Aizaya 25:9 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁹ Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Aizaya 25:9 ပူးပေါင်းရင်းမြစ်များ

Jẹnẹsis 49:18

Me hẹrhẹ esivwo wẹn, E Ọrovwohwo.

Une rẹ Ejiro 100:1

Do edo rẹ aghọghọ kẹ Ọrovwohwo na, otọ na ejobi!

Une rẹ Ejiro 20:5

E jẹn avwanre kperi veẹ aghọghọ fiki rẹ ephiokparobọ wẹn, vwẹ odẹ rẹ Ọghẹnẹ rẹ avwanre ke ma kpare ephiana rẹ avwanre kpenu! E jọ Ọrovwohwo ru oyare wẹn ejobi kẹ wẹ.

Une rẹ Ejiro 21:1

Ogangan wẹn ovie vwọ ghọghọ, E Ọrovwohwo; vwẹ evun rẹ ọchuko wẹn komavọ oma muo te!

Une rẹ Ejiro 27:14

Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.

Une rẹ Ejiro 33:20

Erhi rẹ avwanre hẹrhẹ Ọrovwohwo, ọye ọchuko kugbe egbe rẹ avwanre.

Une rẹ Ejiro 33:21

E, udu rẹ avwanre ghọghọ vwẹ oma rọye, kidie avwanre vwẹ ẹro so odẹ ọfuanfon rọye.

Une rẹ Ejiro 40:17

Vwọ kẹ vwẹ, mẹvwẹ ovwiogbere rẹ akpọ bẹn; ẹkẹvuọvo yẹ Ọrovwohwo karophihọ ovwẹ. Wọwẹ ọchuko mẹ kugbe osivwi mẹ, wo krẹ-ẹ, E Ọghẹnẹ mẹ.

Une rẹ Ejiro 9:14

rere me vwẹ obọ te otọ gbe ikun rẹ ejiro wẹn, rere vwẹ anurhoro rẹ ọmọtẹ ri Zayọn. Me sa vwọ ghọghọ vwẹ esivwo wẹn.

Une rẹ Ejiro 95:1

E yanrhe, jẹn a so ine kẹ Ọrovwohwo, jẹn e do edo re aghọghọ ke oragha rẹ esivwo re avwanre!

Aizaya 33:2

E Ọrovwohwo re ehrọre rẹ avwanre, we avwanre hẹrhẹ. Dia ọchuko rẹ avwanre kirhiọke kirhiọke, esivwo rẹ avwanre vwẹ ọke re ukpokpo-ghu

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Aizaya 35:1

Aghwa na kugbe otọ ọyaya na ke cha ghọghọ, aton na cha ghọghọ rọ de di ẹbe gbidigbidi, kerẹ igbodigbo,

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Aizaya 35:2

kọ cha ghwẹ ẹbe phihọ gbidigbidi, oma kọ vwerhọn vẹ aghọghọ kugbe ine ẹsuọ. Urinrin ri Lebanọn ka cha vwọ kẹ, orhuarho ri Kamẹl kugbe Sharọn. Kẹ ayen cha mrẹ urinrin rẹ Ọrovwohwo na, orhuarho rẹ Ọghẹnẹ rẹ avwanre na.

Aizaya 35:4

Ta ke ihwo re udu rayen djẹ oshọ, Gba gan, wọ djẹ oshọ-ọ! Nighere, Ọghẹnẹ wẹn na cha rhe vẹ ihri ẹriọ, vẹ osa ẹhwa rẹ Ọghẹnẹ. Ọ cha rhe rhi sivwi uwe.

Aizaya 37:20

Eriyin Asakiephana, E Ọrovwohwo Ọghẹnẹ rẹ avwanre, sivwi avwanre nẹ obọ rọye, rere uvie rẹ akpọ na ejobi vwọ riẹn nẹ wọwẹ ọvo kpoi re hẹ Ọrovwohwo.

Aizaya 40:9

Yanran kpo enu rẹ ugbenu ro kpenu, E Zayọn, aghwoghwo rẹ ikun esiri na, kpare urhuru wẹn kpenu vẹ ogangan, E Jerusalẹm, aghwoghwo rẹ ikun esiri na, vrẹn mudia, wọ dje oshọ-ọ, ta ke irere ri Juda, Nighere Ọghẹnẹ wẹn na.

Aizaya 41:16

Ku wọ va ehọrọ nẹ ayen, odju ko mu ayen yanran, aphopho kọ hra ayen. Ku wọ ghọghọ vwẹ evun rẹ Ọrovwohwo vwẹ evun rẹ Ọfuanfon Ọvuọvo rẹ Izrẹl na wo de vwo urinrin.

Aizaya 49:23

Ivie ke dia ese rẹ aruakpọ wẹn, ivie re eya ke dia ini re ghẹre ovwan. Ayen ki diguẹ bọvwọn epharo rhuotọ kẹ wẹ, ke rare ekpẹn re awọ wẹn. Etiyin wo ke riẹn nẹ Mẹvwẹ Ọrovwohwo na Otu re hẹrhẹ ovwẹ oma sa vo aye-en.

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Aizaya 52:10

Ọrovwohwo ban igbabọ ọfuanfon rọye phihọ vwẹ irhanro rẹ egborho na ejobi; oba rẹ akpọ na ejobi ke cha mrẹ esivwo rẹ Ọghẹnẹ rẹ avwanre.

