Aizaya 32:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Erere rẹ ọvwata kọ dia ufuoma, otọ rẹ ọvwata, ke ofuvweghe kugbe ẹro evwosuọ bẹdẹ.

Aizaya 32:17 ပူးပေါင်းရင်းမြစ်များ

Ẹsta 9:30

A da vwẹ ẹbe rhe ihwo ri Ju ejobi; re hẹ ubrakpọ ujọsan gbẹ ighwrẹn rẹ uvie rẹ Ahasuerus na, vwẹ eta rẹ ufuoma vẹ uyota,

Une rẹ Ejiro 119:165

Ufuoma rode ọye ihwo re guọnọ urhi wẹn mrẹ; emu ọvuọvo se gere ayen she-e.

Une rẹ Ejiro 85:10

Ẹguọnọ ro jẹ rhẹriẹ vẹ esegbuyota cha vwa oma; ọvwata vẹ ufuoma cha fiọnfiọn ohwohwo unu.

Une rẹ Ejiro 85:8

Ju vwe nyo obo re Ọghẹnẹ Ọrovwohwo na cha ta, kidie ọ cha ta ota re ufuoma kẹ ihwo rọye, kẹ ihwo efuanfon rọye, kugbe ayen otu re vwẹ udu rayen ejobi hirhe bro rhe.

Isẹ 1:33

ẹkẹvuọvo ohwo rọ kerhọn mẹ oma ko fuo, oma ko fuo, ọ gbe djẹ oshọ rẹ umiovwo-o.

Isẹ 14:26

Oshọẹdjẹ rẹ Ọrovwohwo ọye e de vwo iphiẹrohọ ọgangan; emọ rọye ke sa mrẹ asan adjẹrhọn.

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Aizaya 11:13

Omẹriọ rẹ Ifrem kọ bioma, ihwo ri kpokpo Juda ke bru ayen kufia, Ifrem gbe rioma kpahe Juda ọfa-a.

Aizaya 26:3

Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Aizaya 28:12

rọ cha ta kẹ nẹ, Ọnana urovwoma; vwẹ oma erọvwọ kẹ ọ rẹ oma rhọ. Ọnana kọye oma erọvwọ na, dede na ayen che nyo-o.

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Aizaya 33:6

kọye cha nẹrhẹ akpọ wẹn mu vi, esivwo buebu, ẹghwanre kugbe erianriẹn, oshọ rẹ Ọrovwohwo kọye cha dia efe rọye

Aizaya 48:18

E ọ dianẹ ke wọ kerhọn rẹ irhi Mẹ! Mane ufuoma wẹn ka dia kerẹ urhie, ọvwata wẹn ka dia kerẹ omimi rẹ urhie,

Aizaya 55:12

Kidie kọ yan phia vẹ aghọghọ, ke suo phia vwẹ ufuoma, te ugbenu ride vẹ itete ke ka obaro kẹ weẹ vẹ ine ẹsuọ irhe rẹ aghwa na ke cha fabọ rayen.

Aizaya 57:19

Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

Aizaya 66:12

Kidie enẹ Ọrovwohwo tare Nighere, Mi che bi erhuvwu vwo rhe kerẹ urhie, efe re ẹgborho na kerẹ ọkẹre rẹ oghwe, ku wo viẹ, ko mu we kpahe awọ rọye, kọ fẹrẹ vwẹ awọ rọye.

Aizaya 9:7

Obuebu rẹ isuesun rọye vẹ ufuoma rọye se vwo oba-a vwe enu rẹ ekete ri Devid, kugbe enu rẹ uvie rọye, rọ tọn phihọ, rọ yọnrọn vwẹ ọsoso vẹ ọvwata ne ọke nana yanran rhiri bẹdẹ. Oruru rẹ Ọrovwohwo rẹ otuofovwi na yi ri ru ọna.

Izikiẹl 37:25

Ayen ke dia otọ na rẹ esẹ rẹ ovwan diare re me vwọ kẹ odibo mẹ Jekọp, te ayen te emọ rayen kugbe uvwiẹ rayen ke dia etiyin bẹde; Devid odibo mẹ kọ dia osun rayen bẹdẹ.

Izikiẹl 39:29

Mi gbi che si opharo mẹ nu kẹ ayen ọfa-a, vwẹ ọke ri mi de ku Erhi mẹ na ku uwevwi rẹ Izrẹl, eriyin Ọrovwohwo Ọghẹnẹ tare.

Ọbe ri Pọl si rhe Ihwo ri Rom 14:17

Kidie uvie rẹ Ọghẹnẹ na dia ọ rẹ emuọre kugbe udi ẹda-a ẹkẹvuọvo ọ rẹ ọvwata kugbe ufuoma kugbe aghọghọ vwẹ oma rẹ Erhi Ọfuanfon.

2 Kọrẹnt 1:12

Kidie eyan rẹ avwanre kẹ ọna, iseri rẹ udu rẹ avwanre nẹ evun rẹ avwanre pha fuanfon vwẹ akpọ na, ọtiọye avwanie je fon evun kpahe ovwan, vẹ ẹfuọn kugbe uruemu esiri, ọ dianẹ kẹ aghwanre rẹ akpọ na-a ẹkẹvuọvo vwẹ ẹserọphẹ rẹ Ọghẹnẹ.

Hibru 12:11

Asakiephana ẹghwọ ejobi da ohwo ọ vwerha oma-a; ukuko rọye ọ me rhe vọn vẹ ufuoma vẹ ọvwata vwọ kẹ otu re vwiro yono.

Hibru 6:11

Avwanre ji phiẹrohọ nẹ ovwan ji phi obọ phihọ uruemu esiri na vẹ ẹroẹvwọsuọ rhiri rhi te oba.

1 Jọn 4:17

Vwẹ evun rẹ Ọnana ẹguọnọ vwọ gba vwẹ oma rẹ avwanre, rere avwanre sa vwẹ ẹro suọ vwẹ ẹdẹ rẹ ẹdjọegno na, fikiridie obo rọ epha na ọtiọye avwanre je epha vwẹ akpọ na.