Aizaya 3:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ọrovwohwo cha vwẹ ogbẹn ghwiẹ uyovwi emetẹ ri Zayọn, kọ cha ba odjahọ rayen phihọ.

Aizaya 3:17 ပူးပေါင်းရင်းမြစ်များ

Solomon 3:11

Wa yan phia, E emetẹ ri Zayọn, re we ni Ovie Solomọn, vẹ erhu rẹ ovie rẹ oni rọye vwo tughẹ vwẹ ẹdẹ re vwo sun aye rhe, vwẹ ẹdẹ rẹ udu rọye vọnre vẹ aghọghọ.

Aizaya 20:4

Eriyin ovie rẹ Asiria che mu ihwo rẹ Ijipt ighuvwu ihwo rẹ Itiopia ke mu ayen kpo imu te imitete te ekpako. Ẹbẹba vẹ awọ ofefe, vẹ ikebe ri rhie phihọ, rọ dia omaẹvuọ kẹ Ijipt.

Aizaya 3:16

Ọrovwohwo tare: Fikiridie emetẹ ri Zayọn vwo ọnko ayen riẹn ọhọre kerẹ obo re yan frẹfrẹ vwiovwio ẹro rayen, re erọvwọ rẹ awọ rayen tue,

Aizaya 3:18

Vwẹ ẹdẹ yena Ọrovwohwo ko che si erhuvwu rẹ erọvwọ re abọ no te umuyovwi, te osunsun;

Jerimaya 13:22

Ọ da dianẹ wọ ta vwẹ udu wẹn, Die sorọ rẹ enana vwo bru uwẹ rhe? fiki rẹ ọrho rẹ umwemwu wẹn a vwọ kparẹ eshamwa wẹn wọ da re oja fiki rẹ omaẹdja wẹn.

Livitikọs 21:20

eyẹ ọsuke, eyẹ ọkuanko eyẹ ohwo rọ mrẹ orẹ te-e, eyẹ ohwo rọ mwa evwua, eyẹ ekpọmọsẹ eyẹ ohwo ro vwo ẹrhẹn,

Maika 1:11

Yan kpo obo wọ ra, ihwo re dia Shafir, vwẹ ẹbẹba vẹ omaẹvuọ, Ihwo re dia Zaanan cha ro uphephẹ-ẹ; ọmaebere ri Betezẹl cha reyọ asan ro mudia na mie we.

Nahum 3:5

Nighe ki mi mu kpahe owẹ, eriyin Ọrovwohwo rẹ otuofovwi na tare, ke me ghwiẹ abọ rẹ ewun wẹn rhurhu uwe opharo; uvie ke mrẹ ophọphọvwe wẹn.

Urhi Rivẹ 28:27

Ọrovwohwo na cha vwẹ irubẹ rẹ Ijipt, kugbe ikpera vẹ okpe kugbe okpọ, rẹ ovwan se sivwi-i vwo mu ovwan.

Ẹvwọphia 16:2

Amakashe rẹsosuọ na da yanran re ku udjokpo rọye phihọ akpọ na, era ebrabra ri gbo ọnre de rhi bru ihwo ri vwo oka rẹ eranvwe na oma kugbe aye re gọ oma rọye.