Aizaya 31:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² Dede na ọye re ghwanre ọye je ghwa okpetu cha, o se ota rọye rhivwi-i, ẹkẹvuọvo o che vrẹn vwo so uwevwi re otu ri ruẹ umwemwu, kugbe ihwo re cha orukuruku uko

Aizaya 31:2 ပူးပေါင်းရင်းမြစ်များ

ỌBE RẸ JOB 12:13

Ọghẹnẹ ọye aghwanre vẹ ẹgba rheri; ọye vwẹ eroro kugbe ọhọ.

ỌBE RẸ JOB 12:16

Obọ rọye ẹgba vẹ aghwanre epha, tẹ ọraphiẹnre vẹ ọphiẹn-ihwo erọye.

ỌBE RẸ JOB 5:13

O mu evwaghware vwẹ ọphiẹvwẹ rayen, iroro rẹ ọphiẹ che te oba nana nana.

Aizaya 1:4

E, orere umwemwu ihwo ri kru orukuruku ghwa, uvwiẹ re iruimwemwu na, emọ re omwumwerhe na! Ayen sen Ọrovwohwo, ayen jẹn Ọfuanfon Ọvuọvo re Izrẹl na fia, a riẹriẹ ayen ghwru tototo.

Aizaya 14:20

E gbi se shi we vọye kugbe-e, fikiridie wọ guọghọ otọ wẹn nure, wo hwe ihwo wẹn ejobi re. Uvwiẹ rẹ iruimwemwu na e gbi se odẹ wẹn bẹdẹ-ẹ!

Aizaya 21:17

ihwo ri chekọ re san ikpọi rẹ egba re emọ ri Kedar ejobi ke cha havwe; kidie Ọrovwohwo rẹ Ọghẹnẹ re Izrẹl, ọye re tarọ.

Aizaya 22:14

Ọrovwohwo rẹ otuofovwi na vwẹ oma rọye phia ke vwẹ nyo. Uyota orukuruku nana e se vwo ghovwo uvwe-e bẹsiẹ wo vwo ghwu eriyin Ọrovwohwo Ọghẹnẹ rẹ otuofovwi tare.

Aizaya 28:21

Kidie Ọrovwohwo che vrẹn kerẹ ọke rẹ Ugbenu ri Parazim, ophu ko muo kerẹ ọke rẹ iyara ri Gibeọn, ro vwo ru uruemu rọye–uruemu ọrhorha na! ro vwo ru iruo rọye–iruo ọrhorha na!

Aizaya 28:29

Ọnana obọ rẹ Ọrovwohwo rẹ otuofovwi na o nurhe, uchebro rọye gbunu aghwanre rọye kparobọ.

Aizaya 30:3

Fiki rẹ ọtiọye na ochọ ri Fero che hirhe phihọ ọmaẹvuọ oma wọ vwọ da uhoho rẹ Ijipt kọ dia oma ephọphọ.

Aizaya 30:7

Kidie ọchuko rẹ Ijipt fi emuovo-o, odiodi gheghe, kọye mi vwo mu odẹ kẹ nẹ Rahab ro di tidia gbiẹi.

Aizaya 31:3

Ihwo rẹ Ijipt na ihwo rẹ akpọ, e dia Ọghẹnẹ-e iyesi rayen ugboma gheghe, e dia erhi-i Ọke rẹ Ọrovwohwo da riẹn obọ rọye phia, ọchuko na kọ yẹghrẹ, ihwo rọ chọ na ki she, ayen ejobi ke ghworọ kugbe

Aizaya 32:6

Kidie ẹkpa ota rẹ ẹkpa ọ ta, udu rọye umwemwu ọ roro: ro vwo ru emu ọbrabra, rọ vwọ ta ota ọchochọ kpahe Ọrovwohwo, ọ cha davwerhọn re ohwo rẹ owẹvwe hwe-e, ame rẹ ohwo re urhuru siẹ o mi kuofia.

Aizaya 45:7

Mẹvwẹ re ma orẹmrẹ kugbe ebri, Mẹvwẹ rẹ ma efe mẹvwẹ re ma okpetu, Mẹvwẹ Ọrovwohwo na, rọ ma imu nana ejobi na Ọrovwohwo hẹ Ọmẹna

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Jerimaya 10:12

Ọye vwẹ ogangan rọye ma akpọ na ohwo rọ vwẹ aghwanrc rọye mu akpọ vi, je vwẹ ọhọ rọye riẹn idjuvwu na phihọ.

