Aizaya 27:8 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁸ Ovwanvwọn vẹ ovwanvwọn, vwẹ oma rẹ ighuvwu emuo wo vwo nene ayen pharhe; o de ghwie ayen kufia vwẹ ophu ọgangan rọye vwẹ ẹdẹ rẹ odju ro nẹ obaro ọnre cha.

Aizaya 27:8 ပူးပေါင်းရင်းမြစ်များ

ỌBE RẸ JOB 23:6

Kọ vwẹ ọrho rẹ ẹgba rọye na nene uvwe họnre? Ẹjo, ọ cha kerhọ mẹ.

Une rẹ Ejiro 103:14

Kidie o riẹn obo ra ma avwanre wan; o karohọ nẹ avwanre iwurhie.

Une rẹ Ejiro 103:9

Ọ vwe ọke ejobi bẹrẹ urhuru-u, eye o ji mu ophu rọye rhiri bẹdẹ-ẹ.

Une rẹ Ejiro 38:1

E Ọrovwohwo, ghwọ ku vwe ọ dia evun rẹ ophu wẹ-ẹn eyẹ wọ fa vwẹ vwẹ ivuemiovwo wẹ-ẹn!

Une rẹ Ejiro 6:1

E Ọrovwohwo, wọ ghwọ ku vwe vwẹ ophu wẹ-ẹn, eyẹ wọ fa vwẹ vwẹ ivuemiovwo wẹ-ẹn.

Une rẹ Ejiro 76:10

Uyota ophu rẹ iliwo rẹ akpọ che jiri uwe; ọmophu ri chekọ vwẹ akpọ na ku wọ vwẹ ayen rhuo oma wẹn.

Une rẹ Ejiro 78:38

Dede na, rọ vwọ dia ọgba rẹ ehrọre na, o da vwẹ orukuruku rayen vwo rhovwe ayen, ọ gbe ghwọrọ aye-en, ọ da da ophu rọye ji ọke ejobi, o rhe jẹ ivuemiovwo rọye kparọ-ọ.

Aizaya 1:5

Die re je ghwiẹ wẹ, ri wo ji vwo kpokpo? Uyovwi na ejobi rọ mwọga, udu na ejobi oma rọ rhọ.

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Aizaya 54:7

Kidie ọmọke krẹ Me vwọ sen wẹ, ẹkẹvuọvo vwẹ ehrọre rode Me vwọ ghwẹ wẹ koko.

Aizaya 57:16

Kidie mi dje ẹghwọ ẹghwọ bẹdẹ-ẹ, eyẹ ivunvun ri miovwo uvwe bẹdẹ-ẹ; kidie obọ Mẹ erhi nẹ cha, Mẹvwẹ re ma ẹnwen rẹ arhọ na.

Aizaya 64:5

We re vwanvwan kẹ ohwo rọ vwẹ aghọghọ ru iruo rẹ ọvwata, ihwo re karohọ owẹ vwẹ idjerhe wẹn. Nighere, ivun miovwo uwe, avwanre de ru imwemwu, avwanre dia evun rẹ imwemwu na krire-e, ke che sivwi avwanre?

Jerimaya 10:24

Kpọvwẹ vi, E Ọrovwohwo, vwẹ ọvwata wẹn; ọ dia ophu wẹ-ẹn, wo de ru uvwe phihọ odiodi.

Jerimaya 30:11

Kidie mi nene uwe dia vwo sivwi uwe, eriyin Ọrovwohwo tare, mi che guẹ irere na ejobi ẹdjọ ohri rẹ ihwo re me hra ovwan ra na, ẹkẹvuọvo mi che ghwọrọ ovwa-an re-e. Me cha ghwọ umuchẹghwọ ku ovwan O vwo obo re sorọ ri mi vwo je ovwan ehwe-e.

Jerimaya 4:11

Ka cha ta kẹ ihwo nana vẹ Jerusalẹm vwẹ ọke yena, Odju ọrhorhorho che nẹ ugbenu phrẹphrẹphrẹ rẹ aton na cha che hirhe aro ku ọmọtẹ rẹ ihwo mẹ, ọ dianẹ re ọ vwọ sanọ eyẹ re o vwo ruo fo-on,

Jerimaya 4:27

Kidie enẹ Ọrovwohwo na tare, Otọ na soso cha dia ofefe, ẹkẹvuọvo me cha guọghọ totọ-ọ.

Jerimaya 46:28

Wọ djẹ oshọ-ọ, E Jekọp odibo mẹ, eriyin Ọrovwohwo tare, kidie me vẹ owẹ herọ. Mi che furhie ẹgborho na ejobi re me cha djẹ ovwan ra na, ẹkẹvuọvo mi che furhie ovwa-an, ẹfa me cha fa wẹ mi che je ovwan vwo riẹrieriẹ-ẹ.

Uvwerhe 3:31

Kidie Ọrovwohwo sa djẹ kufia bẹdẹ-ẹ,

Uvwerhe 3:32

ẹkẹvuọvo, owene ọ vwẹ oja riọ dede o ji ni arodọvwẹ kirobo rẹ ẹguọnọ rọye ro jẹrhẹriẹ na bute.

Izikiẹl 19:12

Ẹkẹvuọvo a da vwẹ ophu ghwie vain na kufia, a da kparọ phihọ otọ, ọ da yamu vwẹ odju rẹ obaro ọnre, a da kpare ibi rọye kufia, ugboma rọye rọ ma gan ejobi na da yamu; erhanre da torhẹ.

Hosia 13:15

Owenẹ ọ rho bodo bodo kerẹ ẹgon, odju rẹ obaro ọnre, odju rẹ Ọrovwohwo cha rhe, ọ kpara nẹ obo aghwa cha; ogbugbu rọye cha kpọ, imigbo rọye cha yamu, o che hwerhe kemu kemu esiri rọ sẹro rọye nu ejobi kufia.

Hosia 4:1

Nyo ota rẹ Ọrovwohwo E ihwo rẹ Izrẹl, kidie Ọrovwohwo vẹ ihwo rẹ otọ na vwo aphro. O gbi vwo ọvwata yẹrẹ aruẹdọ-ọn, ọ rhe vwo erianriẹn rẹ Ọghẹnẹ vwẹ otọ na-a;

1 Kọrẹnt 10:13

O vwo ọdavwini ọvuọvo ro te we oma ro jẹ ohwo ọfa oma ete-e. Ọghẹnẹ ohwo rẹ uyota, ọ sa rhọvwe nẹ a davwẹ owẹ ni vrẹn obo rẹ udu wẹn gbare-e, ẹkẹvuọvo vwẹ evun rẹ odavwini na ọ je gbẹn idjerhe wọ vwọ djẹ vabọ, rere wo vwo se chiro.

1 Pita 1:6

Vwẹ evun rẹ ọnana ovwan ke ghọghọ, dede nẹ vwẹ ọmọke krẹn ovwan cha reoja rẹ odavwini sansan,