Aizaya 28:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² rọ cha ta kẹ nẹ, Ọnana urovwoma; vwẹ oma erọvwọ kẹ ọ rẹ oma rhọ. Ọnana kọye oma erọvwọ na, dede na ayen che nyo-o.

Aizaya 28:12 ပူးပေါင်းရင်းမြစ်များ

2 Ikun rẹ Ivie 14:11

Asa de kperi se Ọrovwohwo Ọghẹnẹ rọye, E Ọrovwohwo, o vwo ohwo ọfa kerẹ owẹ rọ sa cha ohwo uko-o, vwẹ uvwre rẹ ọgba vẹ ọvwiẹre. Cha avwanre uko, Ọrovwohwo Ọghẹnẹ rẹ avwanre, kidie ma vwẹ ẹro so owẹ, odẹ wẹn avwanre vwo bru urogho nana rhe. E Ọrovwohwo wẹ Ọghẹnẹ rẹ avwanre; wo jẹn ohwo rẹ akpọ phi we kparobọ-ọ.

Aizaya 11:10

Vwẹ ẹdẹ yena owọ ri Jessi na ko che mudia pọe kerẹ oka vwọ kẹ ihwo na; ọye irere na cha guọnọ, ẹdia rọye kọ mu urinrin.

Aizaya 29:12

Ọke ra da rha reyọ ọbe na kẹ ohwo ro se se-e, tanẹ, Se ọbe nana, o da ta, Mi se se-e.

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Aizaya 32:17

Erere rẹ ọvwata kọ dia ufuoma, otọ rẹ ọvwata, ke ofuvweghe kugbe ẹro evwosuọ bẹdẹ.

Aizaya 32:18

Ihwo mẹ ke cha dia asan re ufuoma, asan rẹ eghemọphe, edia rẹ ọmaerovwo fuefu.

Jerimaya 44:16

Vwọ kpahe ota ru wọ ta kẹ avwanre vwẹ odẹ rẹ Ọrovwohwo na, ma sa kerhọn wẹ-ẹ.

Jerimaya 6:16

Enẹ Ọrovwohwo na tare, Mudia vwẹ oma rẹ idjerhe, wo ni, wọ nọ ekpen re idjerhe rẹ awanre na asan rẹ omamọ rẹ idjerhe epha, ru wa yan phihọ, re wọ mrẹ urovwoma vwọ kẹ ẹnwẹn rẹ ovwan Ẹkevuọvo ayen da ta nẹ, Avwanre cha yan phihọ-ọ.

Zekaraya 7:11

Ẹkẹvuọvo ayen kerhọ-ọn ayen de si igabọn te ohọre, rhurhu erhọn rayen re ayen je nyo.

Zekaraya 7:14

Me da vwẹ odju rẹ ovwre vwo hra ayen ro ohri rẹ ẹgborho rẹ ayen riẹnre-e kọye otọ rẹ ayen nuru da rhe dia ofefe, ọtiọye na ohwo rha yanrhe yankpo vwọ-ọ, otọ esiri na da rhe dia ofefe.

Hibru 12:25

We ja mrẹ nẹ ovwan siẹn ohwo rọ ta ota na-a. O da dianẹ ayen siẹn ohwo rọ ta ota kẹ ayen vwẹ akpọ na rẹ ayen da djẹ vabọ-ọ, komavọ ọ dia rẹ avwanre sa vwọ djẹ vabọ ra da siẹn ohwo ro ta ota kẹ ayen nẹ odjivwu rhe.