Aizaya 30:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ fiki rẹ ọtiọye na orukuruku na kọ cha dia kẹ wẹ kerẹ ova vwẹ oma rẹ igbẹhẹ, rọ vẹn tutu kpo uko, ro che rhurie she, ro che she ẹsiẹvuọvo kpregede,

Aizaya 30:13 ပူးပေါင်းရင်းမြစ်များ

1 Ivie 20:30

I ri chekọ da djẹ kpo orere rẹ Afẹk; igbẹhẹ de rhe she teye ihwo uriori uje gbe ighwrẹ ri chekọ. Bẹnhadad da je djẹ rhe, o de re sioma nu vwẹ uvun ọvo vwẹ orere na.

ỌBE RẸ JOB 36:18

Ni oma te eyẹ ivuemiovwo da rhe phiẹn we ra ro ehwẹjẹ; wo jẹn ọrho rẹ ẹtanhirhe ku we rhẹriẹ-ẹ

Une rẹ Ejiro 62:3

Mavọ ovwan mu kpahe ohwo krite vwo rọ vwọ ghwọrọ, ovwan na ejobi, kerẹ igbẹhẹ rọ nuẹre, ogba yeyeghe?

Une rẹ Ejiro 62:4

Iroro re ayen vwo gere she nẹ asan rode ro epha ayen jẹ na. Oma rẹ efian ẹvwọrọ vwerha ayen. Ayen vwẹ unu re ayen nẹ ẹrhovwo, ẹkẹvuọvo yẹ ayen vwẹ evun duvwu iyori

Isẹ 29:1

Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

Isẹ 6:15

fiki rẹ ọtiọye na okpetu che she teyọ kpregede; nana nana na ka guọghọ te otọ e rhe se sivwo-o.

Aizaya 22:14

Ọrovwohwo rẹ otuofovwi na vwẹ oma rọye phia ke vwẹ nyo. Uyota orukuruku nana e se vwo ghovwo uvwe-e bẹsiẹ wo vwo ghwu eriyin Ọrovwohwo Ọghẹnẹ rẹ otuofovwi tare.

Aizaya 26:21

Kidie nighere, Ọrovwohwo na re nẹ ẹdia rọye cha ro che vwo hwe ihwo rẹ akpọ na fiki rẹ umwemwu rayen, akpọ na kọ cha vwẹ ọbara re hweri vwẹ evun rọye phia, o gbi che rhurhu ihwo re hweri na ọfa-a.

Aizaya 29:5

Ẹkẹvuọvo ivwighrẹ re pha gbidi na họhọ iwurhie vworo vworo, ihwo gbidiki ri siaro na ke họhọ iphopho ri nene odju yanran. Erọẹbrẹ na, kpregede.

Aizaya 30:26

Ọ rọ ma rho urhukpẹ re emeranvwe kọ cha họhọ orẹmrẹ rẹ ọnre, ọremre re ọnre kọ rhọ asakueghwre kere orẹmrẹ rẹ edẹ ighwrẹ, vwẹ ẹdẹ rẹ Ọrovwohwo da cha gba ora rẹ ihwo rọye, ko sivwi ora rẹ ọye ọvo bruru.

Aizaya 47:11

Ẹkẹvuọvo okpetu che bru we rhe, ru wọ je sa rhuẹrẹ, ukpokpogho che she teyọ owẹ, ru wo je se phorho nẹ oma, ẹghwọrọ ko bru we rhe kpregede, ju wọ riẹn emu ọvuọvo kpahọ-ọ.

Aizaya 48:3

Emu ri jovwo na Me tare rhabae rhe, i nẹ unu mẹ rhe Me da vwẹ ayen phia, kpregede na Mi de ru ayen i de ghine rhi ru.

Aizaya 58:12

Iwevwi rẹ awanre ri sheri ejobi ka rhoma bọn ayen, ku wọ vwẹ uchivwo rẹ uvwiẹ buebu vwo chivwi otọ; ke se we nẹ ọrhuẹrẹ iphrophro, ọrhuẹrẹ rẹ irhuvwu re i ja dia.

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Matiu 7:27

Osio da rhe rhọ, ọkẹre da rhe fa, odju de rhi djuo, o de she: emu buebu re herọ da ghwọrọ kufia.

Iyẹnrẹ Esiri ri Luk 6:49

Ẹkẹvuọvo ohwo ro nyori ro ruru-u ọ họhọ ohwo rọ bọn uwevwi rọye vwọ hẹ enu rẹ ubu ọ gbe tọn kodo te-e; rẹ ọkẹre vwọ fa, o de she; emu buebu da ghwọrọ vwọ.