Aizaya 28:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Ki mi ru usi na dia ọsoso ọvwata ke rha he ovwanvwọn na, ogiribo ko che hwerhe odjahọ rẹ efian na kufia, ame ko che phoro urhurho na.

Aizaya 28:17 ပူးပေါင်းရင်းမြစ်များ

Ivie rẹ Ivẹ 21:13

Ke me cha riẹn nene Jerusalẹm ovwanvwọn re me vwọ vwanvwe Sameria kugbe ubiurhe re me vwọ ma uwevwi rẹ Ehab; ki mi ririe Jerusalẹm kirobo re ririe ọsete, mi ririe me me bọvwọ ruotọ.

ỌBE RẸ JOB 22:16

E fru ayen reyọ tavwe rẹ ọke rayen ki te; e ghwie uchivwọ rayen kufia.

Une rẹ Ejiro 94:15

Kidie ọsoso che rhivwi bru ọvwata rhe, ihwo re dia ọsoso vwẹ udu ejobi ki nene.

Aizaya 10:22

Owene ihwo wẹn Izrẹl mi bun kerẹ ehavwo re urhie, umuku rayen ọvo ri che rhivwi. E bru ẹdẹ rẹ ẹghwọrọ nure, rọ mwavwa hwẹ vẹ ọvwata.

Aizaya 25:4

Kidie wẹ hẹ odjahọ ọgangan kẹ ivwiogbere, odjahọ ọgangan kẹ otu rọ bẹn re hẹ ukpokpogho, odjahọ nẹ ogiribo ophie nẹ oheri, kidie ovan rẹ ohwo ogbarogba họhọ ogiribo rọ teyọ igbẹhẹ,

Aizaya 28:15

Fikiridie wọ tare, nẹ, Avwanre vẹ ughwu re ọphọ, avwanre vẹ ushi churobọ, ọke rẹ ọtiekọ na da cha wan vrẹn na, o gbi che bru avwanre rhe-e, kidie avwanre vwẹ efian ru odjahọ rẹ avwanre, vwẹ otọ rẹ efian kẹ etiyin avwanre de si oma nu,

Aizaya 28:2

Nighe, Ọrovwohwo na vwo ọvo rọ dia ọgba rọ ganre; kerẹ ogiribo rẹ osio rẹ elalọ aphopho rọ ghwọrọ, kerẹ aphopho rode, ame ro kuẹ reghe reghe, gidi gidi na ọ cha vwọ ghwiotọ.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

Aizaya 30:28

ẹnwen rọye kẹrẹ utọ ro ko phoro ro rhi re ohwo te ohọre; ro che phorhi ẹgborho kpo ẹghwọrọ, kọ cha gba urhe mu unu re ihwo na re o sun ayen ghwru.

Aizaya 32:2

Ovuọvo ko dia kere asan odjahọ vwọ ke aphọpho, Urhurho vw ọ ọke re ọgiribọ, kere uto re ame vwe otọ oyaya, kerẹ uhoho re oragha rode vwe otọ ophephe

Aizaya 5:16

Ẹkẹvuọvo Ọrovwohwo rẹ otuofovwi na kọye ọvo a kpare kpenu vwẹ ọsoso, Ọghẹnẹ Ọfuanfon na kọ vwẹ oma rọye phia ọfuanfon vwẹ ọvwata.

Aizaya 61:8

Kidie Mẹvwẹ Ọrovwohwo guọnọ ọsoso, uji echo vẹ oruchọ tu vwe oma, Me vwẹ evun esiri kpẹvwẹ ayen ẹse, Me ve ayen ke re ọphọ re rara.

Jerimaya 19:7

Vwẹ etinẹ na me da hra iroro ri Juda vẹ iroro ri Jerusalẹm, ki mi ru ihwo rayen re ọlọkọ hwe ayen vwẹ obaro rẹ ivwighrẹ rayen, vwẹ obọ rẹ otu re guọnọ arhọ rayen hwe. Me cha vwẹ irivwi rayen ru emuọre kẹ emephran rẹ obenu na kugbe eranvwe rẹ aghwa na.

Jerimaya 23:19

Nighe, ogiribo rẹ Ọrovwohwo! Ophu rọye ro otafe re, ọdju rode; ọ cha enu rẹ iriumwemwu na.

