Aizaya 27:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Eyẹrẹ gbe jẹn ayen vwẹ ẹro so ochọ mẹ, jẹn ayen vẹ ovwẹ rhuẹrẹ kugbe, jẹn ayen vẹ ovwẹ rhuẹrẹ kugbe.

Aizaya 27:5 ပူးပေါင်းရင်းမြစ်များ

ỌBE RẸ JOB 22:21

Wọ vẹ Ọghẹnẹ gba rhọvwe kugbe rere wo se vwo ufuoma, etiyin erhuvwu wan te we obọ.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 25:4

Kidie wẹ hẹ odjahọ ọgangan kẹ ivwiogbere, odjahọ ọgangan kẹ otu rọ bẹn re hẹ ukpokpogho, odjahọ nẹ ogiribo ophie nẹ oheri, kidie ovan rẹ ohwo ogbarogba họhọ ogiribo rọ teyọ igbẹhẹ,

Aizaya 26:12

E Ọrovwohwo, wẹ re vwẹ ufuoma mu vwọ kẹ avwanre, wẹ ri ru iruo na ejobi phihọ avwanre obọ.

Aizaya 42:19

Kono ri rhuẹro jokpa rẹ odibo Me, eyẹ ono ri dierhọn kere ọyinkọn Mẹ ri mi ji uwevwi? Ono ri rhuẹro kerẹ ohwo ri mi ru fon na, eye ọ ro rhuẹro kere odibo rẹ Ọrovwohwo?

Aizaya 45:24

Vwẹ oma rẹ Ọrovwohwo ọvo, ọye a da cha ta kpahe ovwẹ nẹ, ọye ọvwata vẹ ogangan epha, kọye ayen che bru rhe oma kọ vo ayen, ayen ejobi ri mu ophu kpahọ.

Aizaya 56:2

Ebruba kẹ ohwo ro ru ọnana, kẹ ọmọ re ohwo rọ yọnrọn gan rọ yọnrọn ẹdidjala, rọ gbere ẹgua-a, rọ sẹro rẹ obọ rọye ro vwo jẹ umwemwu eruo.

Aizaya 57:19

Ufuoma, ufuoma, kẹ otu re kẹre kugbe otu ri sheri, eriyin Ọrovwohwo tare; ki Mi sivwo.

Aizaya 64:7

O gbi vwo ohwo ọvuọvo ro se odẹ wẹ-ẹn, ro kpogho oma nẹ ọye gbanọ owẹ ba oma-a, kidie wo si opharo wẹn nu kẹ avwanre, wo de si avwanre ra ro obọ rẹ orukuruku rẹ avwanre.

Iyẹnrẹ Esiri ri Luk 13:34

E Jerusalẹm, Jerusalẹm, ro hwe emraro na ro phiẹ ihwo re ji bru we rhe hwe! Bro ọke me ghwẹ emọ rẹ ovwan koko te kerẹ ọhọ rọ vwẹ ibekpe rhurhu emọ rọye, yẹ ovwan kerhọ-ọn.

Iyẹnrẹ Esiri ri Luk 14:32

Ọ gbe dia eriyi-in, ọke rẹ ọ ro chekọ vwọ hẹ ogboko ye, ko ji ikọn ra guọnọ arhuẹrẹ.

Iyẹnrẹ Esiri ri Luk 19:42

tanẹ, Mane ku wọ sa riẹn imu re kẹ ufuoma vwenẹ! Ẹkẹvuọvo Asakiephana e si ayen nu kẹ ẹro wẹn.

Hibru 6:18

rere vwi fiki rẹ emu nana ivẹ re sa rhẹriẹ-ẹ na, kidie ọ pha bẹnbẹn kẹ Ọghẹnẹ rọ vwọ vwọrọn ofian, kẹ arueyivwo yena avwanre vwọ djẹ sioma nu vwẹ iphiẹrohọ rọ vwọ kẹ avwanre na.

Joshua 10:6

Ihwo ri Gibeọn de ji ohwo bru Joshua vwẹ erhọn ri Gilgal, tanẹ, Wo rogho obọ kẹ idibo wẹ-ẹn, bru avwanre rhe phẹrẹkpẹ, wo rhi sivwi avwanre, wọ cha avwanre uko, kidie ivie rẹ ihwo rẹ Amọr ejobi re dia obo orho rẹ ugbenu na rhe ghwẹ koko vwọ so avwanre.