Aizaya 30:28 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁸ ẹnwen rọye kẹrẹ utọ ro ko phoro ro rhi re ohwo te ohọre; ro che phorhi ẹgborho kpo ẹghwọrọ, kọ cha gba urhe mu unu re ihwo na re o sun ayen ghwru.

Aizaya 30:28 ပူးပေါင်းရင်းမြစ်များ

2 Samuẹl 17:14

Absalọm vẹ ihwo rẹ Izrẹl ejobi da ta, Iroro ri Hushai rẹ Archit ri me yovwi nọ rẹ Ahitofẹl. Kidie Ọrovwohwo ruro rere a vwọ sen iroro esiri rẹ Ahitofẹl jẹre rere Ọrovwohwo mrasan hwa osa rẹ umwemwu rẹ Absalọm kẹ.

Ivie rẹ Ivẹ 19:28

Fikiridie wo mu ophu kpahe ovwẹ Mi de rhi nyo usi rẹ omephuo wẹn, Me cha jẹ oghọre mẹ phihọ unwe wẹn Me cha gba utehru phihọ owẹ unu Mi che ku we rhẹriẹ kpo idjerhe ru wọ wan rhe.

ỌBE RẸ JOB 39:17

fikiridie Ọghẹnẹ miere iroro, ọ vwẹ ọhọ vwọ kẹ kakaka-a.

Une rẹ Ejiro 18:15

Etiyin ọva re he obotọ re ame da va phia, ichivwo rẹ akpọ na da fa phia, vwe ẹghwọ wẹn, E Ọrovwohwo, vwe aghworo re odju re inwe wẹn

Une rẹ Ejiro 32:9

Wọ rha dia kerẹ iyesi eyẹ ekẹtẹkẹtẹ rọ riẹn emuọvo-o, ra vwe ufi vẹ ejọnrọn vwọ gba unu tavwe rọ ke riẹn ohwo-o.

Isẹ 26:3

A vwẹ ophiaphia fa esi, a me rha vwẹ ufi gba unu rẹ ekẹtẹkẹtẹ, ukpokpo kọye a vwọ ghwiẹ ugbuko rẹ ẹkpa.

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 17:13

Irere na do kerẹ edo rẹ ame rode, ẹkẹvuọvo kọ ghwọ ku ayen, kẹ ayen djẹ yanran shesheri, kọ djẹ kerẹ iphopho rọ hẹ enu rẹ ugbenu rẹ odju muẹ yanran, kerẹ odemu ro djuẹ iwurhie kpenu vwẹ obaro rẹ ogiribo.

Aizaya 17:14

Vwẹ ovwọnvwọn, nighere, udidi rẹ oshọ! Bẹsiẹ rẹ ọke vwo rhie, ayen gbi herọ-ọ. Ọnana ẹkẹn rẹ ihwo re ghwọrọ avwanre na, kugbe ute rẹ ihwo ri gborho avwanre na.

Aizaya 19:3

Erhi re ihwo re ljipt na kọ rhan nẹ ayen oma, ki mi phi ozighi phihọ iroro rayen; ke ayen diotọ rọye vwẹ obọ rẹ ema vẹ ebọepha, vwẹ obọ rẹ irivwi vẹ erieda;

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Aizaya 28:2

Nighe, Ọrovwohwo na vwo ọvo rọ dia ọgba rọ ganre; kerẹ ogiribo rẹ osio rẹ elalọ aphopho rọ ghwọrọ, kerẹ aphopho rode, ame ro kuẹ reghe reghe, gidi gidi na ọ cha vwọ ghwiotọ.

Aizaya 29:6

Ọrovwohwo rẹ otuofovwi na kọ vwẹriẹ akuọrha wẹn vẹ agbrara te otọ ro kpogho kugbe edo rode, vẹ ogiribo kugbe odju vẹ erhanre rọ la rọ ghwọrọ.

Aizaya 30:29

Ku wọ cha so ine vwẹ ason ra da re orẹ ọfuanfon; kugbe aghọghọ re udu, kere ọke rẹ ohwo de gbe cha nene edo re owanre kpo enu rẹ ugbenu re Ọrovwohwo, vwo kpo obo Oragha rẹ Izrẹl.

