Aizaya 26:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Owọ chiyiro muotọ, awọ rẹ ivwiogbere, kugbe ichiyi rẹ ihwo rẹ akpọ bẹn.

Aizaya 26:6 ပူးပေါင်းရင်းမြစ်များ

Ivie rẹ Ivẹ 9:33

Ọ da ta, Do phihọ otọ. Ayen de do phihọ otọ; ọbara rọye da sare ku ighẹhẹ vẹ iyesi, ayen de chiyo muotọ.

Aizaya 11:4

ẹkẹvuọvo ọvwata o vwo guẹdjọ rẹ ivwiogbere, o Me vwẹ ẹghwanre brorhiẹ rẹ ihwo dẹndẹn rẹ akpọ na, kọ cha vwẹ ọkpọ rẹ unu rọye ghwie akpọ na, ẹnwẹn rẹ unu rọye ọ vwọ hwẹ iruimwemwu

Aizaya 25:10

Kidie Ọrovwohwo cha ghwobọ kpahe ugbenu nana, ke che chiyi Moab phihọ otọ vwẹ asan rọ epha, kirobo re chiyi ẹbe eyaya muotọ vwẹ erhurhu

Aizaya 28:3

Erhu rẹ uvie rẹ eheri rẹ ọgba rẹ idi rẹ Ifrem ke che chiyo wan,

Aizaya 29:19

Ihwo dẹndẹn cha mrẹ aghọghọ ọkpokpọ vwẹ evun rẹ Ọrovwohwo, ovwiogbere vwẹ usun rẹ ihwo na cha ghọghọ vwẹ Oma rẹ Ọfuanfon Ọvuọvo rẹ Izrẹl na.

Aizaya 3:14

Ọrovwohwo o mu ẹdjọ phihọ eguo re, ọ vẹ ekpako na kugbe isun rẹ ihwo rọye. We re ghwọrọ ogba ri vain na, ekuakua re ivwiogbere na hẹ uwevwi wẹn.

Aizaya 3:15

Die wo rori ru wọ vwọ guọghọ ihwo mẹ ru we vwo wuye opharo rẹ ovwiogbere? eriyin Ọrovwohwo rẹ ofovwi tare

Aizaya 37:25

Me da tọn erhare ọ da da ame, Me da vwẹ ẹhẹrhowọ mẹ ru ame na kpọ ame rẹ ito rẹ Ijipt ejobi.

Aizaya 60:14

Emọ re ihwo ri shenyẹ wẹ ke cha rhe ri shiguẹ te otọ kẹ wẹ, kugbe ihwo ejobi re je wẹ fia ki che shiguẹ vwẹ asan awọ wẹn, ke ayen che se we Orere rẹ Ọrovwohwo, Zayọn rẹ Ọfuanfon Ọvuọvo rẹ Izrẹl na.

Jerimaya 50:45

Ọtiọye na gbe nyo iroro rẹ Ọrovwohwo jẹn kpahe Babilọn, vẹ obo ro ruru kpahe otọ rẹ ihwo ri Kaldia na: Omuẹro e che kpono igegede itete rayen yanran, Omuẹro obo re phia kẹ ayen che gbe ogba rẹ igegede rayen unu.

Daniẹl 7:27

Te uvie na vẹ isuesun na kugbe ọrho rẹ uvie na vwẹ otọ rẹ odjuvwu na ka cha vwẹ ayen kẹ ihwo efuanfon rẹ Ọ ro Me kpenu ejobi; uvie rayen kọ cha dia uvie ri bẹdẹ isuesun na ejobi ke cha ga ri de mu ọghọ kẹ ayen.

Zẹfanaya 3:11

Vwẹ ẹdẹ yena oma gbe cha vo vwẹ-ẹ fiki re uruemu ru we vwo mukpahe ovwẹ; kidie vwẹ ọke yena ki mi che kpono nẹ ohri rẹ ovwan ihwo rẹ ovwan ri herẹ ri mu oma kpenu na, wọ gbe cha dia ohwo rẹ ogbarogba ọfa vwẹ ugbenu ọfuanfon mẹ na-a.

Malakae 4:3

Ku wo che chiyi iruimwemwu na muotọ, kẹ ayen cha dia kerẹ iwurhie vwẹ obotọ rẹ ẹhẹrhowọ wẹn, vwẹ ẹdẹ ri mi che vwo ru ọnana, ọtiọye Ọrovwohwo rẹ otuofovwi na tare.

Iyẹnrẹ Esiri ri Luk 10:19

Nighe, Me vwẹ ogangan kẹ ovwan we vwo chiyi eredekọ kugbe ekpakpasimagha, vwẹ enu rẹ ogangan rẹ ọvweghrẹ; yẹ emuọvo sa wan ovwan oma-a.

Ọbe ri Pọl si rhe Ihwo ri Rom 16:20

o chekọ emerha, Ọghẹnẹ rẹ ufuoma na ko che chihi Idẹbono muotọ. Ẹserọphẹ rẹ Ọrovwavwanre Jesu Kristi nene ovwan dia.

1 Kọrẹnt 1:26

Kidie imoni mẹ, we gbe roro use rẹ ovwan na; ọ dia ovwan buebu re ghwanre kirobo rẹ aghwanre rẹ akpọ na epha-a, ọ dia buebu re ganre-e, ọ dia buebu e vwiẹri phihọ okporua-a;

Jems 2:5

Ovwan kerhọn, imoni mẹ re ghare. Ọ dia Ọghẹnẹ ọvo re sanọ ihwo rẹ akpọ se nẹ ovwiogbere na nẹ e rhe dia edafe rẹ esegbuyota kugbe ireuku rẹ uvie ro veri kẹ otu re guọnerọ na?

Joshua 10:24

Ọke rẹ ayen vwọ vwẹ ivie na rhe Joshua, Joshua de se ihwo rẹ Izrẹl ejobi, ọ da ta kẹ igbuyovwi rẹ ofovwi na ri nenire ra na, We bi kẹrẹ ovwẹ, wa vwẹ awọ rẹ ovwan vwo chiyi ohọre rẹ ivie nana. Etiyin ayen de ghine bi kẹrẹ, ayen da vwẹ awọ chiyi ehọre rayen.

Ẹvwọphia 2:26

Ohwo ro phi kparobọ rọ yọnre iruo mẹ re te oba, ke me kẹ ogangan vwẹ enu rẹ ẹgborho na,

Ẹvwọphia 3:9

Nighe, mi che ru ayen otu re hẹ ẹho rẹ Idẹbono na re tanẹ ayen ihwo ri Ju da yẹ ayen dia ihwo ri Ju-u, ẹkẹvuọvo efian ayen vwọrọn—-nighe, ke cha rhe rhi diguẹ vwẹ agada mẹ, ke riẹn nẹ me guọnọ ayen.