Aizaya 29:13 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹³ Ọrovwohwo na da ta: Fikiridie ihwo nana vwẹ ugbunu rayen si kẹre ovwẹ ayen da vwẹ ẹbẹrunu rayen mu ọghọ kẹ vwẹ, yẹ udu rayen sheri kẹ vwẹ, oshọ mẹ rayen djẹ da dia urhi rẹ ihwo rẹ akpọ re erianriẹ rẹ ayen yono phihọ uyovwi;

Aizaya 29:13 ပူးပေါင်းရင်းမြစ်များ

Une rẹ Ejiro 17:1

Nyo ẹdjọ rọ unu mẹ, E Ọrovwohwo, kerhọn rẹ oviẹ mẹ! Kerhọn rẹ ẹrhovwo mẹ ro nẹ ẹbẹrunu ro vwo ọphiẹvwe-e cha!

Une rẹ Ejiro 50:16

Ẹkẹvuọvo vwọ kẹ oruimwemwu Ọghẹnẹ tare nẹ: Didi ogangan wọ vwọ sen iji mẹ re wọ vwọ vwe unu te ọphọ mẹ?

Isẹ 30:6

Wo phiẹba eta rọyẹ-e, Ọ da rha ghwọ ku we, ku wọ cha dia ọvwọnrofian.

Aizaya 10:6

Orere ro jẹ Ọghẹnẹ ẹriẹn mi ji ro ra ihwo rẹ ophu rẹ ayen mu vwe me vuẹ rẹ na rọ reyọ emuọre re gborho ekuakua, re chiyi ayen pẹtẹ pẹtẹ kerẹ ibehre rẹ irhuvwu.

Aizaya 29:1

E Ariẹl, Ariẹl, wẹ orere ri Devid muerhọn phihọ na! vwẹ ukpe ba ukpe; jẹn orẹ na rhe vwẹ ọke rọye.

Aizaya 29:12

Ọke ra da rha reyọ ọbe na kẹ ohwo ro se se-e, tanẹ, Se ọbe nana, o da ta, Mi se se-e.

Aizaya 30:11

ji idjerhe na vwo, gbobọnyẹ idjerhe na, wo gbi jẹn avwanre nyo ota rẹ Ọfuanfon Ọvuọvo rẹ Izrẹl na ọfa-a.

Aizaya 42:25

Etiyin o de ku ọtotorhe rẹ ophu rọye kuo kugbe ẹgba rẹ ofovwi rọye, ọ da vwe erhanre riarie phihọ, ẹkẹvuọvo yo riẹnre-e, ọ torhẹre, ẹkẹvuọvo ayen se roro mrẹ-ẹ.

Aizaya 63:17

E Ọrovwohwo, die wọ vwọ nẹrhẹ avwanre ghwru nẹ idjerhe wẹn, wo vwo ru udu re avwanre gan, me vwo je oshọ wẹn edje? Rhoma fiki rẹ idibo wẹn, uvwiẹ rẹ uku wẹn.

Jerimaya 12:2

Wọwẹ re kọn ayen, ayen de mu; ayen rhoro ayen da mọ ibi, wo sikẹrẹ ayen vwẹ unu rayen wo de sheri kẹ udu rayen.

Jerimaya 3:10

Yi Juda rẹ oniọvo rẹ ofian rọye na se rhivwi bru vwe rhe vẹ udu rọye ejobi-i, omeru ọ epha, eriyin Ọrovwohwo tare.

Jerimaya 42:20

nẹ wa da yan ghwru arhọ rẹ ovwan ko nene. Kidie we ju vwe bru Ọrovwohwo Ọghẹnẹ rẹ ovwan, nẹ, Nẹ ẹrhovwo kẹ Ọrovwohwo Ọghẹnẹ rẹ avwanre na kẹ avwanre, re wo ghwoghwo kẹ avwanre emu kemu rẹ Ọrovwohwo Ọghẹnẹ rẹ avwanre djeri avwanre ruo.

Jerimaya 5:2

Owenẹ ayen tanẹ, kirobo rẹ Ọrovwohwo herọ na yẹ ayen duvwu iyori rẹ efian.

Izikiẹl 14:1

Etiyin evo vwẹ ekpako rẹ Izrẹl na de bru vwe rhe, ayen de tidia vwẹ obaro mẹ.

Izikiẹl 33:30

Vwọ kẹ wẹ, ọmọ rẹ ohwo, ihwo wẹn ri si uyovwi koko ta ota kpahe owẹ vwẹ oma rẹ igbẹhẹ kugbe inurhoro rẹ iwevwi na, re ta kẹ ohwohwo, oniọvo kẹ oniọvo rọye tanẹ, yanrhe, re wo rhi nyo ota ro nẹ obọ rẹ Ọrovwohwo rhe.

Hosia 7:14

Ukpere rẹ ayen nẹ ubiudu bru vwẹ rhe-e, ẹkẹvuọvo ayen di beroma vwẹ enu rẹ ehwa rayen, fiki rẹ eka vẹ idi kọye ayen vwo mu eta ta, ayen mu kpahe ovwẹ.

Kolose 2:22

E de ru eravwọ etienana nu e ji ghwẹ kerẹ irhi vẹ iji rẹ ihwo rẹ akpọ

1 Samuẹl 15:30

Etiyin ọ da ta, Mi ru umwemwu; yi dede na bru ọghọ phihọ ovwẹ oma vwẹ irharo rẹ ekpako na kugbe ihwo mẹ Izrẹl, rere wọ vẹ ovwẹ rhivwi kpo, ra ga Ọrovwohwo Ọghẹnẹ wẹn.