Aizaya 28:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Kọke kọke rọ vwọ wan vrẹn ejobi kọ vwẹ owẹ boma, kirhiọke kirhiọke ọ cha vwọ wan vrẹn, te ason te uvo, kọ dia oshọ rode ra vwọ riẹn otọ rẹ ovuẹ na.

Aizaya 28:19 ပူးပေါင်းရင်းမြစ်များ

Ivie rẹ Ivẹ 17:6

Vwẹ ukpe rirhiri ri Hoshea ovie rẹ Asiria de mu Sameria, ọ da kua ihwo rẹ Izrẹl kpo Asiria, ọ da ghwa ayen phihọ Hala, kugbe Habo, urhie ri Gozan, kugbe evun rẹ irere rẹ ihwo ri Mid.

Ivie rẹ Ivẹ 18:13

Vwẹ ukpe rihwẹne rẹ Ovie Hẹzikaya Senakarib ovie rẹ Asiria da rhe re họnre irere ri Juda ejobi ra gba ogba yariẹ ọ da reyọ ayen.

Ivie rẹ Ivẹ 21:12

Fiki rẹ ọtiọye na enẹ Ọrovwohwo Ọghẹnẹ rẹ Izrẹl na tare, Nighe, Me vwẹ umiovwo rode cha Jerusalẹm vi Juda, erhọ rẹ ohwo kohwo ro nyoro ko che shegbe.

Ivie rẹ Ivẹ 24:2

Ọrovwohwo de ji ihwo ri Kaldia vẹ ihwo ri Siria vẹ Moab kugbe ihwo rẹ Ammọn ne ra họnre Juda rere ayen ghwọrọ, kerẹ ota rẹ Ọrovwohwo rẹ odibo rọye emraro na tare.

ỌBE RẸ JOB 18:11

Uguegue muro vwi kabọ kabọ, ke vwọ tua.

ỌBE RẸ JOB 24:17

Kidie okuku rode na ọye irhiọke kẹ ayen ejobi; kidie ayen ugbeyan rẹ obo ri muoshọ vwẹ ebri hwi na.

ỌBE RẸ JOB 41:9

Nighe, obo rẹ ohwo phiẹro phihọ ọye re phiẹn, oma me ghwrọrọ vwẹ ọke rọ da kparo mrẹ.

ỌBE RẸ JOB 6:4

Kidie edada rẹ Ọrovwoẹgba chọrọ ovwẹ oma; erhi mẹ da da obi rayen; uguegue rẹ Ọghẹnẹ hwahọ hẹrhẹ ovwẹ.

Une rẹ Ejiro 55:4

Udu mẹ kọ de dja vwẹ heri heri vwẹ evun mẹ, oshọ rẹ ughwu rhi she kpahe ovwẹ.

Une rẹ Ejiro 88:15

Ukpokpogho ro bi kẹrẹ ughwu mi epha nẹ ọke emọ mẹ rhe, Me re oja rẹ oshọ wẹn; me pha ghwrọghọ.

Aizaya 33:7

Kighe ihwo ri yivwaro re bunu vwe obo otafe, iyinkọn rẹ ufuoma ra viẹ gangan.

Aizaya 36:22

Etiyin Eliakim rẹ ọmọ ri Hilkaya, rọ dia onotu rẹ evwruwevwi na, kugbe Shebna rẹ osiẹbe, kugbe Joah rẹ ọmọ rẹ Asaf, rẹ okeri, de bru Hẹzikaya rhe vẹ emwa ebẹbẹre ayen da vuẹ eta ejobi ri Rabshekeh tare.

Aizaya 37:3

Ayen da ta kẹ, Enẹ Hẹzikaya tare, Nonẹ na ẹdẹ rẹ ivuemiovwo rode, ọ rẹ ekan, kugbe ophọphọvwe; unwe rẹ ọmọ o phire, ẹkẹvuọvo ogangan ra vwọ chuẹ uvwiẹ herọ-ọ.

Aizaya 50:4

Ọrovwohwo Ọghẹnẹ kẹ vwe ẹrenvwe rẹ ihwo re yonori, rere Me vwo riẹn obo ra sa vwẹ ota yọnrọn ohwo rẹ oma rhọ Irhiọkẹ kirhiọkẹ o vwo vrẹn, ọ rhọvwọ erhọn mẹ rọ vwo nyo kere ihwo re yonori

Jerimaya 19:3

Wọ me tanẹ, Nyo ota rẹ Ọrovwohwo na, E ivie ri Juda kugbe ihwo re dia Jerusalẹm, Enẹ Ọrovwohwo rẹ ofovwi na tare, Ọghẹnẹ rẹ Izrẹl, Nighe, me ghwa umiovwo cha etinẹ na rẹ erhọn kerhọn ro nyoro ejobi de shegbe.

Jerimaya 4:5

Do vwi Juda, wo ghwoghwo vwi Jerusalẹm, tanẹ, Hworo owanre wan otọ na duvwu, kperi gangan tanẹ, Ghwẹ oma koko, wo jẹn avwanre yanran kpo irere ra gba ogba riariẹ na.

Jerimaya 4:9

Vwẹ ẹdẹ yena, eriyin Ọrovwohwo tare, udu che nẹ ovie vẹ isun na awọ, oshọ cha vọn irherẹn oma ro de gbe emraro na unu.

Jerimaya 6:24

Avwanre nyo ikun rọye, abọ re avwanre ke ghwrọghọ odjadja te avwanre unu, odjadja kerẹ aye rọ chuẹ uvwiẹ.

Uvwerhe 2:22

Wọwẹ ri se avwanre kpo ẹdorẹ re bruru uguegue vwi kabọ kabọ; vwẹ ẹdẹ rẹ ophu rẹ Ọrovwohwo ohwo ọvuọvo sa vabọ-ọ eyẹ ke sa rhọ-ọ, Ayen otu re me fẹnre re me ghẹre ivwighrẹ mẹ mie vwe ghwọrọ.

Daniẹl 7:28

Ọnana ọye oba rẹ ota na. Vwọ kẹ vwẹ ri Daniẹl, iroro mẹ da nabọ djẹ oshọ mu vwe, ophiẹn mẹ da rhẹriẹ; ẹkẹvuọvo mi de phi ota na phihọ evun mẹ.

Daniẹl 8:27

Etiyin Mẹvwẹ ri Daniẹl oma da ghwọrọ ovwẹ me da mwọga vwẹ ọmọke, etiyin mi de vrẹn kpo iruo rẹ ovie; ẹkẹvuọvo emramrẹ na de gbe vwẹ unu mamọ, me gbe rha riẹn otọ rọye-e.

Habakọk 3:16

Mi vwo nyo, oma me kọ phariẹ, ẹbẹrunu mẹ ko muẹ phariẹ; ibeku mẹ ki di muẹ gbo, awọ mẹ ki di muẹ phariẹ. Mi mudia gbiẹi herhẹ ẹdẹ rẹ ukpokpogho che vwo she vwa ihwo re kparẹ ofovwi bru avwanre rhe.

1 Samuẹl 3:11

Etiyin Ọrovwohwo da ta kẹ Samuel, Nighe, mi che ru emu vwẹ lzrẹi na, rẹ erhọn rẹ ohwo kohwo ro nyoro ko che shegbe.