Aizaya 26:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ayen ghwuru, ayen sa rhọ-ọ, uhoho ayen ruẹ, ayen che se vrẹ-ẹn, ki fiki rọye na wọ rhe vwọ ghwọrọ ayen wo de phoro odẹ rẹ ayen ejobi rere evwo jẹ ayen ẹkarophihọ..

Aizaya 26:14 ပူးပေါင်းရင်းမြစ်များ

ỌBE RẸ JOB 18:17

E phoro ekarohọ rọye nẹ akpọ na, o gbi vwo odẹ vwẹ urhuvwu-u.

ỌBE RẸ JOB 24:20

Ayen chọrọ ẹro vwẹ esuada rẹ orere na, a rha karophihọ odẹ rayen ọfa-a, eriyin umwemwu vwirhẹn kerẹ urhe.

ỌBE RẸ JOB 7:9

Kirobo rẹ egho ghofia ọ me ravwiẹ ye, eriyin ohwo ro kpo erivwi nu gbe cha ọfa-a;

Une rẹ Ejiro 106:28

Etiyin ayen da vwe oma re ayen gba Baal Peọr, ayen da re izobo re zo kẹ oriwi na;

Une rẹ Ejiro 109:13

E ja nyavwe uvwiẹ rọye rọ cha kufia; je phoro odẹ rọye kufia nẹ uvwiẹ rivẹ!

Une rẹ Ejiro 135:17

ayen vwo erhọn, ẹkẹvuọvo yẹ ayen nyo ẹme-e. eyẹ ẹnwẹ vwẹ unu raye-en.

Une rẹ Ejiro 36:12

Etiyin iruimwemwu da riẹn nene otọ, A djẹ ayen ro otọ, ayen gbi se vrẹ-ẹn.

Une rẹ Ejiro 59:5

Wẹ, Ọrovwohwo Ọghẹnẹ rẹ otuofovwi, wẹ Ọghẹnẹ rẹ Izrẹl. Vrẹn wo re hwe ẹgborho na, wọ yan je ihwo ogbarogba ọvuọvo vwo re ayen je iroro umwemwu-u.

Une rẹ Ejiro 9:6

Ọvweghre na ravwiẹn kufia vwẹ ẹghwọrọ ri bẹdẹ, wo ghwie irere rayen kufia; ẹkarophihọ rayen te otọ karekare.

Ẹyano 14:30

Enẹ Ọrovwohwo sivwi Izrẹl nẹ abọ rẹ ihwo rẹ Ijipt; Izrẹl da mrẹ ihwo rẹ Ijipt ri ghwuru vwẹ oma rẹ abadi na.

Isẹ 10:7

Ekarohọ rẹ ọvwata vọnre vẹ ebruphihọ, ẹkẹvuọvo odẹ rẹ ohwo umwemwu che gbo kufia.

Aghwoghwo 9:5

Kidie ihwo ekpokpọ riẹnre nẹ ayen che ghwu, ẹkẹvuọvo ihwo ri ghwuru riẹn emu ọvuọvo-o, ayen rhe vwo osa-a, ẹkẹvuọvo ẹkarophihọ rẹ ayen ghwruru.

Aizaya 10:3

Kidie we ru vwẹ ẹdẹ rẹ ẹlaghọ na, vwẹ evun rẹ ogiribo ro che dju ne ogboko rhe na? Kono wa djẹ bru rọ cha ovwan uko, ki tivọ we de si efe re ovwan nu?

Aizaya 26:19

Irivwi wẹn ri ghwuru cha rhọ, ugboma rayen che vrẹn. E ihwo re dia iwurhie na, we vrẹn wa so ine wa ghọghọ! Kidie evwru wẹn ọye evwru rẹ urhukpẹ vwẹ otọ rẹ uhoho kọye ọ cha la mu.

Aizaya 29:6

Ọrovwohwo rẹ otuofovwi na kọ vwẹriẹ akuọrha wẹn vẹ agbrara te otọ ro kpogho kugbe edo rode, vẹ ogiribo kugbe odju vẹ erhanre rọ la rọ ghwọrọ.

Aizaya 37:19

ayen da kpare ẹdjọ rayen phihọ erhanre; kidie ayen dia edjọ-ọ, ẹkẹvuọvo iruo rẹ obọ re ohwo, urhe vẹ oragha, kọye ọ vwọ ghwọrọ ayen.

Aizaya 8:19

Ọke rẹ ayen da ta kẹ ovwan nẹ, Eru ẹboepha kugbe otu re azẹ ri tue, ihwo rhe brẹ Ọghẹnẹ rayen ra kpo epha-a? Kẹ ihwo ra bọ epha vwẹ obọ rẹ ohwo ghweghwu fiki rẹ ohwo ọkpokpọ?

Matiu 2:20

Vrẹn wo mu ọmọ na kugbe oni rọye, ri we rhivwi kpo otọ rẹ Izrẹl, kidie ọvweghrẹ rẹ ọmọ na ghwu nure.

Urhi Rivẹ 4:28

Kẹ oboyi ovwan da cha ga ẹdjọ rẹ irhe vẹ eragha, iruo rẹ ihwo vwẹ abọ ru, re mrẹ orẹ-ẹ, i ji nyo ẹme-e, i ji re emu-u ri ji nyo ọnrhe-e.

Ẹvwọphia 20:5

Otu ri ghwuru ri chekọ gbe va rhe-e bẹsiẹ rẹ ikpe uriori na vwọ gba. Ọnana hẹ evrẹnushi rẹsosuọ.