Aizaya 26:18 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁸ avwanre chuẹ uvwiẹ, avwanre phreri ohwo rẹ avwanre vwiẹri na kẹ aphopho. Avwanre ru iruo rẹ esivwo ọvuọvo vwẹ akpọ na-a, ye ihwo re dia akpọ na ji she-e.

Aizaya 26:18 ပူးပေါင်းရင်းမြစ်များ

Ivie rẹ Ivẹ 19:3

Ayen da ta kẹ, Enẹ Hẹzikaya tare, Nonẹ na ẹdẹ rẹ ukpokpogho, nonẹ ẹdẹ rẹ ekan, nonẹ na ẹdẹ rẹ ophọphọvwe; unwe rẹ emọ na phire, ẹgba rha herọ ra vwọ chuẹ uvwiẹ raye-en.

Une rẹ Ejiro 17:14

Vwẹ obọ wẹn vwo sivwi, Ọrovwohwo, nẹ obọ rẹ ihwo rẹ ẹkẹn rayen dia ọ rẹ akpọ na ọvo. Gbe jẹn evun rayen vọn vẹ obo re wọ kọn koko kẹ ayen jẹn emọ rayen vwo buebu kpahe; jẹn ayen mrẹ emu jovwo kẹ emọ rayen.

Aizaya 33:11

Wọ mrevun rẹ iphopho, wo vwiẹ ikpato, ẹnwẹn wẹn ko hirhe oma phihọ erhanre rọ torhẹ owe.

Aizaya 37:3

Ayen da ta kẹ, Enẹ Hẹzikaya tare, Nonẹ na ẹdẹ rẹ ivuemiovwo rode, ọ rẹ ekan, kugbe ophọphọvwe; unwe rẹ ọmọ o phire, ẹkẹvuọvo ogangan ra vwọ chuẹ uvwiẹ herọ-ọ.

Aizaya 59:4

O vwo ohwo ọvuọvo ro brorhiẹ rẹ ọsoso-o, o vwo ohwo ọvuọvo ro vwẹ evun esiri kpo ẹdjọ-ọ; ayen vwẹ ẹro so orẹ ofefe, ayen vwọrọn efian, ayen mrevun rẹ ozighl ayen de vwiẹ orukuruku.

Hosia 13:13

Obi rẹ uvwiẹ nuro oma rhe, ẹkẹvuọvo ọmọ ogheghẹ o ruẹ, asakiephana ọ gbe cha ohwarha-a vwẹ asan unu rẹ ọmọ wan cha.

Iyẹnrẹ Esiri ri Jọn 7:7

Akpọ na se tuoma rẹ ovwa-an, ẹkẹvuọvo o tuoma mẹ fikiridie mi se oseri kpahọ nẹ iruo rọye ọ rẹ uvumwemwu.

1 Jọn 5:19

Avwanre riẹnre nẹ avwanre kẹ ihwo rẹ Ọghẹnẹ, yẹ akpọ na ejobi hẹ obọ rẹ ogangan rẹ ohwo umwemwu na.

1 Samuẹl 11:13

Ẹkẹvuọvo Sọl da ta, E che hwe ohwo ọvuọvo nonẹ na-a, kidie nonẹ na ọye Ọrovwohwo ru iruo rẹ esivwo vwẹ Izrẹl.

1 Samuẹl 14:45

Etiyin ihwo na da ta kẹ Sọl, Jonatan ko ghwu, ro ru iruo vẹ obọẹkparo rode vwẹ Izrẹl na? Jọ yena vwo! Obo rẹ Ọrovwohwo herọ na, ogẹto rẹ uyovwi rọye ọvuọvo che she te otọ-ọ; kidie ọ vẹ Ọghẹnẹ ri gbe koko ru iruo nonẹ na. Etiyin ihwo na da tan Jonatan, o gbi rhe ghwu-u.