yọnrerọ.

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Jerimaya 14:8

E wẹ iphiẹrohọ rẹ Izrẹl, wẹ osivwi rọye vwẹ ọke rẹ ukpokpogho, die nẹrhẹ wọ họhọ ọrhorha vwẹ otọ na, vwọ họhọ ọyoyan rọ vwẹriẹre nẹ ọye vwerhẹ asọn ọvo?

Uvwerhe 3:23

Okpokpọ ọ dia kirhiọke kirhiọke, uyota wẹn ọ pha rhuarho.

Hosia 14:2

Gba reyọ eta rẹ uvwerhe re wo rhivwi bru Ọrovwohwo: ru wọ ta kẹ, si orukuruku mẹ nu, reyọ obọ ri yovwiri ke ma vwọ kẹ wẹ emamọ rẹ ẹbẹrunu rẹ avwanre.