Aizaya 32:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Ihwo mẹ ke cha dia asan re ufuoma, asan rẹ eghemọphe, edia rẹ ọmaerovwo fuefu.

Aizaya 32:18 ပူးပေါင်းရင်းမြစ်များ

Une rẹ Ejiro 107:7

o de sun ayen wan idjerhe ọphiọnphiọn, bẹsiẹ re ayen vwọ te orere re ayen dia.

Ẹyano 9:26

Jokpa rẹ otọ ri Goshẹn ọvo, asan rẹ ihwo rẹ Izrẹl epha na ọvo osio rẹ imicho na de jẹ rhọ.

Isẹ 24:15

Wọ hwa phihọ kirobo rẹ ohwo umwemwu hwa phihọ hẹrhẹ ọvwata-a; wo kporo uwevwi rọye-e;

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Aizaya 14:3

Ọke rẹ Ọrovwohwo da vwẹ omaerovwo vwọ kẹ ovwan nẹ odjadja vẹ edo kugbe owian ọgangan ra vwọ kẹ ovwan wian nure,

Aizaya 2:4

Ko che guẹdjọ rẹ orere vẹ orere, ko che brorhiẹ rẹ ihwo buebu kẹ ayen che duvwu oda rayen phihọ ighwro, ibiri rayen phihọ egbage, orere gbe cha kparo oda vwọ so orere, eyẹ ayen gbe cha kpare ofovwi ọfa-a.

Aizaya 26:12

E Ọrovwohwo, wẹ re vwẹ ufuoma mu vwọ kẹ avwanre, wẹ ri ru iruo na ejobi phihọ avwanre obọ.

Aizaya 26:3

Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Aizaya 28:12

rọ cha ta kẹ nẹ, Ọnana urovwoma; vwẹ oma erọvwọ kẹ ọ rẹ oma rhọ. Ọnana kọye oma erọvwọ na, dede na ayen che nyo-o.

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Aizaya 33:6

kọye cha nẹrhẹ akpọ wẹn mu vi, esivwo buebu, ẹghwanre kugbe erianriẹn, oshọ rẹ Ọrovwohwo kọye cha dia efe rọye

Aizaya 65:21

Ayen ke bọn iwevwi kẹ ayen dia evun rayen, ayen ke kọn ogba ri vain kẹ ayen re emamọ rọye.

Aizaya 65:9

Me cha reyọ uvwiẹ ri Jekọp rhe, i ri nẹ Juda rhe ke reuku rẹ igbenu Mẹ; e re Me jẹreyọ ke vwọ re uku, idibo Mẹ ke cha dia etiyin.

Jerimaya 33:16

Vwẹ ẹdẹ yena Juda kọ rhọ Jerusalẹm kọ dia vwẹ egbẹrhẹnẹdẹ. Kẹ ọ na odẹ re che vwo se, Ọrovwohwo na ọvwata rẹ avwanre.

Izikiẹl 34:28

Ayen gbe cha dia eranvwe rẹ hwe kẹ ẹgborho na ọfa-a, eyẹ eranvwe rẹ otọ na gbe cha re ayen ọfa-a, ayen ke dia vwẹ ofuvwegbe, ohwo ọvuọvo gbe djẹ oshọ mu ayen ọfa-a.

Zekaraya 2:5

Kidie Me cha dia igbẹhẹ rẹ erhanre riariẹ phihọ, Ọrovwohwo tarọ, me cha dia urinrin vwẹ evun rọye.

Zekaraya 2:8

Kidie enẹ Ọrovwohwo rẹ otuofovwi na tare, rẹ urinrin rọye vwo ju vwe bru ẹgborho ri gborho ovwan, kidie ohwo rọ vwẹ obọ te ovwan, yẹ ọ vwẹ obọ te ọmẹro rọye:

Zekaraya 3:10

Vwẹ ẹdẹ yena, Ọrovwohwo rẹ otuofovwi tare, dohwo dọrivẹ rọye ko che se kpo obotọ rẹ vain rọye vẹ obotọ rẹ owe rọye.

Hibru 4:9

Vwẹ ọtiọye na ẹdẹ rẹ omaerovwo ọfa jẹ herọ vwọ kẹ ihwo rẹ Ọghẹnẹ.

1 Jọn 4:16

Ọtiọye na avwanre ke riẹn ji segbuyota oghẹre rẹ ẹguọnọ rẹ Ọghẹnẹ vwo kẹ avwanre. Ọghẹnẹ hẹ ẹguọnọ, ohwo rọ herọ vwẹ evun rẹ ẹguọnọ yọ herọ vwẹ evun rẹ Ọghẹnẹ, yẹ Ọghẹnẹ herọ vwẹ evun rọye.