Aizaya 32:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Kidie ighen na a cha mrẹ ayen dje, orere rọ do ve ihwo na kua fiotọ, te igbenu re itete kugbe uwevwi re ohẹrhẹ ki hirhe phihọ emwa bẹdẹ asan re eketekẹtẹ da ghọghọ, odi phiephiephie kẹ uchuru;

Aizaya 32:14 ပူးပေါင်းရင်းမြစ်များ

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

2 Ikun rẹ Ivie 33:14

Ukuko rọye ọ da rhoma bọn igbẹhẹ ọfa riariẹ Phihọ obo otafe rẹ igbẹhẹ rẹ orere ri Devid vwẹ obuko ọnre ri Gihọn, vwẹ evun rẹ iyara na, re duvwu ughere vwẹ asan Anurhoro rẹ Eri, a da vwọ riariẹ Ofẹi, a da ma kpenu gogorogo; o de ji phi inotu rẹ ofovwi phihọ irere ri Juda ra gba ogba riariẹ na.

Nehemaya 3:26

kugbe idibo re uwevwi rẹ Ọrovwohwo na re dia enu re Ofẹl da rhuẹrẹ re te asan ro hirhe aro ku Anurhoro rẹ Ame na vwẹ obaro ọnre rọ riẹn abọ kpo obo ohẹrhẹ na.

Une rẹ Ejiro 104:11

Ayen da vwẹ ame kẹ eranvwe rẹ udju na da, ekẹtẹkẹtẹ rẹ aghwa na de fue urhuru rayen.

Aizaya 22:2

ovwan re vọnre vẹ unuebo na, orere rẹ edo, orho ro mu oma kpenu? irivwi wẹn dia ọlọkọ e vwọ hwe aye-e, eyẹ i ghwu vwẹ ofovwi.

Aizaya 24:10

Orere rẹ ozighi na a guọgherọ tẹ otọ, uwevwi kuwevwi a kaerọ ohwo ọvuọvo gbe sa ruọ-ọ

Aizaya 24:12

Orere na ejobi kua fiotọ re kakare, A teyọ inurhoro na ejobi guọghọ phihọ irhurhu.

Aizaya 25:2

Kidie wẹ re ghwẹ orere koko, orere ra gba ogba riariẹ na kẹ erhurhu rode, ighẹn rẹ ovie rẹ erhorha na gbe dia orere ọfa-a, a gbe rhoma bọn bẹdẹ-ẹ.

Aizaya 27:10

Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Aizaya 3:26

Inurhoro rọye ke cha viẹ ki muomahọ, a da ghwọrọ nure kọ broma phihọ otọ.

Aizaya 5:9

Ọrovwohwo rẹ otuofovwi na o duvwu iyori kẹ vwẹ nyo. Uyota iwevwi buebu cha dia ofefe, iwevwi ride yoyovwi, ihwo gbe dia aye-en.

Aizaya 6:11

Etiyin me da ta, Mavọ O krite, E Ọrovwohwo? Ọ da ta: Bẹsiẹ rẹ irere na vwọ dia ofefe re kaka ohwo gbe dia-a ihwo gbe dia evun re iwevwi na-a otọ na ejobi vwọ dia ofefe,

Aizaya 7:23

Vwẹ ẹdẹ yena kasan kasan rẹ irhe ri vain uriori djẹ phihọ, re ghare te ovwanvwọn rẹ idọnọ uriori ko che hirhe phihọ ekpia vẹ Idjighe.

Jerimaya 14:6

Ekẹtẹkẹtẹ rẹ aghwa mudia vwẹ uphephẹ, ẹnwẹn herọ rhọ kerẹ ẹrha; ẹro rhe aye-en kidie ẹbe herọ-ọ

Jerimaya 33:4

Kidie enẹ Ọrovwohwo na, Ọghẹnẹ rẹ Izrẹl tare kpahe iwevwi rẹ orho nana vẹ iwevwi rẹ lvie ri Juda re kporo she ra vwo gba ogba hẹrhẹ imu vẹ ọlọkọ.

Jerimaya 52:27

Ovie ri Babilọn de hwe ayen, o de hwe ayen ghwu vwẹ Ribla vwẹ evun rẹ otọ ri Hamat, eriyin na e de mu Juda ighuvwu nẹ otọ rẹ obọ rọye na.

Jerimaya 6:5

Vrẹn re a ra họnrọ vwẹ asọn ra ghwọrọ ighẹn rọye!

Hosia 2:3

me da rhe ban phihọ ọ da rhe dia kerẹ ọke re vwo vwiẹ, mi de rhi ruọ hirhe phihọ aghwa mi de rhe ruo hirhe phihọ otọ ọyaya, me da vwẹ urhuru rẹ ame hwe.

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.

Zẹfanaya 2:15

Ọnana orerẹ ro muẹ oma kpenu na rọ herọ vwẹ ofuvwegbe, rọ ta kẹ oma rọyẹ, Mi herọ ohwo ọfa gbe herọ chọ vwẹ ra-a. Gbe nighe kọmavọ a rha vwọ kua fiọtọ, urhuẹn rẹ eranvwẹ re djoma! Kohwo kohwo rọ wanvrẹn kọ fiọn unu kpogho obọ.

Zẹfanaya 2:7

Obo erhuru na ko che hirhe phihọ ẹkẹn rẹ umuku rẹ ihwo ri chekọ vwẹ uwevwi ri Juda, kẹ etiyin ayen da cha ghẹrẹ ichuru, vwẹ uwevwi rẹ Ashkẹlọn kẹ etiyin ayen che shevwerhẹ vwẹ ovwọnvwọn. Kidie Ọrovwohwo Ọghẹnẹ rayen kọ davwerhọ rẹ ayen kọ vwẹ ughwẹ rayen rhivwi rhe ayen.

Iyẹnrẹ Esiri ri Luk 21:20

Ẹkẹvuọvo ọke wọ da mrẹ Jerusalẹm rẹ otuofovwi gba riariẹ phihọ, etiyin gba ghwa riẹn nẹ ọke rẹ ẹkua fiotọ rọye si kẹre re.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.