Aizaya 30:29 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁹ Ku wọ cha so ine vwẹ ason ra da re orẹ ọfuanfon; kugbe aghọghọ re udu, kere ọke rẹ ohwo de gbe cha nene edo re owanre kpo enu rẹ ugbenu re Ọrovwohwo, vwo kpo obo Oragha rẹ Izrẹl.

Aizaya 30:29 ပူးပေါင်းရင်းမြစ်များ

Une rẹ Ejiro 18:31

Kidie ono Ọghẹnẹ, ọ dia Ọrovwohwo-o? ono oragha, jokpa rẹ Ọghẹnẹ rẹ avwanre?

Une rẹ Ejiro 32:7

Wẹ asan odjahọ mẹ, Wẹ ri sivwi vwe nẹ ukpokpogho, wẹ re reyọ esivwo vwo rhuo vwe yariẹ.

Une rẹ Ejiro 42:4

Imu nana me karophihọ, re vwọ họrhọ ne ẹnwẹ mẹ cha, obo re me ve ogbotu na vwọ yan Me da vwe ayen tere usun kpo uwevwi rẹ Ọghẹnẹ, ve ekpere rẹ aghọghọ kugbe ine re ẹkpẹvwẹ, obibinagba re ihwo re re orẹ.

Une rẹ Ejiro 42:5

Die oma vwọ rhọ wẹ, E ẹnweẹ mẹ, kugbe die wọ vwọ pharha vwẹ evun mẹ? Phiero phihọ Ọghẹnẹ, kidie me cha rhoma jiro, ọchuko mẹ kugbe Ọghẹnẹ mẹ.

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 17:10

Kidie Ọghẹnẹ rẹ esivwo wẹn chọrọ owẹ ẹro, wo gbe karohọ Oragha rẹ odjahọ wẹ-ẹn; ọtiọye na owene wọ kọn ekankọn esiri, wo de mu ẹdjọ ọrhorha phihọ,

Aizaya 2:3

ihwo buebu ke cha rhe, ayen me ta: Yanrhe, e je kpọ ugbenu rẹ Ọrovwohwo na, kpo uwevwin rẹ Ọghẹnẹ ri Jekọp, rere o yono avwanre idjerhe rọye re avwanre nene ada rọye, kidie evun ri Zayọn ọye urhi che nurhe, ota rẹ Ọghẹnẹ ko nẹ Jerusalẹm rhe.

Aizaya 26:1

Vwẹ ẹdẹ yena ka so une nana vwẹ otọ ri Juda. Avwanre vwo orere ọvo rọ ganre ọ vwẹ esivwo vwo vi kerẹ igbẹhẹ ra vwẹ ogben vi.

Aizaya 26:4

Vwẹ ẹro so Ọrovwohwo bẹdẹ, kidie Ọrovwohwo Ọghẹnẹ, ọye oragha ri bẹdẹ na.

Aizaya 30:28

ẹnwen rọye kẹrẹ utọ ro ko phoro ro rhi re ohwo te ohọre; ro che phorhi ẹgborho kpo ẹghwọrọ, kọ cha gba urhe mu unu re ihwo na re o sun ayen ghwru.

Aizaya 30:30

Ọrovwohwo ko che ru re de nyo urhuru rẹ ọrho rọye ka je cha mrẹ odju rẹ ochẹ rẹ ighabọ rọye, vwẹ ophu ọtuatua kugbe ela ve ẹtorhẹ re erhanre, vẹ ikoro rọ bẹre vẹ ọgiribọ kugbe iblosio rẹ erhanre.

Aizaya 44:8

Wọ djẹ oshọ-ọ, eyẹ wo bru udu-u, Me rha vuẹ wẹ jovwo nẹ awanre rhe-e? Ovwan ọye iseri mẹ! Ọghẹnẹ ọfa je herọ nọ vwẹ? O vwo Oragha ọfa-a, Me je riẹn ọfa-a.

Jerimaya 33:11

a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.

Livitikọs 23:32

Ẹdẹ na kọ dia ẹdidjala rẹ urovwoma vẹ udindin vwọ ke ovwan, ovwan Me vwẹ oja re oma rẹ ovwan ovwọnvwọn rẹ ẹdẹ rirhiri re emeranvwe na kọye ovwan vwo muo phihọ ẹyọnrọn, nẹ ovwọnvwọn re te ovwọnvwọn ọfa kọye ovwan yọnre ẹdidjala rẹ ovwan na.

Matiu 26:30

Ọke rẹ ayen vwọ so me nu, ayen da yanran kpo ugbenu rẹ Oliv.

Urhi Rivẹ 16:14

ovwan Me ghọghọ vwẹ orẹ rẹ ovwan na, wẹ vẹ ọmọ wẹn rẹ ọshare, kugbe ọmọ wẹn rẹ aye, odibo wẹn rẹ ọshare vẹ odibo wẹn rẹ aye, kugbe Livae, te ọrhorha, vẹ ọmọphrorivwi vẹ ayeuku re hẹ irere rẹ ovwan na.

Urhi Rivẹ 16:6

ẹkẹvuọvo vwẹ asan rẹ Ọrovwohwo Ọghẹnẹ wẹn na sanọre nẹ odẹ rọye dia na, Etiyin wo de ze izobo rẹ Ẹwanvrẹn na, vwẹ ovwọnvwọn vwẹ ọke rẹ ọnre da ro otọ ye, oghẹre ọke ru wo vwo nẹ Ijipt rhe ye.

Urhi Rivẹ 32:31

Kidie oragha rayen họhọ Oragha rẹ avwanre-e, owenẹ ivwighrẹ rẹ avwanre dia ibrorhiẹ dede.

Urhi Rivẹ 32:4

Oragha na, iruo rọye gbare; kidie idjerhe rọye ejobi ọsoso. Ọghẹnẹ rẹ uyota ro vwo umwemwu-u, ọvwata vẹ ohwo ọsoso o ruẹ.

Ẹvwọphia 15:3

Ayen da so une ri Mosis, Odibo rẹ Ọghẹnẹ na, kugbe une rẹ Omogodẹ na, tanẹ, Iruo wẹn pha rhuarho igbunu, E Ọrovwohwo Ọghẹnẹ Ọrovwoẹgba! Ọsoso kugbe uyota hẹ idjerhe wẹn, E Ovie rẹ oge ejobi.