Aizaya 30:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Asakiephana, yanran, re sio phihọ isemeti vwọ kẹ ayen, re wọ tuọn phihọ ọbe, rere ọ vwọ dia vwẹ ọke rọ cha kerẹ iseri bẹdẹ.

Aizaya 30:8 ပူးပေါင်းရင်းမြစ်များ

Aizaya 2:2

Ọke che te vwẹ ukuko rẹ ẹdẹ na, re ugbenu rẹ uwevwi rẹ Ọrovwohwo che vwo mudia gogorogo vwẹ usun rẹ igbenu na, ko che kpenu nọ igbenu na; irere na ejobi ki che rhurie ruọ,

Aizaya 34:16

Guọnọ ru wọ se ne evun re ọbe re Ọrovwohwo rhe: Ovuọvo re enana se deghe ero-o; ọvuọvo ro je otu evwo gbe sa dia-a Kidie unu re Ọrovwohwo ji urhi nana nure, ye erhi rọye ghwe ayen koko nure.

Aizaya 8:1

Etiyin Ọrovwohwo da ta kẹ vwẹ nẹ, Reyọ ophapha rode ri wo si phihọ re ihwo ejobi se vughe, Ophapha re Mahashalal-hashbaz.

Jerimaya 23:20

Ophu rẹ Ọrovwohwo se rhivwi-i bẹsiẹ ro vwo brorhiẹ rẹ imu re hẹ udu rọye re nu. Vwẹ ẹdẹ rẹ okuko na wa cha riẹn phephe.

Jerimaya 30:2

Enẹ Ọrovwohwo, Ọghẹnẹ rẹ Izrẹl tare. Si eta me ta kẹ owẹ na ejobi phihọ ọbe

Jerimaya 36:2

Reyọ ekpirhi rẹ ọbe wo si eta re me ta kẹ wẹ kpahe Izrẹl vẹ Juda vẹ irere na ejobi phihọ, nẹ ẹdẹ re me vwọ ta ota kẹ we na, nẹ ẹdẹ ri Josaya rhi te ẹdẹ ri none na.

Jerimaya 36:4

Jerimaya ki se Barọk ọmọ ri Neraya, Barọk de si eta rẹ Ọrovwohwo rọ ta kẹ Jerimaya na ejobi phihọ ekpirhi rẹ ọbe na vwẹ ọke ri Jerimaya vwo se ayen kẹ.

Jerimaya 48:47

Dede na me cha reyọ erhuvwu ri Moab rhivwi rhe vwẹ ẹdẹ rẹ okuko na, eriyin Ọrovwohwo tare Ọna hẹ oba rẹ orhiebro rẹ Moab.

Jerimaya 51:60

Jerimaya de si umiovwo ro te Babilọn ejobi phihọ ọbe, eta nana ejobi re siri kpahe Babilọn na.

Izikiẹl 38:16

ku wọ cha vwọ so ihwo mẹ Izrẹl, kerẹsiẹ rẹ ẹgho e de rhurhu otọ na. Vwẹ ẹdẹ rọ ka uku na ke me cha reyọ owẹ vwọ so otọ mẹ na, rere ẹgborho na vwọ riẹn vwẹ, vwẹ ọke re me da wan oma wẹ, E Gọg, vwo dje asẹ rẹ ẹfuọn mẹ kẹ ayen mrẹ.

Hosia 3:5

Ukoko rọye emọ rẹ Izrẹl ki rhivwi rhe rhe guọnọ Ọrovwohwo rẹ Ọghẹnẹ rayen, kugbe Devid rẹ ovie rayen, ayen ki bru Ọrovwohwo rhe vẹ oshọ kugbe ughwẹ rẹ esiri rọye vwẹ ukoko rọye.

Habakọk 2:2

Ọrovwohwo da kpahe kẹ vwẹ: Si emramrẹ na, sio phephẹ vwẹ enu rẹ ọbe, rere ohwo rọ djẹ wan se se.

Ukeri 24:14

Asakiephana, gbe nighere, me yanran bru ihwo mẹ; yanrhe, mi ju we riẹn obo rẹ ihwo nana che ru kẹ ihwo wẹn vwẹ ẹdẹ rẹ ukuko na.

Urhi Rivẹ 31:19

Fiki rẹ ọtiọye na gbe si une nana wo vwo yono ihwo rẹ Izrẹl, phio phihọ unu rayen, rere une nana vwo dia oseri mẹ kpahe ihwo rẹ Izrẹl.

Urhi Rivẹ 31:22

Ọye Mosis de si une nana vwẹ ẹdẹ ọvo na, vwo yono ihwo rẹ Izrẹl.

Urhi Rivẹ 31:29

Kidie Me riẹnre nẹ mi de ghwu nu omuẹro nẹ ovwan che miovwo oma gangan, ovwan da rhẹriẹ nẹ idierhe re Me vuẹ ovwan na; evun rẹ ẹdẹ yena ukpokpoma ko she tẹyo ovwan, fikiridie ovwan che ru umwemwu vwẹ obaro rẹ Ọrovwohwo vwọ nẹrhẹ phihọ ophu fiki rẹ iruo rẹ abọ rẹ ovwan.

Urhi Rivẹ 4:30

Ọke rẹ ovwan da evun rẹ ukpokpogho rẹ emu nana ejobi de bru ovwan rhire, ku ovwan rhivwi bru Ọrovwohwo Ọghẹnẹ rẹ ovwan na, ke ovwan kerhọ rẹ urhuru rọye;

1 Timoti 4:1

Asakiephana Erhi na tare phẹphẹ nẹ ukuko rẹ akpọ na vwobọ ihwo buebu che she nẹ esegbuyota na rẹ ayen da cha kerhọn rẹ erhi rẹ ophiẹvwe kugbe uyono rẹ efian rẹ idẹbono,

2 Pita 3:3

Esosuọ ejobi e gbe jẹ ọnana ro ovwan nẹ, okuko rẹ ẹdẹ na otu re vwẹ ohwo jehwẹ cha rhe vẹ ehwẹjẹ, nene ọmeme robọ rayen

Ọbe ri Jud 1:18

ayen ta kẹ ovwan nẹ, Ukuko rẹ akpọ na vwobọ otu rẹ jehwẹ buebu cha, ri che nene urhuru sivwe rẹ ugboma rayen.