Jerimaya 7:14

vwẹ ọtiọye na ki mi che ru kẹ uwevwi na ra vwẹ ode mẹ se na, re wa vwẹ ẹro so, kugbe asan na re me vwọ kẹ esẹ rẹ ovwan na, kirobo ri mi ru ki Shiloh.

Jerimaya 7:20

Vwẹ ọtiọye na enẹ Ọrovwohwo Ọghẹnẹ na tare: Nighe, mi che ku ivuemiovwo mẹ vẹ ophu mẹ phihọ etinẹ na, phihọ enu rẹ ohwo vẹ eranvwe, phihọ enu rẹ irhe rẹ aghwa vẹ emamọ rẹ otọ na, ọ cha la e se fuo-o.

Izikiẹl 38:22

Te emiavwe te ọbara mi che vwo nene guẹdjọ, ki mi che si osio hwe re usun rọye kugbe ihwo buebu re vẹ ọye gba herọ, osiọ rode vẹ osio rẹ erhanre, erhanre kugbe ibieragha rẹ rhorha.

Daniẹl 11:22

Otuofovwi na ejobi ke che hwerhe ayen yanran a me guọghọ ayen nu vwẹ irharo rọye, ji te osun rẹ ọphọ na rhe.

Nahum 1:8

Ẹkẹvuọvo ọ cha vwẹ oghwe ro kuẹ vwo furhie otu ri mu kpahọ, kọ cha djẹ ivwighrẹ rọye ra ro evun rẹ ebri.

Matiu 7:27

Osio da rhe rhọ, ọkẹre da rhe fa, odju de rhi djuo, o de she: emu buebu re herọ da ghwọrọ kufia.

Ọbe ri Pọl si rhe Ihwo ri Rom 2:2

Avwanre riẹnre nẹ orhiẹ rẹ Ọghẹnẹ ọ hẹ enu rẹ otu ri ruẹ oghẹre rẹ emu ọtiọye na.

Ọbe ri Pọl si rhe Ihwo ri Rom 2:5

Vwe evun rẹ udu rẹ ovwan na ovwan re koko abe kẹ oma rẹ ovwan vwẹ ẹdẹ ophu rọye vwẹ ọke rẹ ọvwata rẹ Ọghẹnẹ da cha vwẹ orhiebro rọye phia.

Ọbe ri Pọl si rhe Ihwo ri Rom 9:28

Kidie Ọrovwohwo che brorhiẹ ọgangan kpata kpata hwe akpọ na.

Joshua 10:11

Rẹ ayen vwọ djẹ nẹ obọ rẹ Izrẹl na, rẹ ayen vwọ djẹ nene ọghwrọrọ ri Bẹthọrọn, Ọrovwohwo de si eragha ride nẹ enu rhe ri she teye ayen rhiri rhi te Azekah, ayen de ghwu; e rẹ osio rẹ ibieragha na hweri bu vrẹn e rẹ ihwo rẹ Izrẹl na vwẹ ọlọkọ hwe.

Ẹvwọphia 11:19

Etiyin e de rhie ẹchẹ rẹ uwevwi rẹ Ọghẹnẹ vwẹ obo odjuvwu, a da mrẹ ekpeti rẹ ọphọ rọye vwẹ evun rẹ uwevwi rẹ ẹga na; enu da nyavwaro, edo rode, edo rẹ agbrara, otọ ro kpogho, imicho ride.

Ẹvwọphia 16:21

osio rẹ imicho rode ko di vwrẹ she ikikori teye enu rẹ ihwo, ọ họhọ te ovwanvwọn ujori, ihwo ke harha Ọghẹnẹ fiki rẹ ọtiekọ rẹ ibiosio na, ọtiekọ na mu oshọ gangan.

Ẹvwọphia 19:2

Kidie orhiebro rọye uyota kugbe ọsoso; o brorhiẹ rẹ igberadja rode na rọ vwẹ ọfanrhiẹ rọye miovwi akpọ na, ọ da reihri rẹ ọbara rẹ idibo rọye vwẹ obọ rọye,

Ẹvwọphia 8:7

Amakashe rẹsosuọ de hworo owanre, ibiosio rẹ erhanre, ọguọgua da rhe rhọ phihọ akpọ na; akarha rẹ akpọ na da torhẹ re, akarha rẹ irhe da torhẹ re, akarha rẹ odi da torhẹ re.