Aizaya 33:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Udu wẹn ko ghọghọ vwẹ oshọ na Tivọ ohwo rọ kere na ẹpha, tivọ ọ rọ vwanvwan igho na epha? Tivọ ọ rọ kere ọherhe na epha?

Aizaya 33:18 ပူးပေါင်းရင်းမြစ်များ

Jẹnẹsis 23:16

Ebraham vẹ Efrọn da rhọvwe kugbe; Ebraham da vwavwe idọnọ efuanfon na kẹ Efrọn uchunu ro seri na vwẹ irharo rẹ ihwo ri Hẹt na, shẹkẹl uri ivẹ rẹ idọnọ efuanfon, kiri unu rẹ ineki vwanvwa ọke yena.

Ivie rẹ Ivẹ 15:19

Pul ovie rẹ Asiria da rhe họnre otọ na; Menahẹm da kẹ Pul talẹnt rẹ idọnọ uriori, ọ vwẹ ọnana phoraro kẹ rere ọ cha uko vwọ yọnrọn ẹgba rẹ uvie rọye.

Ivie rẹ Ivẹ 18:14

Hẹzikaya ovie ri Juda de ji ikọn bru ovie rẹ Asiria ra vwi Lakish, tanẹ, Mi ru chọ , si oma uko kẹ vwẹ; obo wo bru kẹ vwẹ ejobi me reyọ. Ovie rẹ Asiria da nọ ekpẹn vwẹ obọ ri Hẹzikaya ovie ri Juda talent ujori erha rẹ idọnọ kugbe talent ọghan rẹ oro.

Ivie rẹ Ivẹ 18:31

Wa kerhọ ri Hẹzikaya-a; kidie enẹ ovie rẹ Asiria tare. Wa rhuẹrẹ kẹ vwẹ re we bru vwe rhe; ọke yena dohwo dẹ vain robọ rọye kọ cha re, dọhwo dowe rọye kọ cha fọn, ọ vẹ ame rẹ orhanre rọye kọ cha da;

Une rẹ Ejiro 31:22

Me da ta vwẹ evun rẹ ọfianvwe mẹ, A djẹ vwẹ sheri nẹ obaro wẹn. Ẹkẹvuọvo wẹ ri nyo oyare mẹ, ọke mi vwo kperi se ukoẹcha wẹn

Une rẹ Ejiro 71:20

Wọwẹ ri ru vwe vwọ mrẹ ikpokpogho edjadja buebu wẹ re rhoma rhọvwọ ovwẹ; ne obo okokodo rẹ akpọ na rhe oboyi wọ da reyọ ovwẹ rhivwi rhe.

Aizaya 17:14

Vwẹ ovwọnvwọn, nighere, udidi rẹ oshọ! Bẹsiẹ rẹ ọke vwo rhie, ayen gbi herọ-ọ. Ọnana ẹkẹn rẹ ihwo re ghwọrọ avwanre na, kugbe ute rẹ ihwo ri gborho avwanre na.

Aizaya 54:14

Vwe evun rẹ ọvwata owọ wẹn de muotọ, ku wọ tephe kẹ oshenyẹ, kidie wọ gbe djẹ oshọ-ọ; vwo nẹ abọ rẹ uguegue, kidie o gbi si kẹre owẹ-ẹ.

1 Kọrẹnt 1:20

Tivọ ọvwẹghwanre na he epha? Tivọ osiọbe na epha? Tivọ ọgbaphro rẹ oge na epha? Ọ dianẹ Ọghẹnẹ hirhe aghwanre rẹ akpọ na phihọ ugheghẹ?

2 Timoti 3:11

Enu mẹ, oja mẹ, obo re phia kẹ vwẹ vwẹ Antiọk, vwẹ Aikoniọm, kugbe vwi Listra, emuemu ri mi chirako rọye; yẹ Ọrovwohwo si vwe nẹ ayen ejobi.

1 Samuẹl 30:6

Oma da ghwọrọ Devid gangan; kidie ihwo na ayen che phio, fikiridie ivun re ghwie ihwo vwẹ udu rayen, ohwo ọvuọvo fiki rẹ emọ rọ rẹ eshare vẹ emetẹ. Ẹkẹvuọvo fiki rẹ Ọrovwohwo Ọghẹnẹ rọye udu rẹ Devid da gan.