Aizaya 3:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Eshare wẹn kẹ oda e wan kpo, egba rẹ eshare na kẹ ofovwi e wan kpo.

Aizaya 3:25 ပူးပေါင်းရင်းမြစ်များ

2 Ikun rẹ Ivie 28:6

Kidie Peka ọmọ ri Remaiaya de hwe ihwo uriori uje vwi Juda vwẹ ẹdẹ ọvo, ihwo na ejobi na eshare ri yivwaro, fikiridie ayen sen Ọrovwohwo na, Ọghẹnẹ rẹ esẹ rayen.

2 Ikun rẹ Ivie 29:9

Gbe no, esẹ rẹ avwanre ghwu ughwu rẹ oda emeshare rẹ avwanre kugbe emetẹ rẹ avwanre kugbe eya rẹ avwanre ighuvwu fiki rẹ ọnana.

Aizaya 1:20

Ẹkẹvuọvo wọ da sen wọ de mu kpahọ oda kọye a vwọ ghwọro owẹ, fikiridie unu rẹ Ọrovwohwo re tarọ.

Aizaya 65:12

Ke Me vwẹ owẹ kẹ ọlọkọ, ovwan ejobi ki che gbe uyovwi phihọ otọ kẹ ọ ro hwe ihwo na; fikiridie, ọke Mi vwo se, wo nyori-i, ọke Me vwọ ta ota, wọ kerhọ-ọn, ẹkẹvuọvo wo de ru umwemwu vwẹ obaro Mẹ, wọ da jẹ obo ri tu vwe oma .

Jerimaya 11:22

ọtiọye na enẹ Ọrovwohwo rẹ otuofovwi na tare, Mi che hwe ayen; imighene na che ghwu ughwu rẹ ọlọkọ; owẹvwe che hwe emeshare vẹ emete rayen ghwu;

Jerimaya 14:18

Mi de kpo evun rẹ aghwa nighe, irivwi rẹ ihwo re hweri hẹ oboyi. Ọ da dianẹ me ro evun rẹ orere na nighe, emiavwe rẹ owẹvwe! Kidie te ọmraro vẹ orherẹn nenesi rẹ eki rayen wan otọ na duvwu, ayen gbi vwo iroro-o.

Jerimaya 15:8

Mi ru eyauku rayen rhi bu phihọ, vrẹn ubu rẹ abadi. Mi rhi mu kpahe iniemọ rẹ ighene na ọghwọrọ vwẹ ọnre viri me vwẹ omaẹghwọrọ vẹ uguegue ri she teyọ ayen kpregede.

Jerimaya 18:21

Ọtiọye na vwẹ owẹvwe hwe emọ rayen vwẹ ayen kẹ ogangan rẹ ọlọkọ, jẹn eya rayen dia egan vẹ eyauku. Jẹn emiavwe hwe eshare rayen, ra vwẹ ọlọkọ hwe ighene rayen vwẹ ofovwi.

Jerimaya 19:7

Vwẹ etinẹ na me da hra iroro ri Juda vẹ iroro ri Jerusalẹm, ki mi ru ihwo rayen re ọlọkọ hwe ayen vwẹ obaro rẹ ivwighrẹ rayen, vwẹ obọ rẹ otu re guọnọ arhọ rayen hwe. Me cha vwẹ irivwi rayen ru emuọre kẹ emephran rẹ obenu na kugbe eranvwe rẹ aghwa na.

Jerimaya 21:9

Ohwo rọ da oma ji orere nana che ghwu ughwu rẹ ọlọkọ vẹ ọ rẹ owẹvwe, kugbe ọ rẹ emiavwe; ẹkẹvuọvo ohwo rọ yan nọ rọ da vwẹ oma rọye kẹ ihwo ri Kaldia re yariẹ ovwan phihọ na cha rhọ ye arhọ rọye kọ cha dia osa re ofovwi.

Uvwerhe 2:21

Vwẹ evun rẹ iwurhie rẹ irhuvwu na ighene vẹ emare de gbule; emetẹ mẹ kugbe emeshare mẹ de ghwu ughwu rẹ ọlọkọ, wo hwe ayen vwẹ ẹdẹ rẹ ophu wẹn, ihwehwe ro vwo arodọvwẹ-ẹ.

Emọs 9:10

Iruimwemwu rẹ hẹ ohri rẹ ihwo mẹ ejobi che ghwu ughwu rẹ ọlọkọ, re tanẹ, umiovwo che se te avwanre oma-a.