Aizaya 27:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Vwẹ oma rẹ ọnana kọye e vwo phoro abe ri Jekọp nu. Ọnana kọye cha dia omamọ rẹ emamọ rẹ esiono rẹ umwemwu rọye; vwẹ ọke ro de ru ibieragha rẹ agbada na kerẹ ukori rẹ ọnrhe ra nọre vworovworo, te ighriki vẹ agbada ra da torhẹ egẹn gbi se mudia-a.

Aizaya 27:9 ပူးပေါင်းရင်းမြစ်များ

Ivie rẹ Ivẹ 10:26

Ayen de mu osunsun rọ hẹ evun rẹ uwevwi ri Baal phia, ayen da torhẹ.

Ivie rẹ Ivẹ 23:14

Ọ da guọghọ ẹshẹ na ivwivwuvwu, ọ da nyavwe ighriki na bruotọ, ọ da vwẹ ibekun rẹ ihwo gbe asan rayen ephan.

Ivie rẹ Ivẹ 25:9

Ọ da torhẹ uwevwi rẹ Ọrovwohwo na, kugbe ighẹn rẹ ovie na, kugbe iwevwi ejobi rẹ Jerusalẹm; ọ da torhẹ ikpi iwevwi na ejobi muotọ.

2 Ikun rẹ Ivie 14:5

Ọ de ji si asan ri kpenu ejobi kugbe agbada rẹ insẹns re irere ri Juda ejobi no. Uvie na de vwo omaerovwo vwẹ otọ rọye.

2 Ikun rẹ Ivie 34:4

Ayen de kporo egbada ri Baal na she vwẹ irharo rọye; o de she egbada re insẹns re hẹ obenu rẹ ayen shẹ; ọ da nyavwe ighriki rẹ ayen ibribro, ọ da guọghọ ema re bru ena phihọ na kugbe i re kuru na riẹriẹriẹ, ọ nọ ayen vworovworo nu ọ da hrahra iwurhie rayen phihọ enu re ishi rẹ ihwo ri ze izobo ke ayen.

2 Ikun rẹ Ivie 36:19

Ayen da torhẹ uwevwi rẹ Ọghẹnẹ, ayen de kporo igbẹhẹ ri Jerusalẹm te otọ, ayen da vwẹ erhanre torhẹ ighẹn rọye ejobi, ọ da guọghọ ekuakua esiri rọye ejobi.

Une rẹ Ejiro 119:67

Favwe me kẹ mrẹ ọdjarhe ye me yan ghwru; ẹkẹvuọvo asakiephana me yọnrọn ota wẹn.

Une rẹ Ejiro 119:71

O yovwi ke vwe re me vwọ mrẹ ọdjarhe, rere mi vwọ yono iji wẹn.

Ẹyano 34:13

Wa me guọghọ egbada rayen, wa me rha guọghọ ichivwo rayen, wa me nyavwe ighriki rayen she,

Isẹ 20:30

Ehwe rọ wan ohwo oma djẹ umwẹmwu kufia, ẹfafa kọyẹ rha hworhẹ otọ rẹ evun.

Aizaya 1:29

Fikiridie oma re ọhahe ro je we na kọ cha vọ we, opharo wẹn kọ dia ghwọkpọ fiki re ogba ru wọ jẹre.

Aizaya 17:8

ayen gbi che se agbada rẹ izobo gbe emu-u, iruo rẹ obọ rayen, ayen gbi che ni obo rẹ obọ rayen ruru-u, ọ dia ighriki eye agbada rẹ egẹ-ẹn.

Aizaya 30:22

vwe ọke yena ku wọ che gbe ema wẹn ra vwe idọnọ efuanfon kugbe e ra vwe iro ma ẹgua Ku wọ hra ayen kerẹ imu igbegbe, ku wo ta ke ayen ne, Wa yanran!

Aizaya 4:4

vwẹ ọke rẹ Ọrovwohwo da cha hworhẹ inuhu rẹ emetẹ ri Zayọn nu, rọ da cha hworhẹ ipe rẹ ọbara ri Jerusalẹm nẹ uherevie rọye nu vwẹ erhi rẹ ọrhiẹbro kugbe erhi rẹ ẹtorhẹ.

