Aizaya 3:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ọrovwohwo o mu ẹdjọ phihọ eguo re, ọ vẹ ekpako na kugbe isun rẹ ihwo rọye. We re ghwọrọ ogba ri vain na, ekuakua re ivwiogbere na hẹ uwevwi wẹn.

Aizaya 3:14 ပူးပေါင်းရင်းမြစ်များ

ỌBE RẸ JOB 22:4

Obo wọ vwọ djẹ oshọ rọye kọye ọ vwọ davwẹ owẹ nẹ, kọye o vwo nene we gu ẹdjọ na?

ỌBE RẸ JOB 24:14

Ozighẹ vrẹn vwẹ evun rẹ ebri, rere o vwo hwe ovwiogbere vẹ ọrakpọbẹ; vwẹ evun rẹ ason ọ me họhọ oji.

ỌBE RẸ JOB 24:9

(Ihwo evo herọ re sanvwẹ ọmọphrorivwi nẹ unu rẹ evie, re reyọ ọmọ rẹ ovwiogbere vwo viẹnvwan).

ỌBE RẸ JOB 34:23

Kidie o bru ọke kẹ ohwo ọvuọvo-o ro vwo bru Ọghẹnẹ kpo ẹdjeguo-o.

Une rẹ Ejiro 10:9

ọ rọ rhẹrẹ vwẹ odjahọ kerẹ okpohrokpo rọ fiọnko, o fiọnko rọ vwọ mrasan shabọ phihọ ovwiogbere, ọ shabọ phihọ ovwiogbere vwẹ ọke ro de kpono ro evun rẹ ariri rọye.

Une rẹ Ejiro 14:4

Ayen vwo ọhọ-ọ, ayen ejobi ri ruẹ umwemwu re ria ihwo mẹ kere ẹsiẹ ra re ikara, yẹ ayen gbi se Ọrovwohwo-o?

Une rẹ Ejiro 143:2

Wọ vwẹ odibo wẹn guẹdjọ-ọ, kidie o vwo ohwo ọkpokpọ rọ sa dia ọvwata vwẹ obaro wẹ-ẹn.

Isẹ 30:14

Evo herọ rẹ ibiako rayen e pha kerẹ ọlọkọ, ibiako rayen e pha kerẹ aphia, rẹ ayen vwọ ghwọrọ ovwiogbere kufia nẹ otọ rẹ akpọ na, ọ rẹ akpọ bẹn nẹ ohri rẹ ihwo.

Aizaya 10:1

Ekan kẹ ihwo ri ji urhi re orukuruku, kugbe ihwo ri siẹ isiesi rẹ oshenyẹ,

Aizaya 10:2

ri kue orhiẹ rẹ uyota rhẹriẹ kẹ ọ rẹ akpọ bẹn ayen mi mie ihwo mẹ ri vwiogbere ẹkẹn ute rayen, rere eyauku vwọ dia emuọre rayen, ayen mi rhe ru ọmọphrorivwi phihọ eranvwe rayen!

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 14:30

Emekpako rẹ ivwiogbere ke re emu, e ra akpọ bẹn ki sherhẹ vwẹ egbemọphẹ, ẹkẹvuọvo ke me vwẹ owẹvwe hwe esiri wẹn umuku wẹn ri chekọ ki mi hwe ayen.

Aizaya 26:6

Owọ chiyiro muotọ, awọ rẹ ivwiogbere, kugbe ichiyi rẹ ihwo rẹ akpọ bẹn.

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Aizaya 30:12

Eriyin na enẹ Ọfuanfon Ọvuọvo rẹ Izrẹl na tare, Fikiridie wọ jẹn ota nana fia, wọ da vwẹ ẹro so oshenyẹ vẹ otaephre, wọ da vwẹ oma kpahe ayen;

Aizaya 5:7

Kidie ogba ri vain rẹ Ọrovwohwo rẹ otuofovwi ọye uwevwi rẹ Izrẹl, ihwo ri Juda eye kẹ ivi rẹ ekakọn rọye rọ kọnre, o de nẹro rẹ ọsoso, ẹkẹvuọvo e vwo ni, ke ọbara, o de nẹro rẹ ọvwata, ẹkẹvuọvo nighe, kẹ oviẹ!

Aizaya 58:4

Nigherẹ, wo chire owẹvwe re wọ vwọ mrasan ghwọ họnre re wọ vwẹ ọchẹn phi ihwo. Owẹvwe echiro kerẹ owẹ na nonẹ na cha sa nẹrhẹ enyo urhuru wẹn vwẹ obenu-u.

