Aizaya 29:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ru oma wẹn phihọ ẹkpa ru wọ dia mimi, rhu ẹro wẹn ru wo rhuẹro. Jẹn oma mu we, ẹkẹvuọvo ọ dia udi-i, gele, ẹkẹvuọvo ọ dia ọ rẹ udi ọganga-an.

Aizaya 29:9 ပူးပေါင်းရင်းမြစ်များ

Aizaya 1:2

Nyo, E Idjuvwu, kerhọn, E akpọ, fikiridie Ọrovwohwo tanure, Mi vwiẹ emọ me da yọnrọn ayen ghwẹro, ẹkẹvuọvo ayen de rhi mu kpahe ovwẹ.

Aizaya 19:14

Ọrovwohwo phi erhi rẹ ọguọgua erhi rẹ ozighi; ọ da nẹrhẹ Ijipt gele vwẹ idjerhe rọye ejobi kirobo rẹ ọdaidi gele vwẹ ekpakpa rọye.

Aizaya 29:1

E Ariẹl, Ariẹl, wẹ orere ri Devid muerhọn phihọ na! vwẹ ukpe ba ukpe; jẹn orẹ na rhe vwẹ ọke rọye.

Aizaya 29:10

Kidie Ọrovwohwo ku erhi rẹ okpovwerhẹ ku we, o ki rhe rhurhu ẹro rẹ ovwan rẹ emraro na, o rhurhu iyovwi rẹ ovwan rẹ ọmrẹ na.

Aizaya 49:26

Mi ru otu ri shenyẹ wẹn vwọ re uvwo rẹ omobọ rayen, ọbara rẹ omobọ rayen ko che mu ayen kere udi. Etiyin ihwo ejobi ke riẹn nẹ Mẹvwẹ Ọrovwohwo Osivwi wẹn, Ọtan wẹn, Ọgba Ọvuọvo ri Jekọp.

Aizaya 51:17

Jẹjẹ oma wẹn, Jẹjẹ oma wẹn, Vrẹn mudia, E Jerusalẹm, we rọ da evun vọn vwẹ obọ rẹ Ọrovwohwo uko re ophu rọye, rọ darọ da ekete udjokpo re egele na.

Aizaya 56:10

Erhẹrẹotọ rọye rhuẹro, ayen ejobi vwo erianriẹ-ẹn, ayen ejobi eranko ri diunu, ayen sa gbọ-ọ; ayen shevwerhẹ, re vwerhe evwerhẹ, ovwerhe ayen guọnọ. ovwerhe ayen guọnọ.

Aizaya 6:10

Ru udu rẹ ihwo nana vwo ọkpan, re erhọn rayen di, rhurhu ẹro rayen, ayen da vwẹ ẹro rayen mrẹ orẹ, ayen da vwẹ erhọn rayen nyo ẹme, ayen da vwẹ udu rayen vughe, ayen de kurhẹriẹ e de sivwi ayen.

Aizaya 63:6

Mi chiyi ihwo na muotọ vwẹ ophu Mẹ, Me da vwẹ udi hwe ayen vwẹ ophu Mẹ, Mi de ku ọbara rẹ arhọ rayen ku otọ.

Jerimaya 13:13

Ku wọ ta kẹ ayen, Enẹ Ọrovwohwo tare: Nighe, idi che muẹ ihwo rẹ otọ na ejobi, ivie ri tidia vwẹ ekete ri Devid, irherẹn, emraro, vẹ ihwo ri Jerusalẹm ejobi.

Jerimaya 2:12

Jẹn ọnana gbe we unu, E idjuvwu, kpogho, ovwan ẹdia ofefe kakare eriyin Ọrovwohwo tarẹ,

Jerimaya 23:9

Vwọ kpahe emraro na: Udu mẹ guọghọre vwẹ evun me, ibeku mẹ ejobi kpoghori, Me họhọ ohwo rọ da udi rhe họhọ ohwo rẹ udi muẹ fiki rẹ Ọrovwohwo na kugbe fiki rẹ eta efuanfon rọye.

Jerimaya 25:27

Kẹsiẹye wọ ke ta kẹ ayen, Enẹ Ọrovwohwo rẹ otuofovwi na, Ọghẹnẹ rẹ Izrẹl tare, Wa da re idi mu ovwan we geri, we she we gbi vrẹn ofa-a, fiki rẹ ọlọkọ re me vwọ cha ọhri rẹ ovwan na.

Jerimaya 4:9

Vwẹ ẹdẹ yena, eriyin Ọrovwohwo tare, udu che nẹ ovie vẹ isun na awọ, oshọ cha vọn irherẹn oma ro de gbe emraro na unu.

Jerimaya 51:7

Babilọn uko rẹ oro vwẹ obọ rẹ Ọrovwohwo jovwo, o da nẹrhẹ idi mu akpọ na ejobi; ẹgborho na da da wain rọye, ọtiọye na ẹgborho na da mwo orhuẹ.

Uvwerhe 4:21

Ghọghọ re oma vwerhe owẹ, E emetẹ rẹ Idọm, ovwan re dia otọ rẹ Uz; ẹkẹvuọvo uko na je cha wan ovwan vrẹn; idi ki che mu ovwan kẹ ovwan cha ban phihọ.

Habakọk 1:5

Ni ohri rẹ ẹgborho na, re wọ mrẹ; jo gbe we unu re ofu dje we. Kidie mi re ru iruo vwẹ ọke wẹn ra da ta kẹ wẹ wọ che segbuyota-a.

Matiu 26:45

Ọ da rhoma bru idibo na rhe, ọ da ta kẹ ayen nẹ, Wa gba vwerhẹ we rovwoma; nighe ọke na tere, a shẹ ọmọ rẹ ohwo kẹ iruimwemwu nure.

Iyẹnrẹ Esiri ri Mak 14:41

Ọ da rhe obọ rerha, ọ da ta kẹ ayen, Ovwan gba vwerhẹ, ovwan gbe rovwo oma, o tere; ọke na tere; nighe, a vwẹ Ọmọ rẹ ohwo re odọvwe kẹ iruimwemwu nure.

Ẹvwọphia 17:6

Me da mrẹ aye na, rẹ ọbara rẹ ihwo efuanfon muẹ kerẹ udi kugbe ọbara rẹ ihwo re hweri fiki ri Jesu. Ọke re me vwọ mrẹ o de gbe vwe unu gangan.