Aizaya 26:1 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹ Vwẹ ẹdẹ yena ka so une nana vwẹ otọ ri Juda. Avwanre vwo orere ọvo rọ ganre ọ vwẹ esivwo vwo vi kerẹ igbẹhẹ ra vwẹ ogben vi.

Aizaya 26:1 ပူးပေါင်းရင်းမြစ်များ

Ezra 3:11

Ayen da so ine ohwohwo kuo kẹ ohwohwo, ine rẹ ejiro vẹ ẹkpẹvwẹ kẹ Ọrovwohwo, Kidie o yoma, Kidie eguọnọ rọye ro jẹrhẹriẹ na herọ bẹdẹ kpahe Izrẹl Ihwo na ejobi de kperi ukperi ọgangan, rẹ ayen vwo jiri Ọrovwohwo na, fikiridie e mu uchivwo rẹ uwevwi rẹ Ọrovwohwo na vi nure.

Une rẹ Ejiro 31:21

Ebruphihọ kẹ Ọrovwohwo, kidie o dje ẹguọnọ rọye rọ rhẹriẹ-ẹ kẹ vwẹ vwẹ idjerhe rẹ igbunu ra vwọ hwa riariẹ ovwẹ phihọ kerẹ orere re phiẹ.

Une rẹ Ejiro 48:12

Yan vwẹ oma ri Zayọn, yan riariẹ phihọ, kere unu rẹ ohẹrhẹ rọye,

Une rẹ Ejiro 48:4

Kidiẹ gbe no, ivie na ra ghwẹ oma koko, ayen yanrhe rhi si koko

Aizaya 12:1

Wọ cha ta vwẹ ẹdẹ yena. Me sa kpẹvwẹ owẹ, E Ọrovwohwo, owenẹ ivun mẹ miovwo uwe dede, ophu wẹn na bi wan re, we ọvo na rhoma bru vwe uche.

Aizaya 14:31

Beroma, E anurhoro, viẹ, E orere, wran vẹ oshọ, E Filistia, ovwan ejobi! Kidie ivwirhi nẹ obọrhe ọnre cha, ọ ro churu ihwo siẹ hẹ usun rọye-e.

Aizaya 2:11

Inieni ọbrabra rẹ ohwo ki che kpotọ eheri rẹ ihwo ka phọphọ ayen; Ọrovwohwo na ọvo kọye a kpare kpenu vwẹ ẹdẹ yena.

Aizaya 2:20

Vwẹ ẹdẹ yena ihwo ki ku ema rẹ idọnọ kugbe ema rẹ iro rayen kufia, rẹ ayen ru kẹ oma rayen nẹ ayen ga vwọ kẹ irherhe kugbe edja,

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 31:5

Kere ephran re rhan vwe obenu, eriyin Ọrovwohwo rẹ otuofovwi na cha sẹro ri Jerusalẹm, ọ sẹro rọye rọ de sivwọ, ọ yan jovwo ro de muo ne ughwu.

Aizaya 31:9

Oragha rọye ko che dju wan ve oshọ, inotu rọye ke dje jẹn ekpọfia rayen vwo ve uguegue eriyin Ọrovwohwo tare, re erhanre rọye he Zayọn, re ọgiderhanre rọye he Jerusalẹm.

Aizaya 33:5

Ọrovwohwo na a kpare kpenu, kidie obenu ọ dia; kọ cha vọn Zayọn ve ọsoso kugbe ọvwata;

Aizaya 33:6

kọye cha nẹrhẹ akpọ wẹn mu vi, esivwo buebu, ẹghwanre kugbe erianriẹn, oshọ rẹ Ọrovwohwo kọye cha dia efe rọye

Aizaya 4:2

Vwe ẹdẹ yena oghọ na rẹ Ọrovwohwo na kọ cha dia erhuvwu kugbe urinrin, emamọ re otọ na kọye cha dia omẹyan ọ re urinrin rẹ otu rẹ ihwo re rhọre vwẹ Izrẹl.

Aizaya 5:1

Ju vwe so une kẹ ọrojevwe une rẹ ivuavwerhe kpahe ogba ri vain rọye. Ọrojevwe de vwo ogba ri vain vwẹ enu rẹ ugbenu ro yovwe emu gangan.

Aizaya 56:5

ki Mi phi phihọ evun rẹ uwevwi Mẹ kugbe evun rẹ igbẹhẹ Mẹ emama re ẹkarohọ kugbe odẹ ri yovwi nọ emọ re eshare ve emetẹ, ki Mi mu odẹ ri bẹdẹ kẹ ayen re jẹ sa nyavwe kufia.

Aizaya 60:18

E gbi nyo umri rẹ ozighi vwẹ otọ wẹn na-a, evẹre eyẹ ẹghwọrọ vwẹ ughwru wẹ-ẹn; ku wọ se igbẹheẹ na Esivwo, anurhoro wẹn kẹ Ejiro.

Aizaya 62:10

Wan anurhoro na, wan inurhoro na, rhuẹrẹ idjerhe na phihọ kẹ ihwo na; gbẹn gbẹn idjerhe rode na phihọ, tọrọ ibieragha nọ, kpare oka ke ihwo na mrẹ.

Aizaya 62:11

Nighere, Ọrovwohwo na ghwoghwo nure ke oba re akpọ na duvwu. Ta kẹ ọmọtẹ ri Zayọn, Nighere, esivwo wẹn na rhire; nighere, osa ẹhwa rọye rhere, ẹse ẹkpẹvwẹ rọye ji rhe.

Jerimaya 33:11

a cha rhoma nyo urhuru rẹ ehwẹ vẹ omavwerhovwẹ, urhuru rẹ ọshare rẹ ọpha vẹ urhuru rẹ ọpha, urhuru rẹ otu re so une, re ayen da ghwẹ ẹkpẹvwẹ cha uwevwi rẹ Ọrovwohwo na. Vwẹ ẹkpẹvwẹ kẹ Ọrovwohwo rẹ otuofovwi na, kidie Ọrovwohwo na yovwiri kidie ẹguọnọ rọye ro jẹrhẹriẹ na dia bẹdẹ! kidie me cha vwẹ oyovwe rẹ otọ na rhivwi rhe kerẹ ọ rẹ ẹsọsuọ, eriyin Ọrovwohwo tare.

Izikiẹl 40:5

Nighere, a da gba ogba riariẹ obo uphephẹ rẹ uwevwi rẹ ẹga na, ugrogro rẹ ubiurhe rẹ ovwanvwọn rọ hẹ obọ rẹ ohwo na da dia kubit esan, ọvuọvo da dia kubit ọvo kugbe esabọ ọvo vwẹ ugrogro; ọtiọye ọ da ma ọkpan rẹ igbẹhẹ na, ubiurhe ọvo; enu era rọye, ubiurhe ọvo.

Zekaraya 2:5

Kidie Me cha dia igbẹhẹ rẹ erhanre riariẹ phihọ, Ọrovwohwo tarọ, me cha dia urinrin vwẹ evun rọye.

Zekaraya 2:9

Nighere, mi che kpogho obọ Mẹ phihọ ayen, ihwo re ga ayen jovwo ke cha rhoma gborho ayen. Ko wọ cha riẹn nẹ Ọrovwohwo rẹ otuofovwi na ri ju uvwe.

Ukeri 21:17

Etiyin Izrẹl da so une nana: Djẹ phia E orhare, so une kẹ!

Matiu 16:18

Me ta kẹ wẹ nẹ, wọwẹ hẹ Pita, enu rẹ oragha nana me bọn ishọshi mẹ phihọ; ukpokpoma ọvuọvo se gere she-e.