Aizaya 27:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Ọke rẹ eghọn rọye da ya ki vwirhẹ; eya ke cha vwẹ ayen mu erhanre. Kidie enana ihwo re mrẹ emu vughe-e. Vwẹ ọtiọye na ọ rọ ma ayen gbe re ehrọre raye-en. ọ rọ mama ayen gbe vwẹ ẹro esiri ni aye-en.

Aizaya 27:11 ပူးပေါင်းရင်းမြစ်များ

Une rẹ Ejiro 106:40

Etiyin ophu rẹ Ọrovwohwo da rhe tua kpahe ihwo rọye, o de tuoma rẹ ireuku rọye,

Aizaya 1:3

Erhuẹn riẹn ọrovworo, ekẹtẹkẹtẹ riẹn utughẹ rẹ onini rọye ihwo mẹ se vughee

Aizaya 18:5

Tavwe rẹ orhọ ki ri te, rẹ ipho da kpare she nu, rẹ ipho na de hirhe phihọ otiẹ rọ vwanre, kọ vwẹ oda rẹ ivuevun nyavwe iri yoro cha, eghọn re tan rhe ka nyavwe ayen kufia.

Aizaya 43:1

Ẹkẹvuọvo Asakiephana enẹ Ọrovwohwo tare, ọ rọ ma wẹ, E Jekọp, ọ rọ mama owẹ, E Izrẹl. Wọ dje oshọ-ọ, kidie Me tan wẹ nure, Mẹvwẹ ri mu odẹ se we, wọwẹ ọmẹ.

Aizaya 43:7

kohwo kohwo ra vwẹ odẹ mẹ se, re me mare vwọ kẹ urinrin mẹ, re me mamare re Me mare

Aizaya 44:2

Enẹ Ọrovwohwo rọ ma wẹ na tare, rọ mama owẹ nẹ evun rhe na kọ cha wẹ uko. Wọ djẹ oshọ-ọ, E Jekọp odibọ mẹ Jeshurun re me jẹreyọ.

Aizaya 44:24

Enẹ Ọrovwohwo tare, Ọtan wẹn, rọ mama owẹ nẹ evun rhe: Mẹvwẹ Ọrovwohwo, rọ ma emu ejobi rẹ ọye ọvo vwẹ idjuvwu na tan, rọ riẹn akpọ na phihọ–Kono vẹ ovwẹ gba herọ

Aizaya 5:13

Fiki rẹ ọtiọye na ihwo mẹ vwo kpo ijọpha fiki rẹ ughẹghẹn rayen, ihwo ri vwo ọghọ vwẹ usun rayen owẹvwe ro hwe ayen ghwẹ, ibuebu rayen yamu fiki rẹ urhuru rẹ ame.

Aizaya 9:17

Fiki rẹ ọtiọye na oma gbe vwerhe Ọrovwohwo kpahe imighene raye-en, o gbe re ehrọre rẹ ọmọphrorivwi vẹ eyauku raye-en, kidie ayen ohwo ọvuọvo vwo Ọghẹnẹ-e, ayen iruimwemwu rẹ unu rayen ọvuọvo ta ota rẹ ẹkpa. Kidie vwẹ enana ejobi na ophu rọye ji fue-e, yẹn obọ rọye je riẹn phia.

Jerimaya 11:16

Ọrovwohwo se we dẹvure, Urhe rẹ oliv djidjidji, yoyovwi vẹ omamọ rẹ ibi, ẹkẹvuọvo ọ cha vwẹ edo rẹ ogiribo rode na vwo phi erhanre phihọ eghọn rọye ke torhẹ.

Jerimaya 13:14

Ki mi che geri ayen ohwohwo teye ohwo, esemọ vẹ emọ kugbe, eriyin Ọrovwohwo tare, mi che nẹ aruẹdọ-ọ eye me re ehrọre-e, ri mi di ji ayen eghwọrọ-ọ,

Jerimaya 16:5

Kidie enẹ Ọrovwohwo tare: Wọ ruẹ uwevwi rẹ uvweri-i, eyẹ wọ yanran ra viẹ-ẹ, wo muomahọ kẹ aye-en, kidie mi si ufuoma mẹ nẹ obọ rẹ ihwo nana rẹ, eriyin Ọrovwohwo tare, te ẹguọnọ ro jẹrhẹrie vẹ arodọvwẹ mẹ mi mie ayen.

Jerimaya 25:37

e ji kpokpo igegede re hẹ evun rẹ ufuoma na, fiki rẹ ophu ọtuatua rẹ Ọrovwohwo na.

Jerimaya 4:22

Kidie ihwo mẹ ẹkpa, ayen riẹn vwẹ-ẹ; ayen emọ igheghẹ, ayen vwo erianriẹ-ẹn. Ayen riẹn obo re ruẹ umwemwu gangan, ẹkẹvuọvo ayen riẹn ọresiri ruẹ-ẹ.