Jerimaya 10:7

Ono jẹ oshọ wẹn ẹdjẹ, E Ovie rẹ ẹgborho na? Kidie ọna ẹkẹn ro te we, kidie vwẹ uherevie rẹ ẹgborho rẹ ọvweghwanre na ejobi kugbe evun rẹ uvie rayen na ejobi Ọ rọ hoho owẹ herọ-ọ.

Jerimaya 36:32

Kẹsiẹye Jerimaya ke reyọ ọbe ọfa vwọ kẹ Barọk rẹ osiẹbe na, ọmọ ri Neraya, ọye si eta na ejobi phihọ ọbe ri Jerimaya se kẹ, eta rẹ ọbe rẹ ẹsosuọ ri Jehoiakim ovie ri Juda torhẹre vwẹ erhanre na, e ji phi eghẹre rẹ eta tiọyẹ na efa ba ayen.

Izikiẹl 29:6

Etiyin ihwo re dia Ijipt ejobi ke cha riẹn nẹ mẹvwẹ Ọrovwohwo na. Fikiridie wọ epha kerẹ ọkpọ rẹ eyareya kẹ uwevwi rẹ Izrẹl.

Emọs 3:6

E hworo owanre vwẹ orere re oshọ de jẹ ihwo emuọ? okpetu di she vwẹ orere, rẹ Ọrovwohwo de jẹ obọ evwo vwọ?

Zẹfanaya 3:8

Fiki rẹ ọtiọye na gba hẹrhẹ ovwẹ, eriyin Ọrovwohwo na tare, vwẹ ẹdẹ ri mi de che vrẹn rhe kerẹ oseri. Kidie orhiẹbro mẹ na mi se ẹgborho na koko, me me ghwẹ uvie na koko, ki mi che ku ivuemiovwo mẹ ku ayen, ọrhorho rẹ ophu mẹ na, kidie vwẹ evun rẹ erhanre rẹ omeriọ rẹ ophu mẹ na akpọ na ejobi kọ cha tọrhe re.

Zekaraya 1:6

Ẹkẹvuọvo eta mẹ vẹ iji Me, ri mi ji kẹ idibo mẹ emraro na, o rhe mu ese re ovwan? Eriyin ayen de kurhẹriẹ ta, kirobo rẹ Ọrovwohwo rẹ otuofovwi rori nẹ ọye ru avwanre fiki rẹ idjerhe vẹ uruemu rẹ avwanre na, ọtiọye o ghine ru avwanre.

Ukeri 10:35

Kọke kọke rẹ ekpeti na de mu oyan, Mosis me tanẹ, Vrẹn, Ẹ Ọrovwohwo, rere wọ jẹn ivwighrẹ wẹn hrabọ; gbe jẹn ihwo ri tuoma wẹn va djẹ nẹ obaro wẹn.

Ukeri 23:19

Ọghẹnẹ dia ohwo, rọ vwọrọ ofia-an, eyẹ ọmọ rẹ ohwo, ro se kuẹrhẹriẹ-ẹ ọ ta nure, o gbi rhe ruo? Eyẹ rọ vwọ ta nu na, o gbi rhe se ruo gba?

Matiu 24:35

Odjuvwu vẹ akpọ cha wan, ẹkẹvuọvo ota mẹ se she fia-a.

Ọbe ri Pọl si rhe Ihwo ri Rom 16:27

Ọghẹnẹ ọvuọvo rọ ghwanre na a vwẹ urinrin kẹ bẹdẹ bẹdẹ vwẹ oma ri Jesu Kristi! Isẹ.

Joshua 23:15

Ẹkẹvuọvo kirobo rẹ emu esiri rẹ Ọrovwohwo Ọghẹnẹ rẹ ovwan ve kẹ ovwan na ro de ru ayen ejobi gba kẹ ovwan na, eriyin rhe Ọrovwohwo je cha vwẹ emu ọbrabra kẹ ovwan, bẹsiẹ rọ vwọ guọghọ ovwan nẹ otọ yoyovwi nana rẹ Ọrovwohwo Ọghẹnẹ rẹ ovwan vwọ kẹ ovwan na,

Ọbe ri Jud 1:25

vwọ kẹ Ọghẹnẹ ọvuọvo na, Osivwi rẹ avwanre vwẹ oma ri Jesu Kristi Ọrovwavwanre ọye a vwẹ urinrin, ọrho, isuesun, kugbe ogangan kẹ, vwẹ ọke ejobi kugbe asakiephana bẹdẹ bẹdẹ. Isẹ.

1 Samuẹl 2:3

Wọ gbe ta ota rẹ eheri ọtiọye ganga-an, Wọ rha jẹ ọjẹfia nẹ unu wẹ cha-a; kidie Ọrovwohwo ọye Ọghẹnẹ rẹ erianriẹn, ọye re vwanvwan uruemu.