Aizaya 30:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Fiki rẹ ọtiọye na ochọ ri Fero che hirhe phihọ ọmaẹvuọ oma wọ vwọ da uhoho rẹ Ijipt kọ dia oma ephọphọ.

Aizaya 30:3 ပူးပေါင်းရင်းမြစ်များ

Ivie rẹ Ivẹ 18:21

Nighe, wọ vwẹ ẹro so Ijipt, ro vwirhẹ ro che duvwun obọ rẹ ohwo kohwo rọ vwẹ oma rẹrẹ. Eriyin Fẹro ovie rẹ Ijipt ephan vwọ kẹ ohwo kohwo rọ vwẹ ẹro suọ.

Une rẹ Ejiro 108:12

E si avwanre nẹ obọ rẹ ọvweghrẹ rẹ avwanre, kidie ọchuko rẹ ohwo rẹ akpọ emu diodi!

Isẹ 25:19

Ohwo rọ vwẹ ẹro so orharhe rẹ ohwo vwẹ ọke rẹ ukpokpogho ọhọhọ ako ro yeghe eyẹ owọ rọ ghworiẹ.

Aizaya 20:5

Etiyin ofu ko dje ayen vẹ ozighi fiki rẹ Itiopia re ayen vwẹ ẹro so kugbe ljipt rẹ ayen vwọ yeyan.

Aizaya 20:6

Ihwo re dia erhuru nana ejobi ke cha ta vwẹ ẹdẹ yena, Nighere, Ọnana obo re phiare kẹ ihwo rẹ avwanre vwẹ ẹro so rẹ avwanre djẹ bru nẹ e cha avwanre uko sivwi avwanre nẹ obọ rẹ ovie rẹ Asiria. Avwanre, komavọ avwanre vwọ sa vabọ?

Aizaya 36:6

Nighere, wọ vwẹ oma da Ijipt, ọkpọ rẹ ugbẹn rẹ ọghọrọgbọdọ, rọ shọrọ obọ rẹ ohwo rọ vwe oma rere na. Ọtiọye Fero ovie re Ijipt epha kẹ ihwo ejobi re vwẹ ẹro da.

Jerimaya 2:36

Mavo wo ni ovwravwra wẹn frae te, wo vwo ku idjerhe wẹn rhẹriẹ! Ijipt cha phọphọ owẹ kirobo rẹ Asiria je phọphọ owẹ

Jerimaya 42:18

Kidie enẹ Ọrovwohwo rẹ otuofovwi Ọghẹnẹ rẹ Izrẹl tare, Ọtiobo rẹ ophu vẹ ivuemiovwo mẹ hwẹ ku ihwo ri Jerusalẹm na, ọtioye ivuemiovwo mẹ ji hwẹ ku ovwan vwẹ ọke ru we de kpo Ijipt. Wa cha dia isọn, emuroshọ, ekan, vẹ ehwẹjẹ rode. Wa gbe mrẹ etinẹ na ọfa-a.

Jerimaya 42:22

Asakiephana we jo mu ovwan ẹro nẹ obo rẹ ovwan ra ra dia na, ọlọkọ vẹ owẹvwe kugbe ọtiekọ che hwe ovwan vwẹ oboyi.

Jerimaya 46:25

Ọrovwohwo rẹ otuofovwi Ọghẹnẹ rẹ Izrẹl, tare nẹ: Nighe, mi che hwe Amọn ri Tibis, vi Fẹro, te Ijipt vẹ edjọ rọye kugbe ivie rọye, vwẹ enu ri Fẹro vẹ ihwo re vwẹ ẹro suọ.

Izikiẹl 29:7

Ọke re ayen da vwẹ obọ ghane owẹ, wo mi vwirho, wọ me bere igabọ rayen; ọke rẹ ayen da vwẹ oma rẹro owẹ, wo mi vwirho, rere wo ru ehun rayen vwo nẹ ẹdia,

Hosia 10:6

E, oravwọ na dẹn ke che muo kpo Asiria ra vwọ hwa osa kẹ ovie rode na. Oma kọ cha vuẹ Ifrem, oma rẹ edjọ ẹga kọ vo Izrẹl.

Ọbe ri Pọl si rhe Ihwo ri Rom 10:11

Ọbe ọfuanfọn na tare, Kohwo kohwo ro sere gbuyota oma gbe sa vuọ-ọ.

Ọbe ri Pọl si rhe Ihwo ri Rom 5:5

iphiẹrohọ na sa phiẹn ohwo-o, fikiridie e ku ẹguọnọ rẹ Ọghẹnẹ phihọ udu rẹ avwanre vwẹ oma rẹ Erhi Ọfuanfon na ra vwọ kẹ avwanre.