Aizaya 30:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Epha kpahe eranvwe ri Nẹgẹb. vwọ kpahe otọ rẹ ukpokpogho vẹ ivuemiovwo, asan rẹ okpohrokpo rẹ aye vẹ ọshare nẹcha, asan re ọrobiebi vẹ asiweri nẹcha, ayen kru efe rayen kpahe uko rẹ ekẹtẹkẹtẹ, eyere rayen kpahe ekpo rẹ iyesi, vwo rhe ihwo re cha vwẹ erere kẹ aye-en.

Aizaya 30:6 ပူးပေါင်းရင်းမြစ်များ

Jẹnẹsis 12:9

Ebram da rhoma mu oyan họ ọ da garo vi obi Nẹgẹb.

1 Ivie 10:2

Ọ vẹ usun rode gbrigbrigbri gbe rhi te Jerusalẹm, ọ vẹ kamẹl re ghwa ogẹn, kugbe oro buebu, vẹ ibieragha eghaghare; ọke ro rhi vwo te asan ri Solomọn, ọ da ta obo rẹ hẹ udu rọye ejobi kẹ.

2 Ikun rẹ Ivie 16:2

Etiyin Asa da reyọ idọnọ vẹ oro nẹ uwevwi rẹ efe rẹ Ọrovwohwo na rhe kugbe uwevwi rẹ ovie na, ọ da vwẹ ayen rhe Bẹnhadad ovie ri Siria, rọ dia Damaskọs, tanẹ,

2 Ikun rẹ Ivie 9:1

Asakiephana ovie aye ri Sheba vwo nyo usi ri Solomọn ọ da rhe Jerusalẹm rhe vwẹ enanọ egangan vwọ davwọ ni, ọ vẹ usun ri tue nene kugbe kamẹl re ghwa oghwa rẹ egẹn vẹ oro buebu kugbe ibieragha esiri. Ọke rẹ ayen vwo te asan ri Solomọn, ọ da ta obo ri rhere vwẹ udu ejobi kẹ.

ỌBE RẸ JOB 39:11

Wọ vwẹ ẹro suọ fikiridie ogangan rọye rhoro, ku wọ yan jẹ iruo wẹn vwo kẹ?

Ẹyano 1:14

ayen da re osọnọ akpọ rayen kọ yara fiki rẹ owian ọgagan na, owian rẹ ikorekpẹn, vẹ oghẹrẹ rẹ owian efa vwẹ evun rẹ aghwa; owian ọgagan kọye a vwẹ ayen wian.

Aizaya 14:29

Wa ghọghọ-ọ E Filistia, ovwan ejobi, nẹ evwirhi ọkpọ ra vwọ ghwiẹ wẹ, kidie nẹ owọ rẹ ọrọdekọ rhe, Etiyin ọrobiebi che nurhe, emamọ rọye ke cha dia ọrọdekọ rọ rhan.

Aizaya 15:7

Eriyin na eghughu rẹ erere rẹ ayen mrẹre na vẹ efe rẹ ayen koko vwẹ oboyi na ka ayen cha kua ayen yanran vwọ wan Ẹtẹrhe rẹ Urihi.

Aizaya 19:4

Ki mi siobọ nẹ ihwo rẹ Ijipt vwọ kẹ onini rọ goma; ovie rọ djoma ko che sun ayen, eriyin Ọrovwohwo, Ọrovwohwo rẹ otuofovwi na tare.

Aizaya 35:9

Okpohrokpo ọvuọvo cha dia etiyi-in, eyẹ eranvwe rọ djoma ọvuọvo cha yan te etiyi-in, a cha mrẹ ayen vwẹ etiyi-in, ẹkẹvuọvo otu ra tan hirhe ọvo re cha yan vwọ.

Aizaya 5:30

Ayen guan vwi fiki rọye vwẹ ẹdẹ yena, kerẹ urhie ro do. Ohwo da kparo ni otọ na, nighere, ebri kugbe ivuemiovwo, orẹmrẹ na ko che mu ebri vwi fiki rẹ ikoro na.

