Aizaya 25:6 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁶ Vwẹ ugbenu nana Ọrovwohwo rẹ otuofovwi na kọ vwẹ emu kẹ ihwo na ejobi re emu rẹ ivwri, wain ro vwo ọgbodo, emu rẹ ivwri rọ vọnre vẹ otu rẹ esuanson, wain egangan ra nabọ rhẹ

Aizaya 25:6 ပူးပေါင်းရင်းမြစ်များ

Une rẹ Ejiro 36:8

Ayen rọ ria vwẹ oburhubu rẹ uwevwi wẹn, wọ kẹ ayen ame da nẹ urhie rẹ ivuavwerhe wẹn rhe.

Une rẹ Ejiro 63:5

Ẹnwẹ mẹ ra ghọghọ kerẹsiẹ ra da re otu re osuanson kugbe ivwri, unu mẹ vẹ ẹbẹrunu mẹ ko jiri uwe vẹ aghọghọ,

Une rẹ Ejiro 78:68

ẹkẹvuọvo ọ da je orua ri Juda reyọ, Ugbenu ri Zayọn, rọ guọnọre.

Solomon 1:2

E mane wọ vwẹ unu wẹn vwọ fiọnfiọn ovwẹ! kidie ẹguọnọ wẹn, o yovwi nọ udi.

Solomon 1:4

Si vwe te oma wẹn, jẹn avwanre bru okpakpa. Ovie reyọ ovwẹ rhe uvun rọye. Oma ko di mu avwanre sanvwan ki mi di muẹ ghọghọ. Avwanre tete ẹguọnọ wẹn nọ udi Ọye sorọ rẹ ayen vwọ guọnọ owẹ.

Solomon 5:1

Mi de rhi te ogba mẹ, oniọvo mẹ, ọpha mẹ, Me da ghwẹ egẹn mẹ vẹ ugboduma mẹ, Me da vwẹ ọnyọn mẹ rẹ evwavwa mẹ? Me da vwẹ ame rẹ ivie da udi mẹ Re E igbeyan, re wọ da; Da udi vọn oma, E ense mẹ.

Aizaya 1:19

Wọ da rhọvwe wo de mu ọghọ, ku wọ re emu esiri rẹ otọ na,

Aizaya 25:10

Kidie Ọrovwohwo cha ghwobọ kpahe ugbenu nana, ke che chiyi Moab phihọ otọ vwẹ asan rọ epha, kirobo re chiyi ẹbe eyaya muotọ vwẹ erhurhu

Aizaya 56:7

ena keye Me reyọ rhe ugbenu ọfuanfon Mẹ, ki mi ru ayen vwo vwo aghọghọ vwẹ evun rẹ uwevwi rẹ ẹrhovwo Mẹ, izobo rayen rẹ ẹtorhẹ kugbe izobo rayen ka rhọvwọ ayen vwẹ enu rẹ ẹshẹ Mẹ, kidie uwevwi Mẹ ke se uwevwi rẹ ẹrhovwo kẹ ihwo ejobi.

Jerimaya 48:11

Moab egbomọphẹ nẹ ọke emọ rhe ro tidia phihọ enu rẹ ikiẹn rọye eji kuọ nẹ ọche phihọ ochẹ-ẹ, eyẹ ọ je yanran kpo imu-u; ọtiọye ọdavwẹ rọye ji no obọ-ọ ọnrhe rọye je rhẹriẹ-ẹ.

Daniẹl 7:14

Kọye vwẹ isuesun kẹ, kugbe urinrin vẹ uvie, rere ihwo ejobi, vẹ ẹgborho ejobi vẹ ephẹrẹ ejobi vwọ sa ga; isuesun rọye ọye isuesun ri bẹdẹ, ro che jẹ ẹwanvrẹn, kẹ uvie re jẹ sa ghwọrọ.

Zekaraya 8:3

E nẹ Ọrovwohwo tare: Mi che rhivwi kpo Zayọn, ke Me dia uherevie ri Jerusalẹm, ke se Jerusalẹm orho rẹ uyota, ugbenu rẹ Ọrovwohwo rẹ otuofovwi na, ugbenu ọfuanfọn.

Matiu 26:29

Ẹkẹvuọvo me ta kẹ ovwan nẹ, me gbe sa da ame ri vain ọfa-a, bẹsiẹ me vwọ rhoma da ọkpokpọ vwẹ uvie rẹ Ọsẹ mẹ.

Matiu 8:11

Me ta kẹ ovwan nẹ, ihwo buebu che nẹ obaro ọnre rhe kugbe obọrhe ọnre, i mi rhi tidia kugbe Ebraham, Aizik kugbe Jekọp vwẹ uviẹ rẹ Ọghẹnẹ.

Iyẹnrẹ Esiri ri Mak 16:15

Ọ da ta kẹ ayen, Ovwan yanran ro akpọ na ejobi, re ghwoghwo iyẹnrẹ esiri na ke ema na ejobi.

Iyẹnrẹ Esiri ri Luk 22:30

rere ovwan re re ovwan ria vwẹ enu rẹ imẹjẹ mẹ vwẹ uvie mẹ, re we tidia ekete mẹ de guẹdjọ rẹ orua ihwivẹ rẹ Izrẹl.

Iyẹnrẹ Esiri ri Luk 5:39

O vwo ohwo rọ da udi rẹ awanre nu, ọ da guọnọ ọkpokpọ-ọ; kidie ọ tare nẹ, ọ rẹ awanre na ri me yoma.

Hibru 12:22

Ẹkẹvuọvo ovwan rhe yan te ugbenu ri Zayọn re, re te orere rẹ Ọghẹnẹ ri bẹdẹ na re, kọye hẹ Jerusalẹm rọ hẹ obenu na, kugbe ukoko rẹ emakashe gbidi re ghwẹ koko re orẹ,

Ẹvwọphia 19:9

Amakashe na da ta kẹ vwẹ, Si ọnana; Ebruba kẹ ayen otu re se kpo orẹ rẹ orọvwe rẹ Omogodẹ na. Ọ da ta kẹ vwẹ, Enana eta rẹ uyota rẹ Ọghẹnẹ.