Aizaya 31:4 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁴ Kidie enẹ Ọrovwohwo ta ke vwẹ, Kirobo rẹ okpohrokpo eyẹ omo rọye guan siẹ ro de mu eranvwe na, esie re de se isuigodẹ ne ayen gba vwọ tua yẹ unuebo rayen guegue-e yẹ udu re edo na ji bro-o, eriyin Ọrovwohwo re otuofovwi na che wotọ rhe rhe họnre vwe Ugbenu ri Zayọn kugbe igbenu rẹ itete na.

Aizaya 31:4 ပူးပေါင်းရင်းမြစ်များ

2 Ikun rẹ Ivie 20:15

Ọ da ta, Kerhọn, ovwan Juda ejobi kugbe ihwo ri Jerusalẹm, kugbe Ovie Jehoshafat; E nẹ Ọrovwohwo ta kẹ wẹ, wọ djẹ oshọ-ọ; wo jẹ ofu rẹ urogho rode na dje we-e; kidie ofovwi na dia ọwẹ-ẹ ẹkẹvuọvo ọ rẹ Ọghẹnẹ.

Ẹyano 14:14

Ọrovwohwo na cha họnre kẹ wẹ, oma ọvo we hwemu.

Ẹyano 14:25

adjugẹ rẹ akpẹrẹ rayen de bruro ibehre ọtiọye na kẹ ayen djẹ tẹgbẹ tẹgbẹ; ihwo rẹ Ijipt na da ta, E jẹn a djẹ nẹ oma rẹ ihwo rẹ Izrẹl na, kidie Ọrovwohwo yen họnra ihwo rẹ Ijipt kẹ ayen na.

Aizaya 10:16

Fiki rẹ ọtiọye na Ọrovwohwo, Ọrovwohwo rẹ otuofovwi na, kọ cha vwẹ emiavwe rẹ ẹdọn mu egba rẹ ofovwi na, ke che koko erhanre rọ tua phihọ otọ rẹ urinrin rọye, kerẹ ogidi erhanre.

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 30:32

Kohọ kọhọ rẹ Ọrovwohwo da vwẹ ọkpọ rọye na ghwie ayen, kọ cha dia kere edo rẹ igogo kugbe isorogun, obọ rọye rọ nyavwaro kpenu kpene kọye o vwo nene ayen phi ofovwi

Aizaya 42:13

Ọrovwohwo yan phia kerẹ ọgba, kerẹ ohwo rẹ ofovwi rẹ ophu kpare, ọ viẹ phia, o kperi phia, ọ vwẹ ẹgba rọye phia gangan kẹ ivwighrẹ rọye.

Jerimaya 50:44

Nighe, kirobo rẹ okpohrokpo nẹ oghwaghwo ri Jọdan cha vwọ so ogba rẹ igegede ye, mi che ru ayen re djẹ jovwo kpregede, ohwo ro jevwe kọye mi vwo mu vwẹ enu rọye. Kidie kono họho ovwẹ? Ono che si ọbe se vwe? Didi osuigegede se mudia vwẹ obaro mẹ?

Hosia 11:10

Ayen che nene Ọrovwohwo, ko che kperi kerẹ okpohrokpo, e, o che kperi, emọ rọye ki che nẹ obuko ọnre rhe vẹ ophariẹ;

Emọs 3:8

Okpohrokpo na kperi; kono oshọ je muo? Ọrovwohwo Ọghẹnẹ na ta nure. kono ri jẹ aroẹmrẹ?

Zekaraya 12:8

Vwẹ ẹdẹ yena Ọrovwohwo kọ cha vwẹ ekpọfia kẹ ihwo ri Jerusalẹm rere ihwo re ma vwiẹrẹ vwẹ ohri rayen vwọ họhọ Devid, re uwevwi ri Devid vwọ họhọ Ọghẹnẹ, kere amakashe rẹ Ọrovwohwo vwẹ uyovwi rayen.

Zekaraya 14:3

Etiyin re Ọrovwohwo kọ yan phia vwọ so ẹgborho yena kirobo rọ họnre vwe ẹdẹ rẹ ofovwi na

Zekaraya 2:5

Kidie Me cha dia igbẹhẹ rẹ erhanre riariẹ phihọ, Ọrovwohwo tarọ, me cha dia urinrin vwẹ evun rọye.

Zekaraya 9:15

Ọrovwohwo rẹ otuofovwi na cha sẹro rayen, ayen cha guọghọ ji chihi otu ri do ibieragha muotọ; ayen cha da ebara rayen kerẹ wain, evun Me vọn ayen kerẹ udjokpo rọ vọnre, rhuọrhuọ kerẹ orhoma rẹ agbada na.

Zekaraya 9:8

Etiyin re ki mi muerhọn riarẹ-ẹ uwevwi mẹ kerẹ ọrhẹrotọ, rere ohwo ọvuọvo vwo jẹ yan cha yan kpo vwọ; ohwo gbi shenyẹ ayen ọfa-a, kidie Me vwẹ ibiẹro mẹ mrẹ re.

Ẹvwọphia 10:3

ọ da van, urhuru rọye da họhọ okpohrokpo ro do; ọke ro vwo se, agbrara ighwrẹ na da van.

Ẹvwọphia 5:5

Etiyin ọvo vwẹ ekpako na da ta kẹ vwẹ, Wọ viẹ-ẹ; nighe, Okpohrokpo rẹ orua ri Juda na, Owọ ri Devid, o phi kparobọ nure, kọye ri se rhie ọbe na kugbe isiaphrẹ ighwrẹ na.