Jerimaya 8:7

Obo re hẹ obenu dede na riẹn ọke roye, ilekuku, emephran-Ọghẹnẹ, vẹ egodi yọnrọn ọke rẹ ẹcha rayen; ye ihwo mẹ je riẹn iji rẹ Ọrovwohwo-o

Izikiẹl 19:12

Ẹkẹvuọvo a da vwẹ ophu ghwie vain na kufia, a da kparọ phihọ otọ, ọ da yamu vwẹ odju rẹ obaro ọnre, a da kpare ibi rọye kufia, ugboma rọye rọ ma gan ejobi na da yamu; erhanre da torhẹ.

Izikiẹl 20:47

ta kẹ egbo rọ hẹ obi Nẹgẹb, Nyo ota rẹ Ọrovwohwo na Enẹ Ọrovwohwo Ọghẹnẹ tare, Nighe, mi che koko erhanre phihọ owẹ, kọ torhẹ kurhe kurhẹ ọkpokpọ rọ hẹ evun wẹn kugbe kurhe kurhe ọyaya, e rhe se fue ogidi erhanre na-a, opharo ejobi nẹ obọrhe ọnre rhe rhi te obọhwẹre ọnre erhanre kọ torhẹ.

Izikiẹl 9:10

Vwọ kẹ vwẹ, o gbi sisi uvwe ẹro-o, eyẹ Me gbe re ehrore-e, ki mi kere uruemu rayen phihọ uyovwi rayen.

Hosia 4:14

Me cha vwẹ oja re emetẹ rẹ ovwan vwẹ ọke rẹ ayen de gbe igberadja, yẹrẹ epha rẹ ovwan vwẹ ọke rẹ ayen de gbe ọfarhie; fikiridie ekpuyovwi rẹ eshare na je ro akakọ bru igberadja na ayen vẹ iniedjọ rẹ igberadja gbe ze izobo rẹ ọfarhiẹ kugbe, ihwo ri vwo iroro-o ke cha guọghọ kufia.

Hosia 4:6

A guọghọ ihwo mẹ fiki rẹ jẹriẹn fikiridie wọ sen erianriẹn, Me sen we nẹ wọ gbe dia orherẹn mẹ-ẹ. Ọtiobo rẹ urhi rẹ Ọghẹnẹ wẹn vwọ chọro owẹ ẹro na, emọ wẹn ke je chọro ovwẹ ẹro rhe.

Matiu 13:15

Kidie udu rẹ ihwo nana figberi, Erhọn rayen diri; Ẹro rayen ji ghwe rhu; Re ayen jẹ orẹ ẹmrẹ, Rere ayen vwo jẹ ẹme enyo; Udu rayen de rhe roro; Ayen de rhe kurhẹriẹ, E de rhe sivwi ayen.

Matiu 13:19

Ọke rẹ ohwo de nyo ikun rẹ uvie rẹ odjuvwu rọ gbe riẹn otọ rọye-e, idẹbono kọ cha, ọ me rhe kọrọ ota na nẹ udu rọye. Edje nana họhọ emamọ ri she phihọ orhoma rẹ idjerhe ye.

Matiu 3:10

Asakiephana ushurhe ọ hẹ otọ rẹ irhe na re, urhe rọ gbe mọ emamọ esiri-i, ke she vwo mu erhanre.

Iyẹnrẹ Esiri ri Jọn 15:6

Ohwo rọ rha herọ vwẹ evun mẹ-ẹ, ya fianrọ kufia kerẹ oghọn kovwioro; ka kua eghọn na koko, ka kpare ayen phihọ erhanre ke torhẹ.

Ọbe ri Pọl si rhe Ihwo ri Rom 1:28

Kirobo rẹ ayen rha rhọvwe reyọ phihọ Ọghẹnẹ na-a, Ọghẹnẹ de siobọ nẹ ayen kẹ udu ọbrabra rẹ ayen re ayen vwo ru obo ri je ayen.

Ọbe ri Pọl si rhe Ihwo ri Rom 1:31

jiroro evwo, jesegbuyota evwo, jẹguọnọ evwo, jaruẹdọn evwo.

Urhi Rivẹ 4:6

Wa yọnrọn ayen re we ru ayen; kidie ẹyọnrọn rayen ẹriẹn vẹ aghwanre kẹ ovwan vwẹ obaro rẹ ihwo na, ihwo ri nyo irhi nana ejobi ke cha ta nẹ, Ọ muẹro ẹgborho rode nana ihwo ghwanghwanre re riẹnre.

1 Tẹsalonaika 2:16

Ayen da dje avwanre nẹ a gbe ta ota kẹ otu ri Keferi-i ayen da rha rhọ–ọtiọye na kọke kọke kọye ukoko rẹ umwemwu rayen vwọ vọn. Ẹkẹvuọvo ophu rẹ Ọghẹnẹ rhe tua kpahe ayen vwẹ ukuko na re.

Jems 2:13

Kidie ohwo ro ni arodọvwẹ-ẹ ọ je cha mrẹ arodọvwẹ vwe ọke re de brorhiẹ rọye-e.