Aizaya 30:16 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁶ ẹkẹvuọvo wọ tare nẹ, Ẹjo! Avwanre djẹ fafa vwẹ enu rẹ iyesi, vwẹ otiọye na gba djẹ yanran, yẹ, Avwanre ke gua vwe enu rẹ iyesi re eshare kpata kpata, vwẹ ọtiọye na ihwo re vwo tua wẹn na ke djẹ gangan.

Aizaya 30:16 ပူးပေါင်းရင်းမြစ်များ

Ivie rẹ Ivẹ 25:5

Ẹkẹvuọvo ituofovwi ri Kaldia da vwọ tua ovie na, ayen da djẹ muo vwẹ ogo ri Jẹriko; ituofovwi rọye ejobi da hrabọ jovwo.

ỌBE RẸ JOB 39:11

Wọ vwẹ ẹro suọ fikiridie ogangan rọye rhoro, ku wọ yan jẹ iruo wẹn vwo kẹ?

Une rẹ Ejiro 147:10

Omavwerhe rọye ọ hẹ ọgangan rẹ iyesi-i, eyẹ aghọghọ rọye ọ hẹ igbawọ rẹ ohwo-o,

Une rẹ Ejiro 33:17

Iyesi re ofovwi ọye emu diodi rẹ a vwẹ ẹro so fiki rẹ obọẹkparọ; vwẹ ẹgba rọye rode na o che se sivwi-i.

Aizaya 2:7

Otọ rayen vọnre vẹ idọnọ kugbe iro, efe rayen vwo oba-a otọ rayen vọnre vẹ iyesi, ekpẹrẹ rẹ ofovwi rayen vwo unu-u.

Aizaya 31:1

Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 31:3

Ihwo rẹ Ijipt na ihwo rẹ akpọ, e dia Ọghẹnẹ-e iyesi rayen ugboma gheghe, e dia erhi-i Ọke rẹ Ọrovwohwo da riẹn obọ rọye phia, ọchuko na kọ yẹghrẹ, ihwo rọ chọ na ki she, ayen ejobi ke ghworọ kugbe

Jerimaya 39:4

Ọke ri Zedikaya vẹ otu ofovwi na ejobi vwọ mrẹ ayen, ayen da djẹ, nẹ orere na vwẹ ason wan idjerhe rẹ ogba rẹ ovie na rẹ unurhoro rọye hẹ uvwre rẹ igbẹhẹ na; ayen da yan hirhe aro ku obo Araba.

Jerimaya 4:13

Nighe, ọ cha kerẹ egho, ẹkpẹrẹ rẹ ofovwi rọye họhọ ogiribo iyesi rọye djẹ phẹre nọ ugo– ekan kẹ avwanre, kidie avwanre ghwọre.

Jerimaya 46:6

Ọdjonẹ sa rhan kpo-o ọgbofovwi sa vabọ-ọ; vwẹ obọrhe ọnre vwẹ oma rẹ urhie ri Yufretis ayen da kprowọ she.

Jerimaya 52:7

E de bru uphrophro phihọ ighẹhẹ rẹ orere na, eshare rẹ ofovwi na ejobi da djẹ nẹ orere na vwẹ ason ra wan anurhoro rọ hẹ uherevie rẹ igbẹhẹ ivẹ na, vwẹ oma rẹ ogba rẹ ovie na, ye ihwo ri Kaldia ke orere na phihọ. Ayen da ra wan obo Araba na.

Uvwerhe 4:19

E re vwọ tua avwanre na djẹ phẹre nọ avwanre, nọ ekala re hẹ obenu e vwọ tua avwanre vwẹ enu rẹ igbenu; ayen fiọnko hẹrhẹ avwanre vwẹ evun rẹ aghwa.

Emọs 9:1

Me da mrẹ Ọrovwohwo ro mudia vwẹ oma rẹ agbada na; Ọ da ta. Kporo ichivwo na bẹsiẹ rẹ ichiotọ na vwo yeghe, ro vwo rhurie she teyẹ iyovwi rẹ ihwo na ejobi, iri ghwu chekọ ke Me vwọ ọlọkọ hwe ayen; ọvuọvo rẹ ayen cha sa djẹ vabọ-ọ, ọvuọvo rẹ ayen sa djẹ yanra-an.

Maika 1:13

Nabọ rhuẹrẹ asan re tidia vwẹ akpẹrẹ na, ihwo re dia Lakish; ovwan ẹtuọhọ rẹ umwemwu kẹ emetẹ ri Zayọn, kidie evun wẹ a da mrẹ ogbeku rẹ Izrẹl.

Habakọk 1:8

Iyesi rayen djẹ onẹ phẹre nọ edjanakpo, i muoshọ nẹ ikpohrokpo rẹ ovwọnvwọn; otu re gua iyesi rayen ra gọlọ hẹ obaro. Uyota, otu re gua iyesi rayen ogboko i nurhe, e rhan kerẹ ugo rọ mrẹ obo ro re fru.

Urhi Rivẹ 28:25

Ọrovwohwo kọ nẹrhẹ ivwighrẹ rẹ ovwan phi ovwan kparobọ; ovwan da vwọ so ayen vwẹ idjerhe ọvo, idjerhe ighwrẹ kọye ovwan djẹ wan kpo; ovwan ke dia utuoma kẹ ivie rẹ akpọ na ejobi.

Urhi Rivẹ 28:49

Ọrovwohwo cha reyọ ẹgborho ọfa nẹ ogboko rhe ri mu kpahe ovwan, nẹ oba rẹ akpọ na rhe kpata kpata kerẹ ugo rọ rhan, ẹgborho ro wa riẹn ephẹrẹ rọye-e