Aizaya 30:33

Kidie a rhuẹrẹ asan rọ torhẹ phihọ otọ kẹ ayen kri re, Uyota, vwọ ke ovie na a rhuẹrẹ hẹrhẹ, omamọ re iyara m tọnre kokodo hehere, vẹ irhe kugbe erhanre re koko phihọ gbidi, ẹnwẹn re Ọrovwohwo, kere uto re ihiosio re erhanre re koko phihọ.

Aizaya 37:29

Fikiridie wọ rọ họnrọ ovwẹ ri mi de nyo usi rẹ eyan ru wọ yan, ke me vwẹ oghọre mẹ sa unwe rọye ke me vwẹ uwe mẹ vwo we unu wẹn, ke me cha rhan wẹn rhivwi vwẹ idjerhe ru wọ wan rhe.

Aizaya 59:19

Ọtiọye na kẹ ayen cha djẹ oshọ rẹ Ọrovwohwo nẹ obuko ọnre rhe, urinrin rọye nẹ ẹvacha rẹ ọnre rhe, ọ cha rhe kerẹ uto rọ dje ọkẹre rẹ odju rẹ Ọrovwohwo muẹ vwọ djẹ.

Aizaya 63:17

E Ọrovwohwo, die wọ vwọ nẹrhẹ avwanre ghwru nẹ idjerhe wẹn, wo vwo ru udu re avwanre gan, me vwo je oshọ wẹn edje? Rhoma fiki rẹ idibo wẹn, uvwiẹ rẹ uku wẹn.

Aizaya 8:8

kọ hworhẹ ayen rọ Juda, kọ vọn hwẹ o me djẹ hẹ obaro, bẹsiẹ ro vwo te ohọre, ko che ku reghereghe te asan re otọ wẹn heri te, E Imanuẹl.

Hosia 13:3

Fiki rẹ ọtiọye ayen ke cha dia kerẹ evwru rẹ irhiọke yẹrẹ irho ro krẹ ọke ya-a, kerẹ iphopho ri tuẹ nẹ utuwevwi rẹ de wuye ọka eyẹ kerẹ ivwirhi re wan evakpo ruẹ otafe.

Emọs 9:9

Kidie nighere, mi che ji urhi, mi che kpogho uwevwi rẹ Izrẹl vwẹ ohri rẹ ẹgborho na kerẹ obo ra da vwẹ ophorhemu phorho emu, ẹkẹvuọvo ubioragha ọvuọvo che se she teye otọ-ọ.

Matiu 3:12

Adjudju hẹ obọ rọye, kọ nabọ hwerhe utuwevwi rọye, eka re herọ ka ghwẹ ayen kpo erhu, ẹkẹvuọvo ikueku re herọ ke gbeje ayen koko, ka torhẹ ayen kufia.

Iyẹnrẹ Esiri ri Luk 22:31

Saimọn, Saimọn, nighe, Idẹbono guọnọ owẹ reyọ, rere o wuye uwe kerẹ ọka,

2 Tẹsalonaika 2:11

Vwẹ ọtiọye na Ọghẹnẹ da vwẹ erhi rẹ ibeghe ọgangan kẹ ayen, rere ayen vwo se efian gbuyota.

2 Tẹsalonaika 2:8

Ọke yena ka cha vwẹ onogbozighi na phia, Ọrovwohwo Jesu kọ cha vwẹ ota rẹ unu rọye hwe ghwu kọ ghwọrọ vwẹ omavwọphia kugbe ẹcha rọye.

Hibru 4:12

Kidie ota rẹ Ọghẹnẹ na ọkpokpọ gbrọgbrọ sasasa, dandan kerẹ ọlọkọ rẹ ako ivẹ, rọ nyavwe udu vẹ erhi rhie phihọ, rọ hẹriẹ ẹrho vẹ otu, o krẹ ro ki vughe iroro vẹ omeru rọ hẹ evun rẹ udu-u.

Ẹvwọphia 1:16

Ọ da yọnre isio ighwrẹ vwẹ obọrhe, ọgbọdọ ọvo rọ dan prẹprẹ de yoro nẹ unu rọye rhe, opharo rọye kọ ruaro gala gala kerẹ ọnre.

Ẹvwọphia 2:16

Gbe kurhẹriẹ. Ọ dia eriyi-in, mi che bru ovwan rhe nanana ke me cha vwẹ ọlọkọ rẹ unu mẹ vwọ họnre ayen.