Aizaya 57:9

Wọ da yan bru Mọlek vẹ evwri wo da ghwa ishani buebu gidi oma; wo de ji ikọn wẹn yanran shesheri, wọ tobọ ji ayen ra ro Erivwi dede.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Jerimaya 11:4

ri mi ji iji kẹ esẹ rẹ ovwan re me vwọ reyọ ayen nẹ otọ rẹ Ijipt cha, nẹ erhanre rẹ utehru, ta nẹ, Kerhọn rẹ urhuru mẹ, re we ru obọ me ta kẹ ovwan, kẹ ovwan dia ihwo mẹ, ke me je dia Ọghẹnẹ rẹ ovwan,

Jerimaya 2:6

Ayen sa ta nẹ, Tivọ Ọrovwohwo epha rọ reyọ avwanre nẹ otọ rẹ Ijipt rhe na, Ohwo ro sun avwanre vwẹ evun rẹ aghwa na, vwẹ evun rẹ otọ rẹ aton kugbe ikpotọ na, otọ ọyaya vẹ ebri rode na, asan rẹ ohwo dia-a na?

Izikiẹl 20:46

Ọmọ rẹ ohwo, tọn opharo wẹn vi obukọ ọnre, ta ota kpahe obuko ọnre na, re wọ mraro kpahe otọ rẹ egbo rọ hẹ obi Nẹgẹb;

Hosia 12:1

Ifrem Osun rẹ odju, ọ vwọ tua odju rẹ obaro ọnre vwẹ ẹdẹ na ejobi; ogbarogba vẹ ozighi ra rhoma buẹ phihọ; ayen vẹ Asiria re vwo ọrhọvwekugbe, ayen re muẹ ọfigbo kpo Ijipt.

Hosia 12:2

Ọrovwohwo vwẹ urhi mu Juda, ko hwe Jekọp kirobo rẹ idjerhe rọye epha, vwọ reihri kirobo rẹ uruemu rọye teri.

Maika 6:14

Wọ cha re emu, ẹkẹvuọvo yẹ evun cha vọn wẹ-ẹ, yẹ owẹvwe re hwe obo evun wẹn. wo che si nẹ obọ, ẹkẹvuọvo wo che koko-o, obo wo rhe koko ke Me vwẹ ayen kẹ ọlọkọ ghwọrọ.

Zekaraya 6:6

Akpẹrẹ ro vwo iyesi ibebi na da yan hirhe aro ku orho rọ hẹ obọhwere ọnre, e re efuanfon na da yan hirhe aro ku orho rọ hẹ obuko ọnre, e re pha gbrogbro na da yan hirhe aro ku orho rọ he obọhwẹre ọnre.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Ukeri 21:8

Ọrovwohwo da ta kẹ Mosis, Gbe duvwu ọrọdekọ rẹ erhanre, ru wo muo vi vwẹ enu rẹ ubiurhe, rere kohwo kohwo rẹ ọ rhovworo, rọ da mrẹ kọ rhọ.

Matiu 12:42

Ovie rẹ aye, Sheba cha vwẹ orua nana guẹdjọ ro de bru hwe; Kidie o nẹ oba rẹ akpọ rhe ri yono ẹghwanre ri Solomọn; gbe nighe, ọ rọ rho nọ Solomọn hẹ etinẹ.

Urhi Rivẹ 17:16

Ọ rọ herọ na wo jẹn ovie na koko isi buebu kẹ oma rọye-e, eyẹ re o ru ihwo na vwo rhivwi kpo Ijipt rọ vwọ mrasa ghwẹ isi koko buehu-u, rẹ Ọrovwohwo vwọ ta kẹ wẹ nu na nẹ, Wo gbi rhivwi kpo idjerhe yena ọfa-a.

Urhi Rivẹ 4:20

Ẹkẹvuọvo Ọrovwohwo reyọ ovwan, o de si ovwan nẹ erhanre rẹ utehru rhe, nẹ Ijipt rhe, rere wa dia ihwo rẹ obọ rọye, kirobo rọ epha nonẹ na.

Urhi Rivẹ 8:15

ohwo ro sun we wan aghwa rode ro mu oshọ na, asan rẹ eredekọ rẹ erhanre vẹ ekpakpasimagha vọnre na, ji otọ rẹ urhuru rẹ ame de hwe ohwo rẹ ame kare na; ọ ro siẹ ame nẹ oragha rhe na,