Aizaya 28:22 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²² Asakiephana wọ gbe jehwẹ-ẹ, e de rhe si ifi wẹn gan, kidie mi nyo urhi rẹ ẹguọghọ ro nẹ obọ rẹ Ọrovwohwo Ọghẹnẹ rẹ otuofovwi na bru otọ na ejobi cha.

Aizaya 28:22 ပူးပေါင်းရင်းမြစ်များ

2 Ikun rẹ Ivie 30:10

Etiyin ighwoghwo na de nẹ orere kpo orere vwẹ Ifrem vi Manasse, rhiri re te Zẹbulọn; ẹkẹvuọvo a da hwẹ ayen viẹ, a da vwẹ ayen jehwẹ.

2 Ikun rẹ Ivie 33:11

Fiki rẹ ọtiọye na Ọrovwohwo da reyọ inotu rẹ unuofovwi rẹ Asiria ri vwo phi ayen, o mu Manasse a da vwẹ oghọre sa a da ghwẹ igoni rẹ ẹrovwo phihọ abọ e de muo kpo Babilọn.

2 Ikun rẹ Ivie 36:16

ẹkẹvuọvo kẹ ayen vwẹ ikọn rẹ Ọghẹnẹ na vwo jehwẹ, ayen mi ni ota rọye saka, ayen mi mienu phihọ emmro rọye, bẹsiẹ rẹ ophu rẹ Ọrovwohwo rhe vwọ tua kpahe ihwo rọye, bẹsiẹ ra gbe mrẹ obo re sa hẹrhẹ ophu rọye-e.

Une rẹ Ejiro 107:16

Kidie ọ bẹrẹ ẹchẹ rẹ ẹrovwo, o de vwirhi egbe re utehru na ibro ivẹ.

Ẹyano 8:25

Eriyin Fero de se Mosis vẹ Erọn, ọ da ta, Kpo, re ze izobo kẹ Ọghẹnẹ wẹn vwẹ evun rẹ otọ na.

Isẹ 19:29

Ohwo rọ jẹjefia ke bru hwe, Uphiaphiẹ a vwọ ta ota kẹ ugbuko rẹ ẹkpa.

Isẹ 29:1

Ohwo ra ghwọ kuẹ kọke kọke, yẹ udu rọye gan phihọ, che she kpregede e rhe che se sivwo-o.

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Aizaya 28:23

Kerhọn mẹ, wo nyo urhuru mẹ, kerhọn, wo nyo ota mẹ.

Jerimaya 15:17

Mi tidia vwẹ ukoko re otu re ghọghọ-ọ, me je ghọghọ-ọ; mẹvwẹ ọvo ri tidia, kidie obọ wẹn ọ he enu mẹ, kidie wẹ ghwa ophu vọn vwẹ evun.

Jerimaya 20:7

E Ọrovwohwo, wọwẹ re phiẹvwẹ, ọ da ghwa phiẹ vwẹ; wọwẹ re gan nọ vwẹ, wo de phi kparobọ. Mi hirhe phihọ emu rẹ ehwẹjẹ vwẹ ọke ejobi; ihwo ejobi ke hwẹ vwẹ.

Jerimaya 25:11

Otọ nana soso na che hirhe phihọ umiovwo kọ dia ofefe, irere nana cha ga ovie ri Babilọn ikpe ujorha gbẹ ihwe.

Jerimaya 36:23

Jehudi ghwe se urhie erha eyẹ ẹne nu, ovie na da vwẹ aphia bru ayen no phihọ erhanre rọ hẹ enyerhanre na, bẹsiẹ rẹ ọbe na ejobi vwo ton vwẹ evun rẹ erhanre na.

Jerimaya 39:7

O de phre ibiẹro ri Zẹdikaya no, ọ da vwẹ ejọnrọn gba, ayen de muo kpo Babilọn.

Uvwerhe 1:14

Ogbeku mẹ da họhọ urhekpe ra gba mu vwe, obọ rọye a vwọ gba koko; e de mu ayen nyẹ ohọre mẹ; Ọ da nẹrhẹ ogangan mẹ lọhọ, Ọrovwohwo phi vwe hẹ abọ rẹ otu re gan nọ vwẹ.

Izikiẹl 22:14

Kẹ udu wẹn sa gba, eyẹ abọ wẹn sa gan vwẹ ẹdẹ re me vẹ owẹ da cha davwọ na? Mẹvwẹ Ọrovwohwo re tarọ, ki mi ruo gba.

Nahum 1:9

Die wa vwọ jẹ iroro umwemwu kpahe Ọrovwohwo? O che furhie re kakare, ọ cha reihri rẹ ivwighrẹ rọye wan obọvo-o.

Matiu 27:39

Ihwo re yan vrẹn mi mienu phihọ ayen mi kpogho uyovwi,

Matiu 27:44

Iji ra kare kugbe na da je vwọ jehwẹ rhe.

Iyẹnrẹ Esiri ri Luk 21:24

Ka vwẹ ọlọkọ nyavwe ayen she, ke mu ayen ighuvwn vwẹ ohri rẹ ẹgborho na; Keferi ki chiyi Jerusalẹm muotọ, bẹsiẹ rẹ ọke ri Keferi cha vwọ gba.

Iruo rẹ Iyinkọn na 17:32

Asakiephana rẹ ayen vwo nyo kpahe evrẹnushi rẹ irivwi, evo ke vwọ jehwe; ẹkẹvuọvo efa da ta, Avwanre cha rhoma nyo mie we kpahe emu nana.