Aizaya 30:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Uyota, E ihwo ri Zayọn re dia Jerusalẹm, wa gbe cha viẹ ọfa-a. Vwe uyota ko ni aruẹdọn ke we vwe ọke wọ da viẹ se, ọke ro de nyo ko kpahe ke wẹ.

Aizaya 30:19 ပူးပေါင်းရင်းမြစ်များ

Une rẹ Ejiro 50:15

rere wo se vwe vwe ọke rẹ ukpokpogho, ki mi sivwi uwe, ru wọ da vwẹ urinrin kẹ vwẹ.

Aizaya 10:24

Ọtiọye na enẹ Ọrovwohwo tare, Ọrovwohwo rẹ otuofovwi E ihwo mẹ, re dia Zayọn, wa dje oshọ rẹ ihwo re Asiria-a vwẹ ọke rayen da vwẹ ọkpọ ghwiẹ ovwan eyẹ ugbọphogho fa ovwan kirobo re Ijipt ruru.

Aizaya 25:8

Ko mu ughwu rọ bẹdẹ, Ọrovwohwo rẹ Ọghẹnẹ kọ ririe oviẹ nẹ opharo rayen, ehwẹjẹ rẹ ihwo rọye ko sio nẹ akpọ na ejobi, kidie Ọrovwohwo tarọ nure.

Aizaya 33:2

E Ọrovwohwo re ehrọre rẹ avwanre, we avwanre hẹrhẹ. Dia ọchuko rẹ avwanre kirhiọke kirhiọke, esivwo rẹ avwanre vwẹ ọke re ukpokpo-ghu

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 41:17

Ọke rẹ ovwiogbere vẹ ọ re akpọ bẹn da guọnọ ame, ye ame herọ-ọ, re ẹrenvwe rọye da yamu vẹ urhuru rẹ ame, Mẹvwẹ rẹ Ọrovwohwo re sa kpahe kẹ ayen, Mẹvwẹ Ọrovwohwo rẹ Izrẹl na sa sen aye-en

Aizaya 46:13

Mi bi esivwo Mẹ kẹre, o sheri-i, esivwo Mẹ che kri-i, Mi phi esivwo phihọ Zayọn vwọ kẹ Izrẹl urinrin Mẹ.

Aizaya 58:9

Ọke yena ku wo se, Ọrovwohwo ko nyo, ku wo kperi, kọ ta kẹ wẹ nẹ, Mẹvwẹ na. Ọ da dianẹ we si urhekpe na nẹ uherevie rẹ ovwan urhiabọ ra riẹn, kugbe ota umwemwu ra ta,

Aizaya 60:20

Ọnre wẹn gbi che she kpotọ-ọ, eyẹ emeranvwe wẹn gbi si reyọ-ọ, kidie Ọrovwohwo re cha dia urhukpẹ wẹn bẹdẹ, ẹdẹ rẹ oma emuophihọ ko che vwo oba.

Aizaya 65:18

Ẹkẹvuọvo gba ghọghọ re oma vwerhe owẹ bẹdẹ vwẹ oma rẹ obo re Me mare, kidie nighere, Me ma Jerusalẹm vwọ kẹ omavwerhe, ihwo rọye ke aghọghọ.

Aizaya 65:19

Me ghọghọ vwẹ oma ri Jerusalẹm, oma rẹ ihwo Mẹ ke vwerhe ovwẹ, e gbi nyo umri rẹ ovie vwẹ evun rọye-e kugbe ekpere rẹ enu ebro-o.

Aizaya 65:24

Tavwe re ayen ki se ki mi nyo, re ayen je vwo ta ota na ki Mi nyo ayen.

Aizaya 65:9

Me cha reyọ uvwiẹ ri Jekọp rhe, i ri nẹ Juda rhe ke reuku rẹ igbenu Mẹ; e re Me jẹreyọ ke vwọ re uku, idibo Mẹ ke cha dia etiyin.

Jerimaya 30:12

Kidie enẹ Ọrovwohwo tare. Omaẹwan rẹ ovwan dia ọ re se sivwi-i, ora rẹ ovwan ọrhuarho.

Jerimaya 31:12

Ayen cha rhe rhe so une gangan vwẹ ugbenu ri Zayọn, kẹ ayen ghọghọ vwẹ erhuvwu rẹ Ọrovwohwo; vwẹ enu rẹ eka, tẹ wain tẹ evwri, ji te enu rẹ emọ rẹ igegede vẹ uchuru, eyere rayen cha họhọ ogba re ku ame ku, oma gbe rhọ ayen ọfa-a.

