Aizaya 3:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ekan kẹ oruimwemwu! kọ cha bra kẹ, kidie obo rẹ abọ rọye ruru ke eriyin e ji ru kẹ.

Aizaya 3:11 ပူးပေါင်းရင်းမြစ်များ

Jẹnẹsis 18:25

A gha e se ru emu ọtiọye-e, rẹ e vwo hwe evwata kugbe iruimwemwu, re evwata vwọ họhọ iruimwemwu, A sa mrẹ-ẹ; Obrorhiẹ rẹ akpọ na rhe se ru obo re gbare?

2 Samuẹl 3:39

Owenẹ a vwẹ ovwẹ mu ovie dede, oma ghwọrọ ovwẹ nonẹ na. Ihwo nana rẹ emọ ri Zeruyah na ganọ kẹ vwẹ. Ọrovwohwo hwosa kẹ ohwo ro ru obo re brare kerẹ ọtiobo rẹ umwemwu rọye epha.

1 Ivie 21:21

Nighe, me cha vwẹ umiovwo rhe we; mi che hwerhe uwe kufia kakare, ki mi hwe ọshare kọshare mie Ehab, Ọviẹn eyẹ ọmuvwiẹ, vwẹ Izrẹl;

2 Ikun rẹ Ivie 6:23

gbe nyo vwẹ obo odjuvwu, ru wo ru, ru wo brorhiẹ re idibo wẹn, bruhwe ọ rọ reabe re wọ kru uruemu rọye nyẹ uyovwi rọye, re wo rhe brorhiẹ kẹ ọvwata rere ase rọye phia kirobo rẹ ọvwata rọye teri.

ỌBE RẸ JOB 10:15

Me da dia ohwo umwemwu, ekan dia kẹ vwẹ! Me da dia ovwata, me sa kpare uyovwi mẹ-ẹ; kidie me vọnre vẹ omaẹvuọ gbe ni ọdjarhe mẹ.

Une rẹ Ejiro 28:4

Hwa osa kẹ ayen kirobo rẹ iruo rayẹn epha, kirobo rẹ uruemu umwemwu rẹ udu rayen epha, hwa osa kẹ ayen kirobo re iruo re abọ rayen teri, hwa osa ro fo ayen kẹ ayen.

Une rẹ Ejiro 62:12

Wẹ, E Ọrovwohwo, ọye ẹguọnọ ro jẹ rhẹriẹ rheri. Kidie wẹ re sa hwa osa kẹ ohwo kirobo rẹ iruo rọye epha.

Isẹ 1:31

fiki rẹ ọtiọye na kẹ ayen cha re emamọ rẹ idjerhe rayen evun kọ vọn ayen fiki rẹ eghẹnẹkẹ rayen.

Isẹ 11:31

Ovwata da reyọ osa rẹ iruo rọye vwẹ akpọ na, komavọ ọ dia kẹ ohwo umwemwu vẹ oruimwemwu!

Isẹ 12:14

Ota esiri rẹ ohwo esiri tare vọn ohwo evun, obo rẹ ohwo ruru rhoma bro cha.

Isẹ 26:27

Ọ rọ tọn ọgọdọ che she phihọ, ukpokpo re phiri che rhivwi re she ohwo ro phiro.

Aghwoghwo 8:13

ẹkẹvuọvo o che yovwi kẹ oruimwemwu-u, eyẹrẹ ọ cha sa tọn kerẹ uhoho-o, fikiridie ọ djẹ oshọ vwẹ obaro rẹ Ọghẹnẹ-ẹ.

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 48:22

O vwo ufuoma-a, eriyin Ọrovwohwo tare, vwọ kẹ ọruimwemwu-u.

