Aizaya 3:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Ta kẹ evwata nẹ oyovwi kẹ ayen, fikiridie ayen cha re emamọ rẹ uruemu rayen

Aizaya 3:10 ပူးပေါင်းရင်းမြစ်များ

Jẹnẹsis 18:25

A gha e se ru emu ọtiọye-e, rẹ e vwo hwe evwata kugbe iruimwemwu, re evwata vwọ họhọ iruimwemwu, A sa mrẹ-ẹ; Obrorhiẹ rẹ akpọ na rhe se ru obo re gbare?

Une rẹ Ejiro 58:11

Ihwo ke cha ta, Uyota osa ghene herọ kẹ ọvwata; uyota o vwo Ọghẹnẹ ro guẹdjọ vwẹ akpọ na.

Ẹyano 1:20

Fiki rẹ ọtiọye na Ọghẹnẹ da vwẹ ẹro te irhere na; ihwo na de bu phiyọ ayen da rha gan phiyọ.

Isẹ 10:6

Ebruba kẹ uyovwi rẹ ọvwata, ẹkẹvuọvo ugbunu rẹ ohwo umwemwu siẹ ozighi nẹ.

Isẹ 12:14

Ota esiri rẹ ohwo esiri tare vọn ohwo evun, obo rẹ ohwo ruru rhoma bro cha.

Isẹ 13:21

Uyovwiemiovwo vwo tua iruimwemwu, ẹkẹvuọvo oruimwemwu kon koko kẹ ọvwata.

Isẹ 18:21

Ughwu vẹ arhọ hẹ evun rẹ ogangan rẹ ẹrẹnvwe, ihwo re guọnerọ ke cha re emamọ rọye.

Aghwoghwo 8:12

Owenẹ, oruimwemwu ru umwemwu abọ ujori yo ghwẹ-ẹ, dede na me riẹnre nẹ o che yovwi kẹ ihwo re djẹ oshọ rẹ Ọghẹnẹ fikiridie ayen djẹ oshọ vwẹ obaro rọye;

Aizaya 54:17

orọvwọ re duvwu vwọ so owẹ se yovwi-i, ku wo gbe ota phihọ unu kunu ro vrẹn vwọ so owẹ vwẹ ẹdjọ. Ọnana kọ dia ughwẹ re idibo rẹ Ọrovwohwo kugbe ase rẹ ayen cha re vwẹ obọ mẹ, eriyin Ọrovwohwo tare.

Jerimaya 15:11

Jọ dia ọtiọye, E Ọrovwohwo, ọ da dianẹ me rẹ wẹ vwi fiki rẹ erhuvwu raye-en me rha rẹ wẹ vwọ ke ayen fiki rẹ ivwighrẹ vwẹ oke rẹ ukpokpogho!

Jerimaya 21:14

Obo rẹ omamọ rẹ iruo rẹ ovwan teri mi che ru ovwan dja te, eriyin Ọrovwohwo tare, Mi che koko erhanre phihọ aghwa rọye, kọ cha torhẹ emu rọ yarierẹ phihọ ejobi.

Jerimaya 22:15

Wo roro nẹ wẹ ovie fikiridie wọ dia uwevwi ri igedu? Ọ dianẹ ọse wẹn re ria je da, yẹ o brorhiẹ ọsoso vẹ ọ rẹ ọvwata? Kẹsiẹye o ki yovwi kẹ.

Jerimaya 7:23

Ẹkẹvuọvo urhi nana me vwọ kẹ ayen, Nyo urhuru mẹ, ke me dia Ọghẹnẹ kẹ ovwan, ovwan ke dia ihwo mẹ, rere wa yan vwẹ idjerhe ejobi ri mi dje kẹ ovwan rere o vwo yovwi kẹ ovwan.

Izikiẹl 18:20

Erhi ro ru imwemwu ko ghwu Ọmọ sa re oja rẹ orukuruku rẹ ọsẹ-ẹ, eyẹ ọsẹ re ọja rẹ orukuruku rẹ ọmọ-ọ, ọvwata rẹ ọvwata ruru oma rọye ọ dia, umwemwu rẹ ohwo umwemwu ruru oma rọye ọ dia.

Izikiẹl 9:4

Ọrovwohwo da ta kẹ, Yan wan uherevie rẹ orere na, wan uherevie ri Jerusalẹm, re wọ ka oka phihọ arhare rẹ ihwo re fiọn unu kugbe ihwo ri dirhivwẹ vwi fiki rẹ ẹgua re gberi vwẹ evun rọye.

Maika 7:13

Ẹkẹvuọvo ọto na kọ cha dia ofefe fiki re ihwo re dia, fiki rẹ emamọ rẹ uruemu rayen .

Zẹfanaya 2:3

Guọnọ Ọrovwohwo na, ovwan ihwo dẹndẹn re dia otọ na, re yọnrọ irhi rọye, guọnọ ovwata, guọnọ omaevwokpotọ; ọkeọvo se se si we nu vwẹ ẹdẹ rẹ ophu rẹ Ọrovwohwo na.

Malakae 3:18

Ọke yena re kẹ ovwan che vughe ofẹnẹ rọ hẹ ohri rẹ ọvwata vẹ oruimwemwu, vwẹ uvwre rẹ ohwo rọ ga Ọghẹnẹ vẹ ọ ro jẹ ẹga.

Iyẹnrẹ Esiri ri Luk 19:19

Ọ da ta kẹ, ku wọ cha re vwẹ enu rẹ irere iyori.

Urhi Rivẹ 12:25

Wọ riọ-ọ, rere o vwo yovwi kẹ wẹ, vẹ emọ re cha vwẹ obuko wẹ, vwẹ ọke wo de ru obo ri shehọ vwẹ obaro rẹ Ọrovwohwo.

Hibru 6:10

Kidie Ọghẹnẹ dia orharhe rẹ ohwo ro jẹ iruo esiri kugbe ẹguọnọ rẹ ovwan vwo kẹ odẹ rọye ẹkarohọ, ri we ru kẹ ihwo efuanfon na fiki rọye, kirobo rẹ ovwan ji ruẹ na.