Jerimaya 31:16

Enẹ Ọrovwohwo tare: Si urhuru wẹn nẹ oviẹ, ji si ero wẹn nẹ ame oviẹ, kidie a cha hwa osa fiki rẹ iruo wẹn, eriyin Ọrovwohwo tare, ayen che rhivwi nẹ otọ rẹ ọvweghrẹ na cha.

Jerimaya 31:6

Kidie ẹdẹ hero rẹ erhẹrotọ che vwo se vwẹ orere rẹ ugbenu rẹ Ifrem: Vrẹn, re e yeri kpo Zayọn, bru Ọrovwohwo Ọghẹnẹ rẹ avwanre.

Jerimaya 31:9

Ayen che rhivwi cha, vẹ oviẹ ji kugbe uchebro mi vwo sun ayen rhivwi. Mi che ru ayen yan vwẹ orhoma rẹ ame, vwẹ idjerhe ọphiọnphiọn rẹ ayen de je she, kidie mẹvwẹ ọse kẹ Izrẹl, Ifrem ji ọmọkpako mẹ.

Jerimaya 33:3

se vwe ki mi nyo kẹ wẹn, ke me ta imu ride re djahere na kẹ wẹ e rẹ wọ je riẹn devo-o.

Jerimaya 50:28

Kerhọn! ayen djẹ vabọ nẹ otọ ri Babilọn, re ghwoghwo ihriẹriọ rẹ Ọrovwohwo Ọghẹnẹ rẹ avwanre na vwi Zayọn, ihriẹriọ fiki rẹ uwevwi rọye.

Jerimaya 51:10

Ọrovwohwo vwẹ ase rẹ avwanre rhire, mọ, re ghwoghwo vwi Zayọn iruo rẹ Ọrovwohwo Ọghẹnẹ rẹ avwanre na.

Izikiẹl 20:40

Kidie vwe enu rẹ ugbenu ọfuanfon mẹ na, obenu rẹ ugbenu phelephele rẹ Izrẹl na, eriyin Ọrovwohwo Ọghẹnẹ tare, Etiyin uwevwi rẹ Izrẹl ejobi, ayen ejobi da cha ga vwẹ vwẹ evun rẹ otọ na; Etiyin me da reyọ ayen, etiyin me da cha reyọ arhọghọ wẹn kugbe omamọ rẹ okẹ wẹn, kugbe izobo wẹn rẹ efuanfon ejobi.

Izikiẹl 36:37

“E nẹ Ọrovwohwo Ọghẹne tare: Ọnana me je cha uphẹ kẹ uwevwi rẹ Izrẹl nẹ ayen nọ vwẹ rere mi ru kẹ ayen, re mi ru ihwo rọye bu kerẹ igọde.

Maika 4:9

Asakiephana die wọ vwọ viẹ phia? Ovie gbe hẹ evun wẹ-ẹ? Ọbuiroro wẹn ghwuru, obi na mu we kerẹ aye rọ chuẹ uvwiẹ?

Iyẹnrẹ Esiri ri Luk 6:21

Ebruba kẹ ovwan rẹ owẹvwe hwe vwẹ asakiephana, kidie evun cha vọn ovwan. Ebruba kẹ ovwan re viẹ vwẹ asakiephana, kidie ovwan cha hwẹ.

Ọbe ri Pọl si rhe Ihwo ri Rom 11:26

ọtiọye na ihwo rẹ Izrẹl ejobi ke sivwi ayen; kirobo re siro nẹ, Osivwi na ko nẹ Zayọn rhe, kọ djẹ ijẹfuọn nẹ Jekọp;

Ẹfesọs 3:20

Asakiephana vwọ kẹ ohwo ro sa kẹ okẹ ro buru vwẹ ogangan rọye rọ hẹ udu rẹ avwanre vwẹ emu ejobi rẹ avwanre nọre eyẹ rẹ avwanre roro,

Ẹvwọphia 5:4

Me da viẹ gangan nẹ a sa mrẹ ohwo ro fori ro se rhie ọbe na-a siẹvo ke se-e.

Ẹvwọphia 7:17

Kidie Omogodẹ na rọ hẹ uherevie rẹ ekete na kọ dia osuigegede rayen, ko sun ayen kpo ogbugbu rẹ arhọ na; Ọghẹnẹ ko rhie ameoviẹ nẹ ayen ẹro.