Aizaya 27:12 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹² Vwẹ ẹdẹ yena nẹ urhie ri Yufretis re te Oku rẹ Ijipt Ọrovwohwo ọvo kọye ri che woro ọka na, ka cha ghwẹ ovwan koko ọvuọvo, E ihwo rẹ Izrẹl.

Aizaya 27:12 ပူးပေါင်းရင်းမြစ်များ

Jẹnẹsis 15:18

Vwẹ ẹdẹ yena Ọrovwohwo vẹ Ebram da re ọphọ tanẹ, Uvwiẹ wẹn Me vwẹ otọ nana kẹ, nẹ urhie rẹ Ijipt re te urhie rode na, urhie ri Yufretis.

1 Ivie 8:65

Ọtiọye na Solomọn da rẹ orẹ na vwẹ ọke yena, kugbe Izrẹl ejobi vẹ ọye, Ọghwẹgbe rode na, nẹ unu ri Hamat re te Ẹtẹrhe rẹ Ijipt, vwẹ obaro rẹ Ọrovwohwo Ọghẹnẹ rẹ avwanre ẹdẹ ighwrẹ.

Nehemaya 1:9

Ẹkẹvuọvo ovwan de rhivwi bru vwe rhe, rẹ ovwan da sẹro rẹ irhi me ru we de ru ayen, owene a hra ovwan kpo asan ro me sheri vwẹ otọ rẹ ọnre na, ke me ghwe ayen koko ne asan ra ghwẹ ayen ra rhe, ke me vwẹ ayen rhe asan re me jẹreyọ na, rere odẹ ẹe vwọ dia etiyin.

Une rẹ Ejiro 68:22

Ọrovwohwo na tare, Me sa reyọ ayen rhivwi nẹ Bashan rhe, Me sa reyọ ayen nẹ obọ okokodo rẹ abadi rhe,

Une rẹ Ejiro 72:8

E jo vwo ogangan rẹ isuesun nẹ abadi re te abadi, nẹ Urhie na re te oba rẹ akpọ na!

Aizaya 17:6

Ka kọrọ ẹvo chekọ vwọ, kere ẹsiẹn ra da gbẹrhiẹn urhe rẹ oliv eduru ivẹ eyẹ erha mi rhi chekọ vwẹ obi Irharheghe, ẹne eyẹ iyori vwẹ eghọn rẹ urhe rọ mọ na, eriyin Ọrovwohwo Ọghẹnẹ rẹ Izrẹl tare.

Aizaya 49:5

Asakiephana Ọrovwohwo tare, rọ ma vwẹ nẹ evun rhe nẹ Me dia odibo rọye, vwọ reyọ Jekọp vwo rhivwi rhe, ra vwọ ghwẹ Izrẹl kokọ bro ra, kidie Mi vwo ọghọ vwe obaro rẹ Ọrovwohwo, Ọghẹnẹ Me rhi hirhe phihọ ogangan mẹ re–

Aizaya 56:8

E nẹ Ọrovwohwo Ọghẹnẹ tare, ọ rọ ghwe emọ rẹ Izrel ra dje kufia koko, Me cha ghwe efa bro ra vwo kugbe e ra ghwẹ rhe jovwo na.

Jerimaya 3:14

Kurhẹriẹ ovwan emọ rẹ igberadja na, eriyin Ọrovwohwo tare, kidie mẹvwẹ onini wẹn, me cha reyọ ovwan ọvuọvo nẹ orere, kugbe ivivẹ nẹ orua, ke me reyọ ovwan rhe Zayọn.

Jerimaya 44:28

Ayen otu re vabọ rẹ ọlọkọ keye ri che rhivwi nẹ otọ rẹ Ijipt kpo otọ ri Juda, iche buẹ-ẹ, kugbe umuku ri chekọ vwi Juda ejobi, re rhe otọ rẹ Ijipt rhe dia na, cha riẹn ohwo rẹ ota rọye cha sẹ, sẹ ọmẹ eyẹ ọ rayen.

Izikiẹl 20:34

Me reyọ owẹ nẹ ohrl rẹ ihwo na rhe, me ghwẹ wẹ koko nẹ irho ra hra wẹ ra rhe, vẹ obọ rẹ ẹgba mẹ kugbe ogangan rẹ igbabọ mẹ vẹ ophu ọgangan mẹ.

Izikiẹl 20:41

Ke me reyọ owẹ kere izobo ro gbo ọnrhe ororo, vwẹ ọke me da reyọ owẹ nẹ ohri rẹ ihwo na rhe, re me da ghwẹ wẹ koko nẹ irho ra hra wẹ ra rhe, ke me vwẹ ọfuanfon mẹ phia vwẹ ohri wẹ vwẹ irharo rẹ ẹgborho na.

Izikiẹl 39:25

Fiki rẹ ọtiọye na e nẹ Ọrovwohwo Ọghẹnẹ tarẹ: Asakiephana me cha rhoma reyọ ughwẹ ri Jekọp rhivwi rhe, re mi ni arodọvwẹ kẹ uwevwi rẹ Izrẹl ejobi, ke me rioma kpahọ fiki rẹ odẹ ọfuanfon mẹ.

Izikiẹl 47:19

Vwẹ abọ rọ hẹ obuko ọnre, kọ djẹ nẹ Tamar rhiri re te ame ri Merlbatkadẹsh, nẹ etiyin vwẹ oma rẹ Oku rẹ Ijipt re te Abadi Rode na. Ọnana kọ dia abọ rẹ obuko ọnre.

Emọs 9:9

Kidie nighere, mi che ji urhi, mi che kpogho uwevwi rẹ Izrẹl vwẹ ohri rẹ ẹgborho na kerẹ obo ra da vwẹ ophorhemu phorho emu, ẹkẹvuọvo ubioragha ọvuọvo che se she teye otọ-ọ.

Zekaraya 8:7

E nẹ Ọrovwohwo rẹ otuofovwi tare: Nighere, mi che sivwi ihwo Mẹ nẹ orho rẹ obaro ọnre vwo nẹ orho rẹ obuko ọnre rhe,

Iyẹnrẹ Esiri ri Luk 15:4

Didi ohwo vwẹ usun rẹ ovwan, ro vwo igodẹ ujori, ọ da dianẹ ọvo vwẹ usun rẹ ayen ghwruru, ọ gbe yan jẹ ọvo nuro vwẹ ujori na vwo vwẹ evun rẹ aghwa, ra guọnọ ọvo ro ghwruru na, bẹsiẹ rọ vwọ mrẹ?

Iyẹnrẹ Esiri ri Jọn 10:16

Mi ji vwo igodẹ efa, re je dia evun rẹ ogba na-a; me je cha reyọ ayen rhe, ayen ki nyo urhuru mẹ. Ọtiọye na ekru rẹ igodẹ ọvo re cha dia, osuigegede ọvuọvo.

Iyẹnrẹ Esiri ri Jọn 6:37

E rẹ Ọsẹ mẹ vwọ kẹ vwẹ ejobi che bru uvwe rhe, ọ ro bru uvwe rhe nu me sa djẹ kufia-a.

Joshua 15:4

ọ da wanvrẹn re te Azmọn, re duvwu fi ẹtẹrhe rẹ Ijipt, re te obo oba rọye vwẹ obo abadi na.