Aizaya 29:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ Vwẹ ẹdẹ yena idierhọn ki che nyo eta rẹ ọbe, vwẹ evun rẹ oma emuophihọ kugbe ebri rayen ẹro rẹ orhuẹro cha mrẹ.

Aizaya 29:18 ပူးပေါင်းရင်းမြစ်များ

Une rẹ Ejiro 119:18

Rhie ẹro mẹ, rere me vwọ mrẹ imu re igbunu vwe evun rẹ urhi wẹn.

Isẹ 20:12

Orhọn ro nyo ẹme kugbe ẹro ro mrorẹ, Ọrovwohwo ọvo re ma ayen ivẹ na.

Aizaya 29:24

Otu ri ghwruru vwẹ erhi ki che vwo eruọ, otu ri guẹ huhuhu ke cha rhọvwe uyono.

Aizaya 32:3

Ọke yena ẹro re ihwo re mrẹ gbi se rhurhu-u kugbe erhọn ri nyoro ke kerhọn.

Aizaya 35:5

Etiyin ẹro rẹ orhuẹro ko rhie, erhọn rẹ odierhọn ko phẹ ghwroro,

Aizaya 42:19

Kono ri rhuẹro jokpa rẹ odibo Me, eyẹ ono ri dierhọn kere ọyinkọn Mẹ ri mi ji uwevwi? Ono ri rhuẹro kerẹ ohwo ri mi ru fon na, eye ọ ro rhuẹro kere odibo rẹ Ọrovwohwo?

Aizaya 42:7

rere o rhie ẹro ri rhuru, rọ reyọ ihwo re muru nẹ uwodi rhe, rọ reyọ ihwo re hẹ evun rẹ ebri rhe.

Aizaya 43:8

Reyọ ihwo ri rhuẹro, dede na yi vwo ẹro, ri dierhọn, dede na yi Vwo erhọn.

Daniẹl 12:4

Ẹkẹvuọvo wẹ, Daniẹl, rhurhu eta na, ko ọbe na gbe, bẹsiẹ rẹ ọke rẹ oba na vwo te. Ihwo buebu cha djẹ rhe djẹ kpo, erianriẹn che bu phihọ.

Matiu 11:5

orhuẹro mrẹ orẹ, okpolo yanre, ehonvwoti e sivwi ayen, idierhọ nyo ẹme, irivwi vrẹre, iyẹnrẹ esiri na eghwoghwiro kẹ igbere.

Matiu 16:17

Jesu da kpahe ta kẹ nẹ, Ebruba kẹ wẹ Saimọn omo ri Jona; kidie ugboma eyẹ ọbara djere kẹ wẹ-ẹ, jokpa rẹ ọsẹ mẹ rọ hẹ obo odjuvwu.

Iyẹnrẹ Esiri ri Mak 7:37

O de gbe ayen unu vrẹn, ta nẹ, O ru emu ejobi yovwi, o ru odierhọn nyo ẹme, o ru idi ta ota.

Iyẹnrẹ Esiri ri Luk 4:18

Erhi rẹ Ọrovwohwo ọ hẹ oma mẹ, fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere. O ji vwe rhi ghwoghwo obọesiono kẹ ighuvwu Orẹmrẹ kẹ otu ri rhuẹro, ufuoma ke otu re shenyẹ,

Iyẹnrẹ Esiri ri Luk 7:22

Ọ da kpahe kẹ ayen, Yanran wa ra vuẹ Jọn obo rẹ ovwan mrẹre kugbe obo rẹ ovwan nyori. irhuẹro mrẹ orẹ, ikpono yanre, ihunvwoti e sivwi ayen, idierhọn nyẹme, a rhọvwọ irivwi, e gbe ikun esiri na ke ivwiogbere.

Iyẹnrẹ Esiri ri Jọn 6:45

E siro phihọ ọbe rẹ emraro na nẹ, Ọghẹnẹ ọvo ko che yono ayen ejobi. Kohwo kohwo ro nyori ro de yono mie Ọsẹ na ko bru uvwe rhe.

Iyẹnrẹ Esiri ri Jọn 9:7

ọ da ta kẹ, Yanran, ra họ vwẹ ẹtẹrhe si Sailom (otọ rọye Ejo). Ọtiọye ọ da yanran ra họ ọ da rhe ọ da mrẹ orẹ.

Iruo rẹ Iyinkọn na 26:18

Wo che rhie ẹro rayen, rere ayen kurhẹriẹ nẹ ebri kpo urhukpẹ vwo nẹ ogangan rẹ Idẹbọnọ vwo bru Ọghẹnẹ, rere ayen mrẹ evwoghovwo rẹ imwemwu kugbe ẹdia vwẹ ohri rẹ ihwo rẹ esegbuyota ru fon vwẹ evun mẹ.

Ẹfesọs 5:14

Vwẹ ọtiọye na kọye ọ vwọ ta, We rọ vwerhẹ, rhọvwọ, ọ ro ghwuru, varhe, Kristi kọ kẹ wẹ orẹmrẹ.

Urhi Rivẹ 29:4

ẹkẹvuọvo rhi te nonẹ na Ọrovwohwo je kẹ ovwan iroro re vwo vughe-e, eyẹ ibiẹro ra vwọ mrẹ-ẹ, eyẹ erhọn re vwo nyo-o.

1 Pita 2:9

Ẹkẹvuọvo ovwan uvwiẹ ra jẹreyọ, uvwiẹ rẹ irherẹn, ẹgborho ọfuanfon, ihwo robọ rẹ Ọghẹnẹ, rere ovwan vwo se dje iruo rẹ igbunu rẹ ohwo ro se ovwan nẹ ebri rhe vwo kpo urhukpẹ rẹ igbunu rode na.

Ẹvwọphia 3:18

Kọye mi vwo dje aghwanre kẹ wẹ nẹ dẹ oro rọ epha wrowro mie vwe, re wo fe; kugbe ewun ọfuanfon wo ku phihọ rere wo rhurhu ẹban wẹ re oma vwo jẹ uwe ẹvuọ, rere wọ rhọghọ ẹro wẹn, re wọ mrorẹ.