Aizaya 40:2

Ta ota dẹndẹn kẹ Jerusalẹm, ru wo kperi kẹ tanẹ ofovwi rọye rere, nẹ a vwẹ orukuruku rọye ghovwo, nẹ ọ reyọ osa mie Ọrovwohwo ọhwọhwọ ivẹ fiki rẹ umwemwu rọye.

Aizaya 48:10

Nighere, Me fa weẹ, ẹkẹvuọvo ọ dianẹ kerẹ idọnọ-ọ. Me davwe owẹ vwe ogidi erhanre rẹ ukpokpogho

Izikiẹl 11:18

Ayen de rhi te etiyin, kẹ ayen che si emu ejobi ri tuoma na no kugbe emu rẹ ẹgua rọye ejobi.

Izikiẹl 20:38

Ki mi si ihwo ri muẹkpahe ihwo nẹ ohri rẹ ovwan, kugbe ihwo re chọ urhi mẹ; kẹ mẹ cha reyọ ayen nẹ otọ rẹ ayen da hẹ ọrhorha na, ẹkẹvuọvo ayen cha vwẹriẹ otọ rẹ Izrẹl na-a, Ọke yena kẹ ovwan riẹn nẹ mẹvwẹ ọye Ọrovwohwo na.

Izikiẹl 6:4

Egbada wẹn ke cha dia ifefe, egbada rẹ incẹns wẹn ke vwirhi ayen, irivwi rẹ ihwo wẹn re hweri ke mu ayen phihọ obaro rẹ ema wẹn.

Daniẹl 11:35

ihwo evo vwẹ usun rẹ ihwo na ri vwo ọhọ ji che she, ra vwọ fan ayen je nabọ hworhe ayen, re vwo ru ayen fuanfon, bẹsiẹ rẹ oba na vwo te, kidie ọke re bruru na ji te-e.

Hosia 14:8

E Ifrem, die me vwẹ ema ru? Mẹvwẹ ri nyo we, mẹvwẹ je vwẹ ẹro te we. Me họhọ owangha oma mẹ emamọ wẹn nẹ cha.

Livitikọs 26:30

Ke Me cha guọghọ imukpe re ovwan ejobi, ke Me nyavwe agbada re insẹns rẹ ovwan she, ki mi che mu irivwi re ovwan phihọ enu rẹ irivwi rẹ ẹdjọ re ovwan ejobi, ovwan ki che tue erhi mẹ oma.

Maika 5:11

ke Me guọghọ irere rẹ otọ wẹn kufia ki mi kporo egba ọgangan wẹn she;

Zekaraya 13:2

Je vwẹ ẹdẹ yena, Ọrovwohwo rẹ otuofovwi tare, mi che si edẹ rẹ ema nẹ otọ na, ra gbe karohọ ayen ọfa-a; eriyin rhe mi ji si emraro vẹ erhi re ijẹfuọn nẹ otọ na.

Ọbe ri Pọl si rhe Ihwo ri Rom 11:27

ọnana kọye hẹ ọphọ re me vẹ ayen cha re ri mi de phorho imwemwu rayen nu.

1 Kọrẹnt 11:32

Ẹkẹvuọvo Ọrovwohwo da vwẹ avwanre guẹdjọ, ka fa avwanre rere e vwo jẹ avwanre ebruhwe kugbe akpọ na.

Urhi Rivẹ 12:3

we kporo egbada rayen kuotọ, guọghọ isunsun rayen ibribro, vwẹ erhanre torhẹ ighriki rayen; we she ema rẹ ẹdjọ rayen kuotọ, wa ghwọrọ odẹ rayen nẹ Etiyin,

Hibru 12:6

Kidie ohwo rẹ ivun rọye vwerha Ọrovwohwo ọye o ghwọ kuẹ, ọmọ ro se phihọ oma ọye ọ fa.