Aizaya 28:21 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²¹ Kidie Ọrovwohwo che vrẹn kerẹ ọke rẹ Ugbenu ri Parazim, ophu ko muo kerẹ ọke rẹ iyara ri Gibeọn, ro vwo ru uruemu rọye–uruemu ọrhorha na! ro vwo ru iruo rọye–iruo ọrhorha na!

Aizaya 28:21 ပူးပေါင်းရင်းမြစ်များ

2 Samuẹl 5:20

Devid de kpo Baalperazim, etiyin Devid de phi ayen kparobọ; ọ da ta, Ọrovwohwo hra ivwighrẹ mẹ kerẹ ame ro ku asan. Fiki rẹ ọtiọye e de se odẹ rẹ etiyin na Baalperazim.

2 Samuẹl 5:25

Devid de ru obo rẹ Ọrovwohwo ta kẹ o de hwe Filistia ni Geha re te Gẹzer.

1 Ikun rẹ Ivie 14:11

Ọ da yanran kpo Balparazim, Devid de phi ayen kua vwẹ oboyi; Devid da ta, Ọghẹnẹ vwẹ ovwẹ guọghọ ivwighrẹ mẹ, kerẹ ọke rẹ ame eturu wan. Ọye o de se odẹ rẹ etiyin Balparazim.

1 Ikun rẹ Ivie 14:16

Devid de ru kirobo rẹ Ọghẹnẹ jẹ urhi kẹ na, ayen de hwe unuofovwi ri Filistia na ni Gibiọn re te Geza.

Une rẹ Ejiro 94:16

Ono ri vrẹn nene uvwe vwọ so ihwo umwemwu? Ono ri mudia kẹ vwẹ vwọ so ihwo ebrabra?

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Aizaya 28:19

Kọke kọke rọ vwọ wan vrẹn ejobi kọ vwẹ owẹ boma, kirhiọke kirhiọke ọ cha vwọ wan vrẹn, te ason te uvo, kọ dia oshọ rode ra vwọ riẹn otọ rẹ ovuẹ na.

Aizaya 29:14

fiki rẹ ọtiọye na, nighe, me cha rhoma vwẹ ihwo nana ru emu rẹ igbunu, emu rẹ igbunu rode, aghwanre rẹ ọvwaghwanre rayen na ejobi ke guọghọ, evughe rẹ ihwo re mrẹ emu vughe ejobi ke che sionu.

Aizaya 29:23

Kidie ọke rọ vwọ mrẹ emọ rọye, iruo re obọ mẹ, vwẹ uherevie rọye, kẹ ayen ru odẹ mẹ fon; ke ayen ru Ọfuanfon Ọvuọvo ri Jekọp na fon, ke ayen mudia vẹ udidi vwẹ obaro rẹ Ọghẹnẹ rẹ Izrẹl na.

Aizaya 64:2

kerẹ ọke re de koko erhanre phihọ ehẹbe re erhanre da nẹrhẹ ame họrhọ re ivwighrẹ wẹn vwọ riẹn odẹ wẹn, re ẹgborho na de kpogho vwẹ obaro wẹn!

Aizaya 65:7

orukuruku rayen kugbe orukuruku rẹ ese rayen kugbe, eriyin Ọrovwohwo tare; fikiridie ayen torhẹ egẹn vwẹ enu rẹ igbenu na ayen da van ku vwe vwẹ enu rẹ igbenu itete na, Me cha vwanvwe phihọ agada rayen osa re ọbo rayen ruru rhabae.

Jerimaya 30:14

Ovwan chọrọ ese rẹ ovwan ẹro; ayen gbe kerhọn rẹ ovwa-an; kidie me vwe ẹghwiẹ rẹ ọvweghrẹ ghwiẹ ovwan, ehwe rẹ ọvweghrẹ ro vwo aruẹdọ-ọ, fikiridie abe rẹ ovwan ọrhuarho, fikiridie imwemwu rẹ ovwan gbori gangan.

Uvwerhe 2:15

Otu re wan idjẹrhe na vrẹn ejobi da fa abọ kẹ owẹ, ayen fiunu ji kpogho uyovwi kẹ ọmọte ri Jerusalẹm, “Ọ nana tobọ hẹ orere re se nẹ erhuvwu rọ ghare na aghọghọ rẹ akpọ na ejobi na?”

Uvwerhe 3:33

Kidie ọ di mu ohwo ọvuovo lagha-a eyẹ ọ nẹrhẹ ophu di muẹ emọ rẹ ihwo-o.

Izikiẹl 33:21

Vwẹ ikpe rihwivẹ rẹ imu rẹ avwanre, vwẹ emeranvwe rẹ ihwe, vwẹ ẹdẹ riyori rẹ emeranvwe na, ohwo ọvo rọ djẹ vabọ nẹ Jerusalẹm rhe de bru vwe rhe tanẹ, Orere na sheri.

Habakọk 1:5

Ni ohri rẹ ẹgborho na, re wọ mrẹ; jo gbe we unu re ofu dje we. Kidie mi re ru iruo vwẹ ọke wẹn ra da ta kẹ wẹ wọ che segbuyota-a.

Joshua 10:10

Ọrovwohwo da djẹ uguegue phihọ ayen oma vwẹ obaro rẹ Izrẹl, e de hwe ayen buebu vwi Gibeọn, a da djẹ ayen wan idjerhe rẹ ọghwrọrọ ri Bethọrọn e de hwe ayen rhiri re te Azekah vi Makedah.

Joshua 10:11

Rẹ ayen vwọ djẹ nẹ obọ rẹ Izrẹl na, rẹ ayen vwọ djẹ nene ọghwrọrọ ri Bẹthọrọn, Ọrovwohwo de si eragha ride nẹ enu rhe ri she teye ayen rhiri rhi te Azekah, ayen de ghwu; e rẹ osio rẹ ibieragha na hweri bu vrẹn e rẹ ihwo rẹ Izrẹl na vwẹ ọlọkọ hwe.

Joshua 10:12

Eriyin Joshua da ta ota kẹ Ọrovwohwo vwẹ ọke rọ vwọ vwẹ ihwo rẹ Amọr kẹ Izrẹl hwe nu; ọ da ta vwẹ obaro rẹ Izrẹl ejobi. Ọnre, mudia gbiei vwi Gibeọn, wẹ rẹ emeranvwe vwẹ iyara ri Aijalọr.