Aizaya 26:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Wọ sa sẹro rọye vwẹ omamọ rẹ ufuoma, ohwo rọ vwẹ udu rọye kpahe owẹ fikiridie ọ vwẹ ẹro so owẹ.

Aizaya 26:3 ပူးပေါင်းရင်းမြစ်များ

1 Ikun rẹ Ivie 5:20

Ayen rhe vwọ mrẹ ọchuko kpahe ivwighrẹ rayen, emọ rẹ Hag kugbe ihwo re vẹ ayen gba hẹ obọ ejobi e de phi ayen phihọ ayen obọ, kidie ayen kperi se Ọghẹnẹ vwẹ ọke ofovwi na, o de nyo orẹ rayen fikiridie ayen vwẹ ẹro vwọ suọ.

2 Ikun rẹ Ivie 13:18

Kẹnẹ e phi ihwo rẹ Izrẹl kua vwẹ ọke yena, ihwo ri Juda da kparobọ, fikiridie ayen vwẹ ẹro so Ọrovwohwo na, Ọghẹnẹ rẹ esẹ rayen.

2 Ikun rẹ Ivie 16:8

Ihwo rẹ Itiopia vi Libya rhe vwo unuofovwi rhuarho gangan vẹ ekpẹrẹ buebu kugbe ihwo rẹ gua iyesi? Fiki rẹ obo wọ vwọ vwẹ ẹro so Ọrovwohwo na, o de phi ayen phihọ obọ wẹn.

Une rẹ Ejiro 119:165

Ufuoma rode ọye ihwo re guọnọ urhi wẹn mrẹ; emu ọvuọvo se gere ayen she-e.

Une rẹ Ejiro 125:1

Otu re vwẹ ẹro so Ọrovwohwo na ke họhọ Ugbenu ri Zayọn, ro je se ghwie, ẹkẹvuọvo kọ dia rhiri bẹdẹ.

Une rẹ Ejiro 9:10

Ihwo re riẹn odẹ wẹn vwẹ ẹro so wẹ, kidie wẹ, E Ọrovwohwo, wọ je sen ihwo re guọnọ owẹ dẹvo-o.

Aizaya 12:2

Nighere, Ọghẹnẹ esivwo mẹ; ọye me vwẹ ẹro so, oshọ gbi mu vwe-e; kidie Ọrovwohwo Ọghẹnẹ ọye ogangan mẹ kugbe une mẹ, ọ rha rhoma hirhe esivwo mẹ re.

Aizaya 26:12

E Ọrovwohwo, wẹ re vwẹ ufuoma mu vwọ kẹ avwanre, wẹ ri ru iruo na ejobi phihọ avwanre obọ.

Aizaya 27:5

Eyẹrẹ gbe jẹn ayen vwẹ ẹro so ochọ mẹ, jẹn ayen vẹ ovwẹ rhuẹrẹ kugbe, jẹn ayen vẹ ovwẹ rhuẹrẹ kugbe.

Aizaya 31:1

Ekan ke otu re yanran kpo Ijipt ra guọnọ ọchuko re vwẹ ẹro go iyesi, re vwẹ ẹro so ekpere re ofovwi kidie i buru re vwẹ ẹro so ihwo re gua iyesi kidie ayen ganre, ẹkẹvuọvo ayen vwẹ ẹro so Ọfuanfon Ọvuọvo rẹ Izrẹl na-a eyẹ ayen je nọ mie Ọrovwohwọ-ọ

Aizaya 32:17

Erere rẹ ọvwata kọ dia ufuoma, otọ rẹ ọvwata, ke ofuvweghe kugbe ẹro evwosuọ bẹdẹ.

Aizaya 32:18

Ihwo mẹ ke cha dia asan re ufuoma, asan rẹ eghemọphe, edia rẹ ọmaerovwo fuefu.

Aizaya 42:19

Kono ri rhuẹro jokpa rẹ odibo Me, eyẹ ono ri dierhọn kere ọyinkọn Mẹ ri mi ji uwevwi? Ono ri rhuẹro kerẹ ohwo ri mi ru fon na, eye ọ ro rhuẹro kere odibo rẹ Ọrovwohwo?

Aizaya 42:6

Mẹvwẹ Ọrovwohwo, vwẹ evun rẹ ọvwata mẹ mi de se we, Me yọnrọn owẹ obọ mẹ da sẹro wẹ, Me da vwẹ owẹ kerẹ ọphọ vwọ kẹ ihwo na, urhukpẹ vwọ kẹ ẹgborho na,

Aizaya 48:2

Kidie ayen vwẹ odẹ rẹ orere ọfuanfon na se oma, ayen da vwẹ ẹro so Ọghẹnẹ rẹ lzrel na, Ọrovwohwo rẹ otuofovwi na ọye he odẹ rọye.

