Aizaya 33:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Iruimwemwu re he Zayọn oshọ re mu ayen, uguegue mu otu ri je Ọghẹnẹ e vwo Ono vwe usun re avwanre na ve erhanre sa dia? ono vvve usun re avwanre ve ẹtorhẹ ri bẹdẹ na sa dia?

Aizaya 33:14 ပူးပေါင်းရင်းမြစ်များ

ỌBE RẸ JOB 18:11

Uguegue muro vwi kabọ kabọ, ke vwọ tua.

Une rẹ Ejiro 11:6

Osio rẹ ibieragha vẹ erhanre cha rhọ phihọ enu rẹ oruimwemwu; odju vẹ uvo rọ torhẹ re cha dia ẹkẹn ukọ rayen.

Une rẹ Ejiro 21:9

Ku wo che ru ayen kerẹ ekuerhanre rọ la vwe ọke wọ da vwẹ oma phia. Ọrovwohwo che mu ayen rọ vwẹ evun rẹ ophu rọye; erhanre kọ torhẹ ayen.

Une rẹ Ejiro 50:3

Ọghẹnẹ rẹ avwanre cha rhe, ọ cha fọ-ọ, erhanre cha la nene cha, aphopho rode che dju riariẹ phihọ.

Une rẹ Ejiro 53:5

Etiyin ayen epha, vwẹ evun rẹ oshọ rode, vwẹ oshọ ra je mrẹ siẹvo-o! Kidie Ọghẹnẹ cha hra ibeku rẹ ohwo umwemwu; Oma cha vọ ayen, kidie Ọghẹnẹ sen ayen.

Isẹ 28:1

Orumwemwu de djẹ yẹ ohwo ọvuọvo vwọ tua-a, ẹkẹvuọvo udu rẹ ọvwata epha kokoroko kerẹ okpohrokpo.

Aizaya 1:28

Ẹkẹvuọvo jihwo okpetu kugbe iruimwemwu ka guọghọ ayen kugbe, ihwo re sen Ọrovwohwo ka gbọrọ ayen.

Aizaya 10:16

Fiki rẹ ọtiọye na Ọrovwohwo, Ọrovwohwo rẹ otuofovwi na, kọ cha vwẹ emiavwe rẹ ẹdọn mu egba rẹ ofovwi na, ke che koko erhanre rọ tua phihọ otọ rẹ urinrin rọye, kerẹ ogidi erhanre.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 29:13

Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Aizaya 29:6

Ọrovwohwo rẹ otuofovwi na kọ vwẹriẹ akuọrha wẹn vẹ agbrara te otọ ro kpogho kugbe edo rode, vẹ ogiribo kugbe odju vẹ erhanre rọ la rọ ghwọrọ.

Aizaya 32:11

Phariẹ, ovwan eya re hẹ ofuvweghe, guoma, ovwan ri ghwaho rerẹ na ghwie nu, ru wọ ba oma wẹn phihọ, wọ vwe eslsọ rhuọ ehun wẹn.

Aizaya 34:9

Ito re Idọm na ejobi cha kpọ hirhe phihọ ọrhorhe, ibiekpen rọye ki hirhe phihọ ibiekpen re erhanre, otọ rọye kọ hirhe phihọ orhọrhe rọ tuan.

Aizaya 47:14

Nighere, ayen epha kerẹ iphopho, erhanre torhẹ ayen, ayen se sivwi oma raye-en ne ogangan re erhanre na. O vwo esia ra vwọ dia erhanre-e, o vwo erhanre re tidia kẹre-e.

Aizaya 5:24

Fiki rẹ ọtiọye na kirobo rẹ imwerhanre torhẹ etu na, rẹ odi ọyaya torhẹ vwẹ erhanre na, eriyin awọ rẹ umwemwu rayen cha dia gbegbo ẹbe eboba ri yoro cha ki bru ighorigho, fikiridie ayen sen urhi rẹ Ọrovwohwo rẹ otuofovwi na, ayen da jẹ ota rẹ Ọfuanfon Ọvuọvo rẹ Izrẹl na fia.

Aizaya 66:24

Ke ayen cha yan phia rhi ni irivwi rẹ ihwo ri gbe ozighi kpahe ovwẹ, kidie ihori rayen che ghwu-u, erhanre rayen che fu-u, ke ayen cha dia ometuo keẹ ihwo ejobi.

