Aizaya 32:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Kidie ẹkpa ota rẹ ẹkpa ọ ta, udu rọye umwemwu ọ roro: ro vwo ru emu ọbrabra, rọ vwọ ta ota ọchochọ kpahe Ọrovwohwo, ọ cha davwerhọn re ohwo rẹ owẹvwe hwe-e, ame rẹ ohwo re urhuru siẹ o mi kuofia.

Aizaya 32:6 ပူးပေါင်းရင်းမြစ်များ

Une rẹ Ejiro 141:4

Wo jẹ udu mẹ jẹ iroro umwemwu-u rọ lagha oma rọye fiki rẹ uruemu umwemwu-u rọ yan vwẹ ohri rẹ ihwo ri ruẹ orukuruku-u, wo ju vwe ria omiẹmiẹ raye-en!

Isẹ 19:3

Oke rẹ ohwo da vwẹ ughenghẹn rẹ obọ rọye yan chọ nu, kọ mu ophu kpahe Ọrovwohwo.

Isẹ 24:7

Aghwanre kpenu nọ kẹ ẹkpa, o che se rhie unu vwẹ anurhoro na-a.

Aizaya 10:2

ri kue orhiẹ rẹ uyota rhẹriẹ kẹ ọ rẹ akpọ bẹn ayen mi mie ihwo mẹ ri vwiogbere ẹkẹn ute rayen, rere eyauku vwọ dia emuọre rayen, ayen mi rhe ru ọmọphrorivwi phihọ eranvwe rayen!

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 26:10

Ọ da dianẹ e ru emu esiri kẹ oruimwemwu, o se yono phihọ ohwo esiri-i; vwẹ evun re otọ re evwata na, o ji ruẹ igburuku, ọ sa mrẹ ogangan rẹ Ọrovwohwo vughe-e.

Aizaya 3:15

Die wo rori ru wọ vwọ guọghọ ihwo mẹ ru we vwo wuye opharo rẹ ovwiogbere? eriyin Ọrovwohwo rẹ ofovwi tare

Aizaya 31:2

Dede na ọye re ghwanre ọye je ghwa okpetu cha, o se ota rọye rhivwi-i, ẹkẹvuọvo o che vrẹn vwo so uwevwi re otu ri ruẹ umwemwu, kugbe ihwo re cha orukuruku uko

Aizaya 59:13

ogbeku, kugbe ẹsiọn rẹ Ọrovwohwo, kugbe uko re chuku Ọghẹnẹ rẹ avwanre, ota rẹ oshenyẹ eta kugbe ozighi egbe, iroro umwemwu re roro vwẹ udu kugbe ota re efian ra tanẹ udu cha.

Aizaya 59:7

Awọ rayen djẹ ro umwemwu, ayen bru okpakpa suẹn ọbara rẹ ọvwata te otọ, iroro rayen iroro rẹ orukuruku, evẹre vẹ ẹghwọrọ e hẹ idjerhe rayen.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Jerimaya 13:23

Kẹ ohwo rẹ Itiopia se wene ọphioma rọye gbenẹ edjanakpo se wene ipe rọye? Ọ da dia ọtiọye yi wo ji se ru emu esiri, wẹ rẹ umwemwu riẹriẹ oma nure na.

Izikiẹl 34:18

Kẹ o rhe yovwi kẹ wẹ ru wọ vwọ ria omamọ rẹ egbri na, yu wọ rha vwe owọ wẹn chiyi egbri ri chekọ muotọ, ru wọ vwọ da omamọ rẹ ame na, ji wọ vwẹ owọ wẹn vwurie ọ ro chekọ?

Daniẹl 12:10

Ihwo buebu ki che ru oma rayen fon, ayen mi rhi ru oma rayen fuanfon, kẹ ayen nabọ fon; ẹkẹvuọvo ohwo umwemwu ko che ru phihọ yẹ ohwo umwemwu ọvuọvo che vwo ọhọ rọye-e ẹkẹvuọvo otu re ghwanre ki vwo ẹruo rọye.

Emọs 8:6

rere ma vwẹ idọnọ efuanfon dẹ ivwiegbere na, rere a rha vwẹ isabato ivẹ dẹ ihwo rẹ akpọ bẹn, rere a rha shẹ ivwuvwu rẹ eka?

Matiu 15:19

Fikiridie evu rẹ udu ọye iroro imiomiovwi nẹ cha; ozighẹ, igberadja, ọfanrhiẹ, ujiecho, iseri rẹ eku, ọghware.

Matiu 23:13

Ẹkẹvuọvo ekan kẹ ovwan, isiẹbe kugbe Farisi, evworọn efian! kidie we huhu ẹchẹ rẹ uvie rẹ odjuvwu gbe ihwo; ovwan guọnọ ruọ-ọ, yẹ ihwo efa re guọnọ ruọ ovwan da ayen ji.

Jems 1:27

Omamọ rẹ egagọ ro jẹ ẹgua evwo vwẹ obaro rẹ Ọghẹnẹ rẹ avwanre kugbe Ọsẹ rẹ avwanre na ọ na, rere o mie te asan rẹ emephran orivwi kugbe eyauku re hẹ ukpokpogho, rere o rhe si oma rọye phrẹphrẹ nẹ etatọrọ rẹ akpọ na.

1 Samuẹl 24:13

Kirobo rẹ awanre bru isẹ, Umwemwu ri nẹ evun rẹ oruimwemwu cha; ẹkẹvuọvo me cha ghwẹ obọ kpahe owẹ-ẹ.