Aizaya 26:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ihwo re rhoro vẹ orere rode ọ vwẹ ayen kpo otọ, O da ghwọrọ te otọ, ọ ghwọerọ te otọ riẹriẹriẹ, o de muo teye iwurhie.

Aizaya 26:5 ပူးပေါင်းရင်းမြစ်များ

Une rẹ Ejiro 79:8

Wọ karohọ imwemwu rẹ ese rẹ avwanre ride kẹ avwanre-e, jẹn ehrọre wẹn bru okpakpa rhe vwa avwanre, kidie a vwẹ avwanre gbe otọ gangan.

Aizaya 13:11

Ki mi hwe akpọ na fiki rẹ umiovwo rọye, oruimwemwu fiki rẹ orukuruku rọye; ki mi ru eheri rẹ ohwo ro phuoma vwo oba, ọkon rẹ ohwo ro shuẹ akpọ ko fue.

Aizaya 14:13

Wọ da ta vwẹ udu wẹn. Mi yeri kpo odjuvwu; vrẹn isio rẹ Ọghẹnẹ. Ke me bọn ekete mẹ phihọ obenu, Ki mi tidia vwẹ enu rẹ ugbenu rẹ ọghwẹgbe rọ he obenu shesheri,

Aizaya 2:12

Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

Aizaya 24:10

Orere rẹ ozighi na a guọgherọ tẹ otọ, uwevwi kuwevwi a kaerọ ohwo ọvuọvo gbe sa ruọ-ọ

Aizaya 25:2

Kidie wẹ re ghwẹ orere koko, orere ra gba ogba riariẹ na kẹ erhurhu rode, ighẹn rẹ ovie rẹ erhorha na gbe dia orere ọfa-a, a gbe rhoma bọn bẹdẹ-ẹ.

Aizaya 32:19

Egbo na ejobi ko che kpotọ re kpae, ka cha vwẹ orere na hwa otọ riẹriẹriẹ.

Aizaya 47:1

Wotọ rhe wo rhi tidia iwurhie, E ọmọtobe ri Babilọn, tidia otọ ghevweghe ro vwo ekete-e, E ọmọtẹ ri Kaldia! Kidie e gbi se we ọfa-a nẹ wọ pha pọkọ pọko yoyovwi.

Jerimaya 51:37

Babilọn ko che hirhe phihọ ẹko rẹ erhurhu urhuen rẹ ẹrha emuoshọ vẹ unuefiọn, ohwo rha dia-a.

Jerimaya 51:64

re wo ta, Enẹ Babilọn che divwi, o gbi vrẹn ọfa-a, fiki rẹ umiovwo ri mi che muẹ nyẹ na. Ọtiọna eta ri Jerimaya bare.

Uvwerhe 2:2

Ọrovwohwo rhe vwo arodọvwẹ vwẹ ọke rọ vwọ guọghọ ẹdia ri Jakọp ejobi-i; vwẹ ọphu rọye ọ da guọghọ te otọ ogba ọgangan rẹ ọmọtẹ ri Juda, o siro ghwiotọ vẹ ophọphọvwe uvie kugbe isun rọye.

Izikiẹl 26:11

Ichiyi rẹ iyesi rọye kọye o vwo gbe irhuvwu wẹn pẹtẹpẹtẹ; kọ vwẹ ọlọkọ nyavwe ihwo wẹn hwe; ichivwo wẹn ride na ki che vwirhi she.

Izikiẹl 28:17

Udu wẹn da rhe vọn vẹ eheri fiki rẹ erhuvwu wẹn; wo de miovwi aghwanre wẹn fiki rẹ erhuvwu wẹn. Mi de mu we teye otọ; Me da ban wẹ phihọ vwẹ obaro rẹ ivie, rere ayen vwọ tọn ẹro rayen vi we.

Ẹvwọphia 18:2

O de kperi gangan tanẹ, Osheri, osheri, Babilọn rode na sheri Ọ rhi hirhe phihọ orere rẹ idẹbono, urhuẹn rẹ erhi kerhi ọbrabra, urhuẹn rẹ ọphran kọphran ro tuoma;