Aizaya 60:16

Wo che viẹ ame ivie rẹ ẹgborho na, ku wo viẹ ivie rẹ ivie; ku wọ riẹn nẹ Mẹvwẹ, Ọrovwohwo na, Osivwi wẹn Ọtan wẹn, Ọgba Ọvuọvo ri Jekọp na.

Aizaya 61:10

Ke Me ghọghọ gangan vwẹ evun rẹ Ọrovwohwo, ẹnwẹn Mẹ kọ ghọghọ vwe evun rẹ Ọghẹnẹ Mẹ, kidie ọ reyọ iwun rẹ esivwo vwo rhuo vwe, o ku adagba re ọvwata rhurhu uvwe, kirobo re ọpha ghwẹ emwu gide oma rọye, kirobo rẹ ọpha ghwẹ evwarha eghaghare phihọ oma,

Aizaya 64:4

Nẹ awanre rhe ohwo ọvo ji nyo-o eyẹ vwẹ erhọn nyo-ọ, ẹro je mrẹ Ọghẹnẹ ọfa chọ wẹ ra-a, ro ru iruo kẹ ihwo re hẹrhẹ owẹ.

Aizaya 65:18

Ẹkẹvuọvo gba ghọghọ re oma vwerhe owẹ bẹdẹ vwẹ oma rẹ obo re Me mare, kidie nighere, Me ma Jerusalẹm vwọ kẹ omavwerhe, ihwo rọye ke aghọghọ.

Aizaya 8:17

Me hẹrhẹ Ọrovwohwo, ro si opharo rọye nu kẹ uwevwi ri Jekọp, ki mi phi ẹro phihọ.

Maika 7:7

Ẹkẹvuọvo vwọ kẹ vwẹ Ọrovwohwo mi che ni, me hẹrhẹ Ọghẹnẹ rẹ esivwo mẹ; Ọghẹnẹ mẹ che nyo vwẹ.

Habakọk 3:18

ye me je ghọghọ vwẹ oma rẹ Ọrovwohwo ghene, mi vwo aghọghọ vwẹ oma rẹ Ọghẹnẹ rẹ esivwo mẹ.

Zekaraya 10:7

Etiyin re Ifrem kọ cha họhọ ọgbọfovwi rode, udu rayen cha ghọghọ kerẹsiẹ ra mrẹ nẹ ayen da wain. Emọ rayen da mrẹ, oma kọ vwerhe ayen, udu rayen ke ghọghọ vwẹ evun rẹ Ọrovwohwo na .

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Iyẹnrẹ Esiri ri Luk 2:25

Asakiephana ọshare ọvo herọ vwẹ obi Jerusalẹm, re se odẹ rọye Simiọn, ọvwata vẹ ohwo rọ djẹ oshọ rẹ Ọrovwohwo, o ji phiẹrohọ evwiẹ rẹ Osivwi rẹ Izrẹl na, Erhi Ọfuanfon da hẹ oma rọye.

Filipae 3:1

Ọ rọ ka oba, imoni mẹ, wa ghọghọ vwẹ evun rẹ Ọrovwohwo. Re vwo si emu ọvuọvo na rhe ovwan ghwa bẹn kẹvwẹ nọ-ọ, yẹ ọye ri yovwi kẹ ovwan.

Filipae 3:3

Avwanre hẹ ihwo re yanvwe omamọ rẹ oyanvwe na, re gọ Ọghẹnẹ vwẹ erhi, ri vwi Kristi Jesu vwọ yan eyan, re vwẹ ẹro so ugboma-a.

Taitọs 2:13

Avwanre ra hẹrhẹ ebruphihọ rẹ iphiẹrohọ rẹ ẹdẹ rẹ ẹcha rọye, ẹvwọphia rẹ urinrin rẹ Ọghẹnẹ Ọsivwi rẹ avwanre rode na Jesu Kristi.

1 Pita 1:6

Vwẹ evun rẹ ọnana ovwan ke ghọghọ, dede nẹ vwẹ ọmọke krẹn ovwan cha reoja rẹ odavwini sansan,

1 Pita 1:8

Ovwan je mrẹ dẹvo-o yẹ ovwan guọnerọ; dede nẹ ovwan je mrẹ dẹvo-o na yẹ ovwan sere gbuyota, ovwan da ghọghọ vẹ omavwerhe rẹ unu se gbe-e.

2 Pita 3:12

re hẹrhẹ re kpakpa ẹcha rẹ ẹdẹ rẹ Ọghẹnẹ na, ra cha vwi fiki rọye torhẹ idjuvwu na re da wran kufia, rẹ erhanre da wran ekuakua re herọ kufia?

Ẹvwọphia 1:7

Nighe, ọ cha vwẹ irharheghe, ẹro kẹro ke mrẹ, ohwo kohwo ro duvwuro; uvwiẹ rẹ akpọ na ki kuenu rẹ oviẹ. Eriyin ọ dia. Isẹ.

Ẹvwọphia 22:20

Ohwo ro se oseri kpahe Emu nana tare, O muẹro me cha nanana. Isẹ. Yanrhe, Ọrovwohwo Jesu!