Aizaya 49:8

Enẹ Ọrovwohwo tare Vwe ọke re aroestri Me da jẹ wẹ reyọ, vwẹ ẹdẹ re esivwo Me da cha wẹ uko, Me sẹro wẹ Me da vwẹ owẹ ru kerẹ ọphọ vwọ kẹ ihwo na, re vwo rherhe otọ na vi, ra vwọ gharọ utetemute ughwẹ ra kua jovwo na,

Aizaya 50:1

Enẹ Ọrovwohwo tare Tivọ ọbe rẹ obo esiono re oni wẹn epha, ri mi vwo siobọ no? Eyẹ ọriesa na rhọ ọ ra she ẹẹ ke na? Nighere, fiki rẹ orukuruku wẹn a vwọ shẹ wẹ, ji vwi fiki rẹ ogbeku na e vwo siobọ nẹ oni wẹn.

Aizaya 50:10

Ono vwẹ usun rẹ ovwan na re dje oshọ rẹ Ọrovwohwo ro mu ọghọ kẹ urhuru rẹ idibo rọye, re yan vwẹ evun rẹ ebri ri vwo urhukpẹ-eẹ, dede na yẹ ayen vwẹ ẹro so odẹ rẹ Ọrovwohwo re vwẹ oma da Ọghẹnẹ rọye?

Aizaya 66:12

Kidie enẹ Ọrovwohwo tare Nighere, Mi che bi erhuvwu vwo rhe kerẹ urhie, efe re ẹgborho na kerẹ ọkẹre rẹ oghwe, ku wo viẹ, ko mu we kpahe awọ rọye, kọ fẹrẹ vwẹ awọ rọye.

Jerimaya 39:18

Kidie mi ghine che sivwi uwe rhọ, wo se she ro ọlọkọ-ọ, ẹkẹvuọvo wo che vwo urhuarho wẹn kerẹ osa rẹ ofovwi, fikiridie wọ vwẹ ẹro so vwẹ, eriyin Ọrovwohwo tare.

Daniẹl 3:17

O da dia ọtiọye, Ọghẹnẹ rẹ avwanre rẹ avwanre ga na se sivwi avwanre nẹ ogidi erhanre na, o ji si avwanre nẹ obọ wẹn, E Ovie.

Daniẹl 3:28

Nẹbukadreza da ta, Ebruba kẹ Ọghẹnẹ ri Shadrak, Mẹshak vẹ Abẹdnigo, rọ ji amakashe rhe rhi sivwi idibo rọye, re vwẹ ẹro suọ ayen da jẹ ota rẹ ovie fia, ayen phi oma rayen phihọ otọ ra ga eghẹnẹ efa-a jọkpa rẹ Ọghẹnẹ rayen ọvo.

Daniẹl 6:23

Etiyin oma da vwerhe ovie na gangan, ọ da tanẹ a reyọ Daniẹl nẹ ẹmwa na rhe, Etiyin a da reyọ Daniẹl nẹ ẹmwa rhe, emu ọvuọvo ruro-o fikiridie ọ vwẹ ẹroso Ọghẹnẹ rọye.

Maika 5:5

Ọnana kọ dia ufuoma, vwẹ ọke rẹ Asiria da rhe otọ rẹ avwanre rhi chiyi otọ rẹ avwanre, avwanre ki se isun igodẹ ighwrẹ kẹ kugbe isun ẹrenre;

Iyẹnrẹ Esiri ri Jọn 14:27

Ufuoma mi jovwo kẹ ovwan; ufuoma mẹ me vwọ kẹ ovwan; ọ dia obo rẹ akpọ kẹ me kẹ ovwan na-a. We jẹn udu bru ovwa-an, eyẹ we jẹn oshọ mu ovwa-an.

Iyẹnrẹ Esiri ri Jọn 16:33

Me ta ọnana kẹ ovwan nẹ, vwẹ oma mẹ ovwan ki vwo ufuoma. Vwẹ akpọ na ovwan mrẹ ukpokpogho; ẹkẹvuọvo ghọghọ, mi phi akpọ na kpare obọ nure.

Ọbe ri Pọl si rhe Ihwo ri Rom 5:1

Rẹ avwanre vwọ rease fiki rẹ esegbuyota rẹ avwanre nure na, e gbe jẹ avwnare vẹ Ọghẹnẹ rhuẹrẹ kugbe vwẹ oma ri Jesu Kristi Ọrovwavwanre.

Filipae 4:7

Ufuoma rẹ Ọghẹnẹ ro nẹ ẹruọ ejobi, kọ yọnrọn udu vẹ iroro rẹ ovwan vwi Kristi Jesu.