Jerimaya 12:10

Isuigegede guọghọ ogba ri vain mẹ ayen chiyi ẹkẹn mẹ muotọ, ẹkẹn oyoyovwi mẹ na hirhe phihọ aghwa ofefe.

Jerimaya 5:27

Kerẹ obere rọ vọnre vẹ ephran, uwevwi rayen vọnre vẹ ọphiẹvwẹ; kọye ayen da rhe dia ikpihwo ride ri feri,

Izikiẹl 18:12

o mi shenyẹ ọrivẹ rọye rẹ akpọ bẹn, ọ gborho ihwo, o siobọ nẹ emu re vwo vien ewu-an, ọ kparẹ ẹrọ rọye kpenu vwọ nẹ ema, o gbe ẹgua,

Izikiẹl 20:35

Me cha reyọ owẹ rhe aton rẹ ihwo, ke etiyin me vẹ owe de hirhe aro ku ohwohwo de gu ẹdjọ.

Izikiẹl 20:36

Kirobo re me vẹ esẹ rẹ ovwan gu ẹdjọ vwẹ evun rẹ aghwa vwẹ otọ rẹ Ijipt, ọtiọye me vẹ owẹ che gu ẹdjọ, eriyin Ọrovwohwo Ọghẹnẹ na tare.

Livitikọs 25:14

Ọ da dianẹ wọ she emu kẹ ọrivẹ wẹn eye wọ de mie, ovwan ohwo ruẹ ohwo chọ-ọ.

Livitikọs 25:17

Ovwan ruẹ ohwohwo chọ-ọ ẹkẹvuọvo ovwan djẹ oshọ rẹ Ọghẹnẹ rẹ ovwan; kidie Mẹvwẹ Ọrovwohwo Ọghẹnẹ rẹ ovwan,

Emọs 2:7

ayen ihwo ri chiyi uyovwi rẹ ovwiogbere mu ivwurhie rẹ otọ, ayen Me djẹ ihwo re he ukpokpogho kufia, te ọsẹ vẹ ọmọ rọye Me rọvwọ aye ọvo, ọtiọye na ayen de gbe odẹ ọfuanfon Mẹ ẹgua.

Emọs 4:1

Nyo ota nana, ovwan irhuẹn ri Bashan, re he enu rẹ ugbenu ri shenyẹ ivwiegbere re guọghọ ihwo rẹ akpọ bẹn, re ta kẹ eshare rayen nẹ, Vwọ rhe re ma da!

Maika 2:1

Ekan ke otu re jẹ iroro umwemwu ri ruẹ ivumwemwu vwẹ enu re ehwa rayen! Ọke rẹ ọke dẹ rhiere, ayen mi ruọ, fikiridie ọgangan na rhe ayen vwẹ obọ.

Maika 2:2

Udju re ohwo ọfa da ayen ẹro, ayen mi gborho ayen, iwevwi re ayen, ayen Me ghwẹ ayen reyọ; ayen shenyẹ ohwo vẹ uwevwi rọye, ohwo vẹ uku rọye.

Maika 3:3

re ria uvwo rẹ ihwo mẹ, re jẹ ophiẹn nẹ ayen oma ri vwirhi ibeku rayen ibribro, re nyavwe ayen krẹkrẹ kerẹ ivwo ra ghwẹ kuphihọ itaso, kerẹ ubro rẹ eranvwe vwẹ ukodo.

Maika 6:10

Kẹ uvumwemwu rọ he evun rẹ uwevwi rọye sa chọrọ ovwẹ ẹro kugbe ovwanvwọn rẹ umwemwu ra harhere na?

Matiu 21:33

Ovwan gbe rhoma kerhọn rẹ itẹ ọfa. Ọghwẹrẹ ọvo herọ rọ kọn ogba ri vain, ọ da nabọ gba ogba phihọ, ọ da bọn asan re de miẹ vain, ọ da bọn uwevwi rẹ enu phihọ, eghwẹrẹ efa da yaro ogba na mie tavwe ro ki kpo isiorho.

Jems 2:6

Ẹkẹvuọvo ovwan phọphọ ovwiogbere na nure. Ọ dia otu rẹ edafe na ri shenyẹ ovwan otọna-a, o dia ayen ri ji kpono ovwan kpo ẹguare na-a?