Aizaya 65:20

A gbe cha mrẹ vwẹ evun rọye ọfa-a, ọmọ ọboba rọ wan emọ kpo emọ-ọ, eye ọmare rẹ ẹdẹ rẹ ughwu rọye jẹ gba-a kidie omotete ke ikpe ujori o vwo ghwu, oruimwemwu ro te ẹgbukpe ujori yẹ a harherọ.

Aizaya 65:6

Nighere, e siro phihọ obaro mẹ, Mi che fotovwi-i, ẹkẹvuọvo Me cha hwa osa, e, Me cha hwa osa phihọ agada rayen

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Jerimaya 21:14

Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Jerimaya 31:30

Ekevuọvo dohwo dumwemwu rọye ri gbe ghwu phihọ ohwo ọvuọvo rọ rare otiẹ ekianke, ako ke ghẹnghẹn.

Izikiẹl 16:59

Uyota, enẹ Ọrovwohwo Ọghẹnẹ tare: mi nene uwe ru kirobo wo ruru na, wẹ rọ jẹ ivẹ na kufia wo de miovwi ọphọ na,

Izikiẹl 18:20

Erhi ro ru imwemwu ko ghwu Ọmọ sa re oja rẹ orukuruku rẹ ọsẹ-ẹ, eyẹ ọsẹ re ọja rẹ orukuruku rẹ ọmọ-ọ, ọvwata rẹ ọvwata ruru oma rọye ọ dia, umwemwu rẹ ohwo umwemwu ruru oma rọye ọ dia.

Izikiẹl 2:10

o da bẹre sa vwẹ, e de si isiesi phihọ obaro vẹ obuko rọye, e de si eta rẹ uvwerhe omaemuoho kugbe ekan phihọ.

Izikiẹl 24:14

Mẹvwẹ rẹ Ọrovwohwo ta nure; ọke de rhi te, ki mi ruo; mi gbi rhivwi kpo uko-o, mi che ju we vwo-o, mi che kurhẹriẹ-ẹ; ki mi gu ẹdjọ wẹ, kirobo rẹ idjerhe wẹn vẹ uruemu wẹn epha, eriyin Ọrovwohwo Ọghẹnẹ tare.

Izikiẹl 33:8

Ọ da dianẹ me ta kẹ ohwumwemwu, E ohwumwemwu na, wo ghine ghwu, wọ rha ta ota kẹ ohwumwemwu na rọ da rhẹriẹ nẹ idjerhe rọye-e, ohwumwemwu yena ko ghwu phihọ orukuruku rọye, ẹkẹvuọvo ke me nọ ekpẹn rẹ ọbara rọye vwẹ obọ wẹn.

Maika 3:4

Etiyin kẹ ayen che kperi se Ọrovwohwo ẹkẹvuọvo yọ cha kpahe kẹ aye-en; ko si opharo rọye nu kẹ ayen vwẹ ọke yena, fikiridie uruemu rayen pha miomiovwi.

Maika 7:13

Ẹkẹvuọvo ọto na kọ cha dia ofefe fiki re ihwo re dia, fiki rẹ emamọ rẹ uruemu rayen .

Ukeri 32:23

Ẹkẹvuọvo we rhe ru ọtiọye-e, nighere, yu we ru umwemwu kpahe Ọrovwohwo; jo mu we ẹro nẹ umwemwu wẹn ọvo che tu we phia.

2 Kọrẹnt 5:10

Kidie avwanre na ejobi che mudia vwẹ obaro rẹ ekete rẹ ẹdjọeguo ri Kristi, ọtiọye na ohwo ọvuọvo kọ cha reyọ osa rẹ iruo rọ vwẹ ugboma rọye ru, owenẹ oyovwi eyẹ omiovwi.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.

Iguẹdjọ 9:57

je ọtiọye na Ọghẹnẹ vwọ hwosa re umwemwu rẹ ihwo ri Shikẹm ejobi ruru vwọ kẹ ayen kugbe iyori ri Jotam ọmọ ri Jerubbaal duvwuru da sẹ vwẹ uyovwi rayen.