Aizaya 27:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Kidie orere ra gba ogba phihọ ro hirhe phihọ ofefe, orere ra kuanu ra senre, kerẹ aghwa; etiyin upene rẹ erhuẹn da ria odi, etiyin o sherhẹ phihọ rọ da savwan abọ rọye ria.

Aizaya 27:10 ပူးပေါင်းရင်းမြစ်များ

Aizaya 17:2

Ka kua nẹ irere rọye bẹdẹ; ke cha dia ẹdia rẹ igodẹ, ri che sherhẹ te otọ, ohwo ọvuọvo gbe djẹ oshọ mu aye-en.

Aizaya 17:9

Vwẹ ẹdẹ yena irere rayen rẹ egangan ejobi ka cha kua nẹ ayen kerẹ asan ra kua nu vwi Hiv eyẹ Amọr, re ayen kua nu fiki rẹ emọ rẹ Izrẹl, asan na kọ dia ofefe.

Aizaya 24:10

Orere rẹ ozighi na a guọgherọ tẹ otọ, uwevwi kuwevwi a kaerọ ohwo ọvuọvo gbe sa ruọ-ọ

Aizaya 25:2

Kidie wẹ re ghwẹ orere koko, orere ra gba ogba riariẹ na kẹ erhurhu rode, ighẹn rẹ ovie rẹ erhorha na gbe dia orere ọfa-a, a gbe rhoma bọn bẹdẹ-ẹ.

Aizaya 32:19

Egbo na ejobi ko che kpotọ re kpae, ka cha vwẹ orere na hwa otọ riẹriẹriẹ.

Aizaya 35:1

Aghwa na kugbe otọ ọyaya na ke cha ghọghọ, aton na cha ghọghọ rọ de di ẹbe gbidigbidi, kerẹ igbodigbo,

Aizaya 49:21

Ọke yena ko wọ ta vwẹ udu wẹn Konọ vwiẹ enana kẹ vwẹ? Ihwo Mẹ ghwuru Me ke rha dia ẹga, e mu ayen ighuvwu a dje ayen kufia, ẹkẹvuọvo kono rha rhoma vwiẹ enana? Nighe, Mẹvwẹ obo ri chekọ, ki tivo enana rhe nurhe?

Aizaya 64:10

Irere efuanfon wẹn na rhe rhoma hirhe phihọ aghwa, Zayọn rhi hirhe phihọ aghwa, Jerusalẹm rhe kua fiotọ.

Aizaya 7:21

Vwẹ ọke yena ohwo ko churu ọmọ rẹ erhuẹn kugbe imigodẹ ivẹ;

Aizaya 7:25

vwo kẹ igbenu na ejobi ra vwẹ eghwro voro jovwo na, wo gbi yivwi si kẹrẹ-ẹ vẹ oshọ rẹ ekpia vẹ idjigbe; ẹkẹvuọvo kẹ ayen họhọ asan rẹ irhuẹn vẹ igegede che gbe sẹkẹ sẹkẹ.

Jerimaya 25:37

e ji kpokpo igegede re hẹ evun rẹ ufuoma na, fiki rẹ ophu ọtuatua rẹ Ọrovwohwo na.

Jerimaya 26:18

Maika ri Mọreshẹt ọ mrarọ vwẹ ẹdẹ ri Hẹzikaya ovie ri Juda, ọ da ta kẹ ihwo ri Juda ejobi nẹ. Enẹ Ọrovwohwo rẹ otuofovwi tare, A cha gua Zayọn kerẹ udju, Jerusalẹm cha dia erhurhu rẹ umiovwo, Ugbenu rẹ uwevwi na je cha dia oghwaghwo ro kpenu.

Jerimaya 26:6

ki mi che ru uwevwi nana kerẹ Shilo ki mi ji ru orere nana ekan vwọ ke irere re akpọ na ejobi.

Jerimaya 52:27

Ovie ri Babilọn de hwe ayen, o de hwe ayen ghwu vwẹ Ribla vwẹ evun rẹ otọ ri Hamat, eriyin na e de mu Juda ighuvwu nẹ otọ rẹ obọ rọye na.

Uvwerhe 1:4

Idjerhe ra wan kpo Zayọn muomaphihọ kidie ohwo ọvuọvo sa rhe ẹdorẹ re bruru na-a, inurhoro rọye ejobi kẹ ifefe, irherẹn rọye herọ guan, e kpono emete rọye yanran, vwẹ evun rẹ uvwerhe rọye.

Uvwerhe 5:18

Kidie ugbenu ri Zayọn hirhe phihọ ofefe kẹ etiyin ẹrha dia de kọ.

Izikiẹl 36:4

Fiki rẹ ọtiọye na E igbenu rẹ Izrẹl, nyo ota rẹ Ọrovwohwo Ọghẹnẹ: E nẹ Ọrovwohwo Ọghẹnẹ ta kẹ igbenu ride vẹ e rẹ itete, ito vẹ iyara na, asan ra kua nu kakare kugbe irere ra kua jovwo na, ri rhi hirhe phihọ eranvwe re hweria vẹ ehwẹjẹ vwọ kẹ ẹgborho ri chekọ re riariẹ owẹ phihọ na;

Maika 3:12

Vwẹ ọtiọye na fiki wẹ ka cha vwi Zayọn voro udju, Jerusalẹm ko che hirhe phihọ ẹkuerhurhu, Ugbenu rẹ uwevwi na kẹ egbo rẹ irhe.