Aizaya 7:2

Ọke ra vwọ ta kẹ uwevwi ri Devid nẹ, Siria vẹ Ifrem kuoma kugbe, udu rọye kugbe udu re ihwo rọye de kpogho kẹre irhe rẹ egbo rẹ odju kpogho.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Aizaya 9:18

Kidie umwemwu torhẹ kerẹ erhanre, kọ torhẹ ekpia vẹ idjigbẹ, etu na kugbe egbo etu na kugbe egbo na ki muẹ la, ki bru ikori rẹ ivwirhi kpenu.

Aizaya 9:19

Fiki rẹ ophu rẹ Ọrovwohwo rẹ otuofovwi na otọ na vwọ torhẹ na ihwo na kerẹ irhe re vwo mu erhanre, o vwo ohwo ọvo rọ yan jẹ oniọvo rọye vwo-o.

Emọs 9:10

Iruimwemwu rẹ hẹ ohri rẹ ihwo mẹ ejobi che ghwu ughwu rẹ ọlọkọ, re tanẹ, umiovwo che se te avwanre oma-a.

Nahum 1:6

Ono ri se mudia hẹrhẹ ophu rọye? Ono se chirako rẹ ọrhorho rẹ ivuemiovwo rọye? Ọ kpare ophu rọye ku kerẹ erhanre, o de hwe eragha na ibribro.

Malakae 3:2

Ẹkẹvuọvo kono che se yivwi hẹrhẹ ẹcha rọye na, ono ri se mudia vwẹ ọke rọ da rhe? Kidie ọ họhẹ erhanre rẹ ogu kugbe odja rẹ a vwọ fọnrhọ emwa;

Matiu 18:8

Ọ diane obọ wẹn, eyẹ owọ wẹ nẹrhẹ owẹ she, bro nẹ oma wẹn o fori kẹ wẹ rere wo vwo kru obọ eyẹ owọ ra ro arhọ, nọ re wọ da vwẹ abọ wẹn ivẹ kugbe awọ wẹn ivẹ ra ro erhanre ri bẹdẹ.

Matiu 22:12

Ọ da ta kẹ nẹ, Oko, mavọ wo ru sa ro uwevwi na, yi wo ku ewun rẹ ọpha phihọ-ọ? Ọ gbe mrẹ ota kpahe-e.

Matiu 24:51

kọ nyavwọ ibribro, ke muo phihọ uwodi, kẹ etiyin o de beroma ọ da reako.

Matiu 25:41

Kọ cha ta kẹ ihwo re hẹ obọhwẹre rọye nẹ, Bioma nẹ asan mie epha, ovwan ihwo ra harhere na, vwo kpo erhanre ri bẹdẹ re koko phihọ kẹ ẹdjọ vẹ emakashe rọye.

Matiu 25:46

Ihwo nana ki kpo ehwe ri bẹdẹ ẹkẹvuọvo otu rẹ evwata ki kpo arhọ ri bẹdẹ.

Urhi Rivẹ 4:24

Kidie Ọrovwohwo Ọghẹnẹ wẹn na erhanre rọ ghwọrọ emu oruẹ, Ọghẹnẹ ro rioma.

2 Tẹsalonaika 1:8

kọ cha vwẹ ayen otu re riẹn Ọghẹnẹ-ẹ reihri kugbe ayen otu ti jẹ ọghọ emuo kẹ iyẹnrẹ esiri rẹ Ọrovwavwanre Jesu.

Ẹvwọphia 14:10

kọ je da udi rẹ ophu rẹ Ọghẹnẹ, ra guare-e re ku phihọ uko rẹ ivuemiovwo rọye, kọ mrẹ odjadja rẹ erhanre kugbe ibiosio rẹ erhanre vwẹ irharo rẹ emakashe efuanfon na kugbe irharo rẹ Omogodẹ na.

Ẹvwọphia 20:10

idẹbono rọ phiẹn ayen na a da kparọ phi phihọ ẹtẹrhe rẹ erhanre kugbe ibiosio rẹ erhanre asan rẹ eranvwe na kugbe ọmraro rẹ ofian na epha, kẹ etiyin ayen da mrẹ odjadja te ason te uvo bẹdẹ bẹdẹ.